မိုးနဲ့ နှင်းနဲ့ အပြိုင်

မိုးနဲ့ နှင်းနဲ့ အပြိုင်

ဒီမှာတော့
မိုးတွေရွာပြီ
နှင်းတွေလည်းကျသည်
အချိန်လည်းရောက်ပြီ
တော်လှန်ရေးကို စရတော့မည်။

မိုးရွာလို့ မိုးစိုမှာစိုး
နှင်းကျလို့ သွေးအေးမှာမို့ 
သွေးမအေးခင် စကြပါစို့ ။ ။

စစ်နိုင်မင်း

အပြည့်အစုံသို့ >>>

<<<အကျဉ်းချုပ်သို့ 

မစ်ရှီဂန် ကဗျာစု

ရွှေပြောင်းအိပ်မက်

ဧရာဝတီမှ မစ္စစ္စပီသို့ 
ငမိုးရိပ်မှ မစ်ရှီဂန်သို့ ။

မုဆိုးတွေ စည်းပျက်တော့
ယာခရိုးက
ချိုးလင်းပြာ ငှက်ကလေးလည်း
လွတ်ရာပြေးရတာပေါ့။

တရားမမျှတတဲ့အခါ
ဘ၀ဟာမလုံခြုံပါဘူး။

ရွှေဝါရောင် ညညတွေမှာ
ခဏခဏပြောင်းပြောင်းအိပ်ရတဲ့
ပုန်းခိုကျင်းကလေးတွေ။

ပြေးနေတဲ့ လူရဲ့စိတ်ဟာ
လေးလံလွန်းလှပါရဲ့။

အိပ်မက်ကို မစွန့် လွတ်နိုင်ဘူး
သွားလေရာ
အပင်ပန်းခံ လွယ်လွယ်သွားရတယ်။

ခုလည်းပဲ
ကိုယ့်ဝပ်ကျင်းကလေးထဲကိုယ်
ကိုယ့်အိပ်မက်နဲ့ ကိုယ်။

မပျော်ပါဘူး
တတိယနိုင်ငံဆိုတာ
ပထမနိုင်ငံမှမဟုတ်တာ။ ။

အောင်ဝေး
(အောက်တိုဘာ ၁၀ - ၂၀၀၈)
Mandalay Gazette,Oct-2008

အပြည့်အစုံသို့ >>>

<<<အကျဉ်းချုပ်သို့ 

Poetry of the fall

မမခင်ဦးစံပယ်သို့ တမ်းချင်း (၃)

မစ်ရှီဂန်မှာတော့
တစ်ဆောင်းသစ်ပြန်ပေါ့။

ကျွန်တော့်တိုင်းပြည်ကလေးပေါ်မှာ
ဒုက္ခမိုးတွေစွေစွေရွာနေရော့မယ်
ကျွန်တော်သိတယ်။

ရွှေဝါရောင်အောက်မေ့ဖွယ်
ရန်ကုန်လမ်းမတွေ
သွေးနဲ့ မျက်ရည် မတိတ်သေးဘူး
ကျွန်တော်သိတယ်။

လေပြင်းတွေမတိုက်ပါစေနဲ့ 
မုန်တိုင်းတွေမလာပါစေနဲ့ ။

ဝသန်မိုးဟာ အငြိုးကြီးတော့မယ်
နွားရိုင်းသွင်းချိန်
ကလေးတွေအပြင်မထွက်ပါစေနဲ့ ။

ဒီမှာတော့
နီးလာသိန်းအဖမ်းခံရတဲ့နေ့က
နယူးဂျာစီရောက် တင်းမိုးလွင်ရယ်လေ
တယ်လီဖုန်းထဲမှာ ရှိုက်ကြီးတငင်ငိုရှာတယ်။

၂၀၀၈ ဟာ အဆုံးအရုံးတွေကြီးလွန်းလှတယ်
ဒိုရာသန်းအေး(ဘိလပ်ပြန်သန်း)
ပဒိုမန်းရှာ
လူထုဒေါ်အမာ
မေရှင်
၂၀၀၈မှာ
ကျွန်တော်တို့ ပေးဆပ်လိုက်ရတာတွေများလွန်းပါရဲ့။

ကျွန်တော်တို့ ပြန်ရလိုက်တာကတော့်
ဦးဝင်းတင်တစ်ယောက်တည်းပါပဲလေ။

မနေ့က အင်တာနက်မှာ ဖတ်လိုက်ရတယ်
အင်းစိန်က ဈေးသည်မလေးတွေ
ဦးဝင်းတင် အိမ်ရှေ့ သွားချောင်းကြည့်ကြတယ်တဲ့။

“ဒီဆရာကြီးက ငါတို့ ဘ၀တွေကို
ကယ်တင်ပေးနိုင်လိမ့်မယ်”

ဈေးသည်မလေးတွေ ယုံကြည်သလို
ကျွန်တော်တို့ ယုံကြည်ဖို့ လိုတယ်။

ယုံကြည်ချက်က
မြားကိုဖြောင့်စေတယ်
တရားကို စောင့်စေတယ်။

ယုံကြည်ချက်က
ဓားကို ထက်စေတယ်
အားကို တက်စေတယ်။

ယုံကြည်ချက်က
တပ်ဦးကနေ ချီလိမ့်မယ်။

ယုံကြည်ချက်က
အလံကို မြင့်မြင့်ထူလိမ့်မယ်။

မကြာခင်
ဇာတ်သိမ်းခန်းရောက်တော့မယ်။

တကယ်ပါ
အမေရိကန်ဆောင်းဦးပေါက်မှာ
တစ်ယောက်တည်း
တိုင်းပြည်ကို လွမ်းရတာ
အရသာ အရှိဆုံးပါပဲ။ ။

အောင်ဝေး
(အောက်တိုဘာ ၁၀ - ၂၀၀၈)

အပြည့်အစုံသို့ >>>

<<<အကျဉ်းချုပ်သို့ 

သတင်းစာဆရာကြီး ဦးဝင်းတင် လွတ်မြောက်

ထောင်ထဲတွင် ၁၉ နှစ်ကျော်နေခဲ့ရသော သတင်းစာဆရာကြီး လွတ်မြောက်ပြီ


ချင်းမိုင်။ ။ အကျဉ်းထောင်အတွင်း ၁၉ နှစ်ကျော်ကြာနေခဲ့ရပြီးနောက် သတင်းစာဆရာကြီး ဦးဝင်းတင်သည် ယနေ့ အင်္ဂါနေ့ ညနေတွင် လွတ်မြောက်လာပြီ ဖြစ်သည်။

စစ်အစိုးရ၏ အဓိက အငြိုးထားခြင်း ခံခဲ့ရသည့် အသက် ၇၈ နှစ်အရွယ် ဦးဝင်းတင်သည် ယနေ့ လွှတ်ပေးသော အကျဉ်းသား ၉၀၀၂ ယောက်တွင် ပါဝင်ခဲ့ခြင်း ဖြစ်သည်။

ဦးဝင်းတင်သည် ယခုလောလောဆယ်တွင် မိတ်ဆွေရင်းဖြစ်သူ ဦးမောင်မောင်ခင်၏ နေအိမ်သို့ သွားရောက်နေထိုင်လျှက် ရှိသည်။

ညနေ ၄ နာရီတွင် ပြန်လည် လွတ်မြောက်လာပြီးနောက် ဦးဝင်းတင်က "ကျနော်က နိုင်ငံရေးသမားတယောက် ဖြစ်တဲ့အတွက် နိုင်ငံရေးပဲ ဆက်လုပ်မှာပဲ၊ အဲဒီကိစ္စကို အရှံးပေးဖို ဖိအားပေးတဲ့ ပုဒ်မ ၄၀၁ ကို လုံးဝ လက်မှတ်မထိုးခဲ့ဘူး။ ဒီနေ့ကစပြီးတော့ အမျီုးသား ဒီမိုကရေစီ အဖွဲ့ချုပ်နဲ့ ဒေါ်အောင်ဆန်းစုကြည်ကို ဆက်လက် ထောက်ခံသွားမှာပဲ ဖြစ်တယ်။ ကျနော်အသက် ၈၀ ပြည်တော့မယ်။ ဒါပေမယ့် ရပ်မှာတော့ မဟုတ်ဘူး။" ဟု စာနယ်ဇင်းသမားများကို ပြောကြားသည်။

"တိုင်းပြည်မှာ ဒီမိုကရေစီ ဖြစ်ထွန်း ပေါ်ပေါက်လာတဲ့အထိ ကျနော် ဆက်လက်ပြီး တိုက်ပွဲဝင်သွားမယ်" ဟု ကျန်းကျန်းမာမာ ရှိနေသည့် ဦးဝင်းတင်က ရိုက်တာ သတင်းဌာနကို ပြောကြားသည်။

အမျိုးသား ဒီမိုကရေစီ အဖွဲ့ချုပ်ဝင်များဖြစ်သည့် ဗိုလ်ကြီး ၀င်းထိန်၊ မရမ်းကုန်းမြို့နယ် ပြည်သူ့လွှတ်တော်အမတ် ဒေါက်တာ မေ၀င်းမြင့်၊ စမ်းချောင်းလွှတ်တော်အမတ် ဦးခင်မောင်ဆွေ၊ တောင်ငူလွှတ်တော်အမတ် ဦးအောင်စိုးမြင့်၊ သပိတ်ကျင်းမြို့နယ် အမျိုးသား ဒီမိုကရေစီ အဖွဲ့ချုပ်ဝင် ဦးအေးသိန်း တို့လည်း အချုပ်အနှောင်မှ ပြန်လည် လွတ်မြောက်လာပြီ ဖြစ်သည်။

အမျိုးသား ဒီမိုကရေစီ အဖွဲ့ချုပ် ပြန်ကြားရေး အဖွဲ့ဝင် ဦးသိန်းညွန့်က "သူတို့ လွတ်လာပြီဆိုတော့ ကျနော် အရမ်း ဝမ်းသာပါတယ်။ ဘာဘဲ ပြောပြောဗျာ၊ အမျိုးသာ ပြန်လည် သင့်မြတ်ရေးအတွက် ကောင်းတဲ့ဟာ ဖြစ်ပါစေဗျာ" ဟု မဇ္ဈိမကို ပြောသည်။

၂၀၁၀ ခုနှစ်တွင် စစ်အစိုးရက ကြီးမှူးပြုလုပ်မည့် ရွေးကောက်ပွဲများနှင့် ဆက်ဆိုင်ပြီး အကျဉ်းသား ၉၀၀၂ ယောက်ကို လွှတ်ပေးခြင်းဖြစ်သည်ဟု အစိုးရအာဘော် မြန်မာ့အလင်း သတင်းစာတွင် ဖော်ပြထားသည်။

"မိမိအကျိုး၊ ဒေသ အကျိုးနှင့် ၂၀၁၀ ပြည့်နှစ်အတွင်း ကျင်းပမည့် တရားမျှတမှုရှိသော ရွေးကောက်ပွဲများတွင်လည်း အများပြည်သူတို့နှင့် အတူ နိုင်ငံတော် အကျိုးကို ထမ်းရွက်သွားနိုင်ရန် အတွက်လည်းကောင်း အကျဉ်းသား ၉၀၀၂ ဦးအား ပြစ်ဒဏ်ကျခံနေရခြင်းကို ရပ်စဲပေးလိုက်ပြီး သက်ဆိုင်ရာ အကျဉ်းစခန်း အသီးသီးမှ ပြန်လည် စေလွှတ်လိုက်သည်" ဟု မြန်မာ့အလင်း သတင်းစာတွင် ရေးသားထားသည်။

နိုင်ငံရေး အကျဉ်းသား ရှိသည်ဟူ၍ မည်သည့်အခါကမှ ၀န်ခံခဲ့ဖူးခြင်းမရှိသော စစ်အစိုးရက ဒီမိုကရေစီ ထွန်းကားရေးအတွက် အတိုက်အခံ နိုင်ငံရေး လှုပ်ရှားမှုများ ပြုလုပ်သောကြာင့် ဖမ်းဆီးခဲ့သူများနှင့် ပတ်သက်ပြီး ပြောဆိုထားခြင်း မရှိပေ။

နီးစပ်ရာမှတဆင့် လွတ်ကောင်း လွတ်လိမ့်မည် သတင်းကြားကာ ဦးဝင်းတင်၏ မိတ်ဆွေများနှင့် သူ့ကို လေးစားချစ်ခင်သူများက အင်းစိန်ထောင်ရှေ့တွင် ကြိုတင် စောင့်ဆိုင်းနေခဲ့ကြသလို နာမည်ဆိုးဖြင့် ကျော်ကြားသော အင်းစိန်ထောင်မှ ရာဇ၀တ်ပြစ်မှုဖြင့် ကျခံခဲ့ရသော အကျဉ်းသား ရာပေါင်းများစွာ လွှတ်ပေး၍ လာရောက် စောင့်ဆိုင်းနေသူများဖြင့် စည်ကားနေခဲ့သည်။

စောင့်နေကြရင်းနှင့် ထောင်ဗူးဝမှ အချိန်အတော်ကြာလင့်စွာ ထွက်မလာနိုင်သေးသည့်အတွက် သတင်းစာဆရာကြီး၏ မိတ်ဆွေများမှာ ယခင်တခေါက်ကဲ့သို့ ပြန်လည် ဖြစ်မည် စိုးရိမ်ပူပန်ခဲ့ကြပြီး ဦးဝင်းတင်ကို မြင်တွေ့ကြမှသာ သက်ပြင်းချနိုင်ကြသည်ဟု မဇ္ဈိမကို ပြန်လည် ပြောပြကြသည်။

အရှေ့တောင်အာရှ စာနယ်ဇင်း သမဂ္ဂမှ အလုပ်အမှုဆောင် အရာရှိ ရော်ဘီ အလမ်ပေက "အရှေ့တောင် အာရှ တလွှား၊ အာရှနဲ့ ကမ္ဘာ တ၀ှမ်းလုံးက သတင်းသမားတွေ အားလုံးဟာ ဦးဝင်းတင် လွတ်လာလို့ သိပ်ဝမ်းမြောက်ကြမှာပါ။ အကယ်လို့သာ လွန်ခဲ့တဲ့ နှစ်နှစ်ဆယ်လောက် ကတည်းက အရှေ့တောင်အာရှမှာ သတင်း လွတ်လပ်ခွင့်အတွက် ရုန်းကန်ခဲ့ရတဲ့ ပြယုဒ်တခုကို ပြပါဆိုရင် ဦးဝင်းတင်ကို ပြရမှာပဲ။ အရင်က သူ့ရဲ့ ဒီမိုကရေစီရေးအတွက် မပျက်မယွင်း ကြိုးပမ်းနေတဲ့ စိတ်ကို သိရတော့ အတော်လေး ခံစားရပါတယ်။ သူကတော့ ဒီဒေသရဲ့ လွတ်လပ်စွာ ဖော်ထုတ် ပြောဆိုခွင့်ရဖို့် ကြိုးပမ်းမှုတွေ ဆက်လက် ဖြစ်ပေါ်လာဖို့ အတွက် အရေးပါတဲ့ စိတ်ဓာတ်ခွန်အား တရပ်အဖြစ် တည်ရှိနေမှာပါပဲ" ဟု ပြောသည်။

အမျိုးသား ဒီမိုကရေစီ အဖွဲ့ချုပ်၏ ကနဦးတည်ထောင်ရာတွင် တဦးအပါအ၀င်ဖြစ်သူ ဦးဝင်းတင်ကို စစ်အစိုးရက ပါတီဝင်တဦး တရားမ၀င် ကိုယ်ဝန်ဖျက်ချရာတွင် သက်ဆိုင်ရာသို့ တိုင်ကြားခြင်းမရှိဟု ဆိုကာ ထိန်ချန်မှုဖြင့် ဖမ်းဆီး ထောင်ချခဲ့သည်။

နောက်ပိုင်းတွင် စစ်အစိုးရက ဦးဝင်းတင်သည် လူထုကို အစိုးရနှင့် ထိပ်တိုက်တွေ့အောင်လုပ်သူ ဒေါ်အောင်ဆန်းစုကြည်၏ အဓိက အကြံပေးပုဂ္ဂိုလ်ဟု စွပ်စွဲ ပြောဆိုခဲ့သည်။

ထောင်ကျနေစဉ်အတွင်း နိုင်ငံရေး ဆန့်ကျင် လှုပ်ရှားမှုကြောင့် ပြစ်ဒဏ်တိုးခံရသလို ပြစ်ဒဏ်ရက်စေ့ပြီ ဖြစ်သော်လည်း စစ်အစိုးရ၏ ဆင့်ကဲဆင့်ကဲ စွဲချက်တင်ကာ သက်တမ်းရှည်စေခြင်းဖြင့် ထောင်ကျ သက်တမ်း အကြာဆုံး နိုင်ငံရေးသမား ဖြစ်လာခဲ့သည်။

သို့သော်လည်း စစ်အစိုးရကို အရှုံးမပေးစတမ်း ကြံ့ကြံ့ခံ၍ ယုံကြည်ချက်ကို စွဲကိုင်သူအဖြစ် နိုင်ငံရေး လှုပ်ရှားသူများအကြားနှင့် အာဏာပိုင် အချို့ကပါ လေးစားခံရသူလည်း ဖြစ်သည်။

အသက် ၁၃ နှစ်မှ စတင်၍ သတင်းစာလောကသို့ ၀င်ရောက်လာခဲ့သော ဦးဝင်းတင်သည် ထောင်တွင်း ရှိနေချိန်တွင်လည်း တွေ့ဆုံဆွေးနွေး အဖြေရှာရေး စာတမ်းများ၊ နေအိမ်အကျယ်ချုပ် ကျခံနေရသော ဒေါ်အောင်ဆန်းစုကြည်ကို လွှတ်ပေးရန် တောင်းဆိုချက်များ၊ ထောင်တွင်း လူ့အခွင့်အရေး ချိုးဖောက်မှုများကို တင်ပြသော စာတမ်းများ စသည်တို့ကို ရေးသားခဲ့သည်။

ဦးဝင်းတင်သည် UNESCO မှ ချီးမြင့်သော Guillermo Cano ကမ္ဘာ့စာနယ်ဇင်း လွတ်လပ်ရေးဆု (Guillermo Cano World Press Freedom Prize), ကမ္ဘာ့ သတင်းစာများ အသင်း၏ လွတ်လပ်ရေးအတွက် ရွှေကလောင်ဆု (Newspapers' Golden Pen of Freedom), နယ်စည်းမခြား သတင်းထောက်များ ဆု (Winner of Reporters Without Border) များကို ရရှိခဲ့သည်။

(တတိယအကြိမ် ထပ်မံဖြည်စွက် တင်ပြထားသည်)
--------------------------------------

ယခုအချိန်အထိ အတည်ပြုနိုင်သော လွတ်မြောက်လာသူများ

- အင်းစိန်ထောင်မှ သတင်းစာဆရာကြီး ဦးဝင်းတင်

- ဒေါ်အောင်ဆန်းစုကြည်၏ ရုံးအဖွဲ့ တာဝန်ခံ ဗိုလ်ကြီးဝင်းထိန်

- စမ်းချောင်းလွှတ်တော်အမတ် ဦးခင်မောင်ဆွေ

- မရမ်းကုန်း လွှတ်တော်အမတ် ဒေါက်တာ မေ၀င်းမြင့်

- တောင်ငူလွှတ်တော်အမတ် ဦးအောင်စိုးမြင့်

- သပိတ်ကျင်းမြို့နယ် အမျိုးသား ဒီမိုကရေစီ အဖွဲ့ချုပ်ဝင် ဦးအေးသိန်း

--------------------------------------

သူတို့ မှတ်ချက်


မိတ်ဆွေတဦးဖြစ်သူ ဦးလှဦး
"ရောက်နေတာက ညနေ ၄ နာရီလောက်မှာ။ ထောင်က အာဏာပိုင်တွေက လိုက်ပို့တာ။ ကျနော်က မနက်ကတည်းက သတင်းရတော့ ထောင်ကိုသွားတာ၊ အချုပ်ခန်းထဲမှာ မရှိတော့ဘူးဆိုတာ သိတော့ အထဲဝင်ပြီး သွားစုံစမ်းမယ် လုပ်တာ ဦးဝင်းတင်က အိမ်ရောက်နေပြီ။

"ရောက်ကတည်းက ခုစကားပြောနေတာ ၂ နာရီလုံးလုံး ရှိပြီ။ Non Stop စကားပြောနေတာ။ လူတွေက အများကြီးဘဲဗျာ။ သတင်းထောက်တွေလည်း ပါတယ်။ ကျနော်တောင် ထိန်းလို့ မရတော့ဘူး။

"ကျန်းကျန်းမာမာပါဘဲ။ အားလုံး ကောင်းပါတယ်။ မျက်စိတော့ နဲနဲကုရမယ်။

"သူက အရမ်းတက်ကြွတာ။ ထောင်အဝတ်အစားကို မချွတ်သေးဘူး။ ချွတ်ခိုင်းလို့ကို မရဘူး။ သူက သူ့ကိုယ်သူ ထောင်ကျလို့ သတ်မှတ်ထားတယ်တဲ့၊ အပြင်လူ မဟုတ်ဘူးတဲ့ အဲသလို ပြောနေတာ။"


ဝါရင့် နိုင်ငံရေးခေါင်းဆောင်တဦး ဖြစ်သည့် ဗိုလ်မင်းလွင်
"ဝမ်းသာပါတယ်၊ နှစ်ရှည်ချခံ နေရတာလေ၊ လွတ်ပေးတဲ့အတွက် ကြိုဆိုပါတယ်၊ နောက်တခုက အမျိုးသား ပြန်လည်သင့်မြတ်ရေး အတွက်လည်း အထောက်အကူ ဖြစ်စေလိမ့်မယ်လို့ မျှော်လင့်တယ်၊ ဘာကြောင့်လဲဆိုတော့ အန်ကယ်တို့က နိုင်ငံရေး အကျဉ်းသားတွေ အားလုံး လွတ်မြောက်ဖို့အတွက် အကြံပြုနေတာပါ၊ တောင်းဆိုနေတာပါ၊"


ကရင်အမျိုးသား အစည်းအရုံး ဗဟိုဌာန သတင်းနှင့် ပြန်ကြားရေး တာဝန်ခံ ဗဒိုစောလှငွေ
"ဦးဝင်းတင်တို့လိုပေါ့လေ။ တကယ့် ကျနော်တို့ တိုင်းပြည်ရဲ့ ဘယ်လိုခေါ်မလဲ။ ဒီ ပုဂ္ဂိုလ်တွေက စတိတ်မန်းပေါ့ဗျာ။ အင်မတန်မှကို တမျိုးသားလုံးရဲ့ အကျိုးအတွက်ကလဲ တကယ် ပညာရှင်ကြီးတွေ။ ဒီလို ပုဂ္ဂိုလ်မျိုးဟာ ဟိုနဂိုကတည်းက ချုပ်ကို မချုပ်သင့်၊ ဖမ်းကို မဖမ်းသင့်ပဲနဲ့ ကျနော်တို့က သူတို့ရဲ့ အကြံဥာဏ်တွေနဲ့ ကျနော်တို့ရဲ့ တိုင်းပြည် စည်းလုံးညီညွတ်အတွက် ကောင်းကြောင်းတွေ လုပ်သင့်တာပေါ့လေ။ နောက်ပိုင်းမှာလည်းပဲ ဒီပုဂ္ဂိုလ်ကို လွှတ်မယ်၊ လွှတ်မယ်ဆိုပြီး မလွှတ်ပဲနဲ့ ထားခဲ့တယ်။ သို့သော်လည်း အခုအချိန်မှာ လွှတ်လိုက်တဲ့ အတွက်ကြောင့် ဒါကတော့ လုပ်သင့်လုပ်ထိုက်တဲ့ အလုပ်ကို အလွန်တရာ နောက်ကျပြီးမှ လုပ်တယ်လို့ပဲ ကျနော်တို့ ထင်တယ်။ ဘယ်လိုပဲ ဖြစ်ဖြစ်ပေါ့လေ။ ဒါက ဝမ်းမြောက်ဝမ်းသာစရာပါပဲ။ ပုဂ္ဂိုလ်ကြီးတွေရဲ့ အနစ်နာခံမှုတွေ အမျှော်အမြင်ကြီးမှုတွေနောက် စေတနာအမှန်နဲ့ ခိုင်မာတဲ့ ဒီစိတ်ဓါတ်ရေးရာတွေကို ကျနော်တို့ အင်မတန် လေးစားပါတယ်။ ဒီပုဂ္ဂိုလ်တွေကနေ ထွက်လာသလိုပဲ အပြင်မှာလည်းပဲ ထွက်လာရုံသာမကဘူးပေါ့လေ။ ဒီပုဂ္ဂိုလ်တွေကို လွှတ်လိုက်တယ် ဆိုပြီးတော့ အသုံးချ ရုံလောက် နာမည်ပြပြီးတော့ ကမ္ဘာကို လှည့်စားဖို့။ တိုင်းပြည်ကို လှည့်စားဖို့ လွှတ်လိုက်တဲ့ ပုံစံမျိုးမဟုတ်ဘဲနဲ့ ဒီပုဂ္ဂိုလ်ကြီးတွေဟာ တကယ့်ကို ကျနော်တို့ အမျိုးသား အကျိုးအတွက်ကို၊ တစ်တိုင်းပြည်လုံးအတွက်ကို သူတို့ စွမ်းအားရှိသမျှ ဆောင်ရွက် နိုင်အောင် ဘာပဲဖြစ်ဖြစ် လက်ရှိ အစိုးရအနေနဲ့ တခါးဖွင့်ပေးသင့်တယ်။ အားပေး သင့်တယ်ပေါ့ အမျိုးသား စည်းလုံး ညီညွတ်ရေးကို တည်ဆောက်တဲ့ လက္ခဏာကောင်း တရပ် အဖြစ်ပေါ့လေ။ ဆက်လက်ပြီးတော့ ဦးဆောင်အစိုးရသစ်အတွက် လက်တွဲဆောင် ရွက်ဖို့အတွက် ကျနော်တို့အနေနဲ့ မျှော်လင့်တယ်လို့ ကျနော်တို့က အဲဒီလိုပဲ ပြောချင်တယ်။"
-------------------------------------


အမျိုးသား ဒီမိုကရေစီ အဖွဲ့ချုပ် ပြန်ကြားရေးအဖွဲ့ဝင် ဦးသိန်းညွှန့် ပြောကြားချက်

ဦးဝင်းတင်နဲ့ ဒေါက်တာ မေဝင်းမြင့် တုိ့ ကျနော်အမှုသည်၊ ကျနော် လိုက်ခဲ့တာပါ။ သူတို့ လွတ်လာပြီဆိုတော့ ကျနော် အရမ်း ဝမ်းသာပါတယ်၊ ကျနော် ရှေ့နေအဖြစ် နှစ်ခု ပြောချင်တယ်။ သူတို့ ဘယ်အကြောင်းနဲ့ပဲ လွတ်လာ၊ လွတ်လာ ကျန်တဲ့ နိုင်ငံသားတွေ ထောင်ချ၊ အချုပ်မှာ ရှိနေတဲ့ လူတွေကိုရော လွတ်လာတာကိုရော မြင်ချင်ပါတယ်။ ကျန်တဲ့ နိုင်ငံရေး အကျဉ်းသမားတွေ အပါအဝင် လွတ်လာတယ်ဆိုတော့ ဘာဘဲ ပြောပြောဗျာ၊ အမျိုးသာ ပြန်လည် သင့်မြတ်ရေးအတွက် ကောင်းတဲ့ဟြာ ဖစ်ပါစေဗျာ။ ကျနော် ဒီလောက်ပဲ ပြောချင်တယ်။
--------------------------------------


ဦးဝင်းတင်၏ မိတ်ဆွေကြီး ဦးမောင်မောင်ခင် ပြောကြားချက်

လွှတ်တော့ မလွှတ်သေးဘူးဗျ။ ထောင်ဗူးဝတော့ ရောက်နေပြီ။ မြင်ခဲ့တဲ့ လူတွေကတော့ သေချာပြောတာဘဲ။ ဦးဝင်းတင်နဲ့ ဒေါက်တာ မေဝင်းမြင့် တို့၊ နိုင်ငံရေးသမားကြီးတွေပေါ့ဗျာ။ နှစ်တွေ ထပ်ထပ် တိုးနေတဲ့ သူတွေကိုပေါ့ဗျာ။

ကျနော် ကြားတာကတော့ ၁၂း၃ဝ နာရီခွဲ ၁ ချက်တီးလောက်မှာ လူကြီးတွေက မိန့်ခွန်းချွေပြီး လွှတ်မယ်လို့ ပြောမယ်။ သတင်းတွေ လိုက်ပြီး စုစည်း လိုက်တဲ့အခါကျတော့ သေချာဘို့ တော်တော် နီးစပ်ပါတယ်။

ကျနော်တို့ကတော့ လွှတ်ပြီဆိုမှ လွတ်ပြီလို့ ကျနော်တို့ ယုံရမှာပေါ့နော်။

၂ဝ ရက်နေ့က ကျနော် သူ့ကို သွားတွေ့တယ်။ သူသိတယ်။ သူတို့ ထောင်သားတွေကို လွှတ်လိမ့်မယ်ကွ၊ အို၊ နာ၊ ကျိုး၊ ကန်း တွေကိုတဲ့။ အသက်ကြီးတဲ့ သူတွေ၊ နာမကျန်းတဲ့ သူတွေ။ ငါတော့ အဲဒါကို ငြင်းထားတယ်။ ငါ့ကို နိုင်ငံရေးအရ ဖမ်းရင်တော့ နိုင်ငံရေးအရ လွှတ်ရမယ်လို့ ကျနော် ပြောထားတယ်တဲ့။

သူ့ကို နိုင်ငံရေးအရ လွှတ်ရင်တော့ သူထွက်လာမှာပါ။

၂ဝဝ၅ ခုနှစ်ကလည်း မိန့်ခွန်းတွေ ပါတွေချွေ၊ သူ့အကြောင်းတွေ ပါတွေပြော၊ ထမင်းတွေ ဘာတွေ ကျွေးပြီးတော့ အထဲ ပြန်ခေါ်သွားတာ။

ကျနော်က ဒီမှာ တယ်လီဖုန်းတွေ စောင့်နေတာ။ လွှတ်လာရင် အစိုးဘက်က လူကြီးတွေ ကျနော့်အိမ်ကိုဘဲ လာပို့ပေးမှာပါ။ ကျနော့်အိမ်က ထောင်နဲ့ မျက်နှာချင်းဆိုင်မှာဘဲလေ။ ဒီမှာလည်း စောင့်နေကြတာ။
--------------------------------------


မြန်မာစံတော်ချိန် မွန်းလဲ ၂း၁၀ မိနစ်တွင် ဦးဝင်းတင်၏ မိတ်ဆွေကြီး ဦးမောင်မောင်ခင် ပြောကြားချက်

"နောက်ဆုံး ကြားရတဲ့ သတင်းကတော့ ထောင်ဗူးဝတော့ ရောက်နေပြီလို့ ကြားတယ်။ ညနေပိုင်းမှ လွတ်မယ်လို့ ကြားတယ်။

"ခုက လွှတ်တော့ လွှတ်နေတယ်ဗျ။ ခါးပိုက်နိုက်တွေ၊ သူခိုးတွေ၊ မှောင်ခိုတဲ့ မိန်းမတွေ၊ ချဲအမှုတွေနဲ့ ဖမ်းထားတဲ့ သူတွေလည်း တသုတ်ပြီး တသုတ် လွှတ်နေတာပဲလေ။

"လွတ်နေတာကတော့ ၉ဝ၊ ၁ဝဝ တော့ မကတော့ဘူး။ ထောင်ကားတွေနဲ့ လိုက်ပို့နေတယ်။ လုံခြုံရေးတွေတော့ မရှိပါဘူး။ ဒီနေ့တော့ လွှတ်မဲ့သူတွေရဲ့ မိသားစုဝင်တွေ အပြင်မှာ စောင့်နေတာတွေတော့ အများကြီးဘဲ ရာဂဏန်းတော့ ရှိတယ်။ တခြား အစောင့်တွေတော့ မရှိပါဘူး။

"ဦးဝင်းတင်ကို သွားစောင့်တာတော့ ကျနော်တို့ မိသားစုဘဲ ရှိမယ်။ နောက်ထပ် တနာရီခြား ခေါ်ပေးပါ။"

နောက်ဆက်တွဲကို ဆက်လက် ထုတ်ပြန်သွားမှာ ဖြစ်သည်။

(မဇ္ဈိမမှ ရယူသည်)

အပြည့်အစုံသို့ >>>

<<<အကျဉ်းချုပ်သို့ 

အကျဉ်းသား ၉၀၀၂ ဦးအား အကျဉ်းထောင်များမှ လွတ်မြောက်လာ

အပြည့်အစုံသို့ >>>

<<<အကျဉ်းချုပ်သို့ 

ချစ်ခြင်းအားဖြင့်

မမခင်ဦးစံပယ်သို့ တမ်းချင်း (၂)

မမခင်ဦးစံပယ်ရယ်
မြေကြီးအောက်မှာ ငှက်တစ်ကောင်ရှိတယ်။
မြေကြီးအောက်ကငှက်ဟာ
တောင်ပံတစ်ဖတ်တည်းနဲ့ မြေကြီးကိုယက်ပြီး
ကောင်းကင်ပေါ်တက်လာနိုင်တယ်။
မြေကြီးအောက်ကငှက်ဟာ
တောင်ပံမပါဘဲနဲ့လည်း မြေကြီးထဲကထွက်ပြီး
မိုးပေါ်ကိုတက်လာနိုင်တယ်။
မြေကြီးအောက်ကငှက်ဟာ
ဂစ်တာတစ်လက်နဲ့လည်း ကမ္ဘာမြေငြိမ်းချမ်းဖို့ 
တေးတို့ နိုင်တယ်။
မြေကြီးအောက်ကငှက်ဟာ
ဂစ်တာမပါဘဲနဲ့လည်း ကမ္ဘာပေါ်ကစစ်ပွဲတွေရပ်စဲဖို့ 
တေးညှို့ နိုင်တယ်။
မမခင်ဦးစံပယ်ရဲ့
မြေကြီးအောက်ကငှက်ဟာ
သောင်ရင်းမြစ်ကိုဖြတ်ပြီးတော့လည်းသွားခဲ့ဖူးတယ်
သောင်ရင်းမြစ်ကို ကျော်ပြီးတော့်လည်းပြန်ခဲ့ဖူးတယ်။
မမခင်ဦးစံပယ်ရယ်
မြေကြီးအောက်ကငှက်ဟာ
ချစ်ခြင်းမေတ္ထာနဲ့ဥာဏ်ပညာကိုယုံကြည်သတဲ့။
မြေကြီးအောက်ကငှက်ဟာ
မမခင်ဦးစံပယ်ရဲ့ မိသားစုလူနာဖြစ်ခဲ့ဖူးသလို
ကျွန်တော့်ရဲ့ ရဲဘော်ရဲဘက် လူငယ်လည်းဖြစ်ခဲ့ဖူးတယ်။
မြေကြီးအောက်ကငှက်ဟာ
သီချင်းနဲ့မတောင်းရမ်းခဲ့ဖူးဘူး။
မြေကြီးအောက်ကငှက်ဟာ
မာနမဲ့ ဒူးထောက်အရှံးမပေးခဲ့ဖူးဘူး။
မြေကြီးအောက်ကငှက်-
သူဟာ “အတ္တမဲ့အလင်း”
မြေကြီးအောက်ကငှက်ဟာ
ပေါ်လစီသီချင်းတွေ မဆိုခဲ့သလို
ပေါ်လစီသီချင်းတွေလည်းမရေးခဲ့ဘူး။
ပေါ်လစီစတိတ်ရှိုးစင်ပေါ်ကိုလည်း
ဘယ်တော့မှမတက်ခဲ့ဘူးလေ။
မြေကြီးအောက်ကငှက်ကို
အာဏာ၊ ငွေကြေး ၊ရမ္မက်၊ ဂုဏ်ထူးဆောင်လက်မှတ်တွေနဲ့ 
မြှူဆွယ်လို့ မရဘူးလေ။
မြေကြီးအောက်ကငှက်ဟာ
ကမ္ဘာ့ဒုက္ခနဲ့အသည်းကွဲခဲ့ဖူးသလို
မြန်မာ့ဒုက္ခနဲ့လည်း အသည်းကွဲခဲ့ဖူးသူ။
မြေကြီးအောက်ကငှက်ဟာ
အတောင်ညောင်းလို့ အိပ်စက်ရတဲ့အခါ
ဆရာကြီးမင်းသုဝဏ်နဲ့ဘေးချင်းယှဉ်ပြီးအိပ်စက်ရတယ်။
မြေကြီးအောက်ကငှက်ဟာ
သေနတ်များကိုလည်းခုံမင်ပြီး
နှင်းဆီပန်းများကိုလည်း စွဲလမ်းသူဖြစ်တယ်။
မြေကြီးအောက်ကငှက်ဟာ
ရှစ်လေးလုံးအရေးတော်ပုံကို ကောင်းကောင်းရင်ခုန်ခဲ့ဖူးတယ်။
အကယ်၍ အသက်ထင်ရှားရှိနေဦးမယ်ဆိုရင်
မြေကြီးအောက်ကငှက်ဟာ
ရွှေဝါရောင်တော်လှန်ရေးကိုလည်း ကျိန်းသေရင်ခုန်ဦးမှာပဲ။
ရန်သူနဲ့မိတ်ဆွေ မခွဲခြားနိုင်ဘဲနဲ့ 
တော်လှန်ရေးလုပ်လို့ မရဘူးဆိုရင်
မမခင်ဦးစံပယ်ရဲ့
မြေကြီးအောက်ကငှက်ဟာ
တော်လှန်ရေးသမားစစ်စစ်ပေါ့။
တကယ်တော့ မမခင်ဦးစံပယ်ရယ်
မြေကြီးအောက်ကငှက်ဆိုတာ
ကောင်းကင်ကိုတောင် ငုံ့ကြည့်နိုင်စွမ်းရှိသူပေပဲ။
မြေကြီးအောက်ကငှက်ဟာ
ဘယ်လောက်တောင် ကြီးကျယ်သလဲဆိုရင်
ရာဇာဓိရာဇ် အရေးတော်ပုံကျမ်းကိုတောင်
ရုပ်ရှင်ရိုက်ပြဦးမတဲ့။
မမခင်ဦးစံပယ်ရဲ့
မယုံမရှိနဲ့
မြေကြီးအောက်ကငှက်ဟာ
သီချင်းနဲ့ပုန်ကန်သူ
အနုပညာသူပုန်စိတ်ကြီးသူ။
မမခင်ဦးစံပယ်ရယ်
မြေကြီးအောက်ကငှက်ကို
အနာဂတ်ကလည်း နှစ်လိုပေမယ်။
သူ့ကိုဂုဏ်ပြုဖို့ 
ကျွန်တော်တို့ ဘဝ လုံခြုံအောင်လုပ်ရမယ်။
ဘဝလုံခြုံဖို့ ဆိုရင်
(၁)စစ်အာဏာရှင်စနစ်ပြုတ်ကျမှဖြစ်မယ်
(၂)ဒီမိုကရေစီနဲ့ လူ့ အခွင့်အရေးရမှဖြစ်မယ်
(၃)ဒေါ်အောင်ဆန်းစုကြည်အစိုးရ ပေါ်ထွန်းမှဖြစ်မယ်။
မြေကြီးအောက်ကငှက်ကို
လွမ်းတဲ့အခါ
“ရာဖဝင်များရဲ့ သတို့ သမီး” သီချင်းနားထောင်ပါ။
အခု ကျွန်တော်သူ့ ကိုလွမ်းနေတဲ့အကြောင်း
မြေကြီးအောက်ကငှက်ဆီကို
အီးမေးလ်ပို့ လိုက်မယ် မမခင်ဦးစံပယ်။
ပြီးတော့သူ့ကိုလွမ်းတဲ့အကြောင်းရေးထားတဲ့ဒီကဗျာ
သူ့ သမီး မိကွန်ထော ဖတ်ဖို့ 
ဖက်စ်နဲ့ ပို့ ရဦးမယ်။
သူ့ဇနီး သွယ်သွယ်ထွေးကိုလည်း
ကျွန်တော်သတိရကြောင်းပြောပြပေးပါ။
မမခင်ဦးစံပယ်။
ကျွန်တော်ပြန်လာတဲ့အခါ
မြေကြီးအောက်ကငှက်အမှတ်တရ
ကဗျာရွတ်ဆိုပွဲတစ်ခုလုပ်ကြတာပေါ့
သူ့သီချင်းတွေလည်းဆိုကြတာပေါ့
တစ်ချိန်ချိန်ပေါ့။
တစ်နေ့တော့
ကျွန်တော်တို့ လုပ်ကိုလုပ်နိုင်ရမယ်။
တစ်နေ့
ကျွန်တော်တို့ မုချ နိုင်ရမယ်။
အခုတော့ မစ်ရှီဂန်မှာ
လွမ်းရုံပဲ လွမ်းနိုင်သေးတာ။
မြေကြီးအောက်ကငှက်ကို အားနာတယ်။
တိုင်းပြည်ကိုလည်း အားနာတယ်။
မမခင်ဦးစံပယ်ရေ
ကောင်းကင်ပေါ်မှာ ငှက်တစ်ကောင်ရှိတယ်လေ။ ။

အောင်ဝေး
(ထူးအိမ်သင် ကွယ်လွန်ခြင်း ၄ နှစ်ပြည့်အမှတ်ရ၊ ၁၄ ဩဂုတ် ၂၀၀၈)

အပြည့်အစုံသို့ >>>

<<<အကျဉ်းချုပ်သို့ 

သားသုံးသားပေါင်းစည်းရေး

အပြည့်အစုံသို့ >>>

<<<အကျဉ်းချုပ်သို့ 

တပ်မတော်နှင့်ပတ်သက်၍

မြန်မာ့ဒီမိုကရေစီ ခေါင်းဆောင် ငြိမ်းချမ်းရေး နိုဘယ်ဆုရှင်
ဒေါ်အောင်ဆန်းစုကြည်၏ တပ်မတော်သားများသို့ ပန်ကြားချက်

မြန်မာနိုင်ငံ လွတ်လပ်ရေးရဖို့အတွက် ကြိုးပမ်းခဲ့တဲ့ ခေါင်းဆောင်ကြီးများဟာ ကျွန်မတို့ နိုင်ငံကို ဒီမိုကရေစီ နိုင်ငံအဖြစ်နဲ့ ထူထောင်ခဲ့တာ ဖြစ်ပါတယ်။ လွတ်လပ်ရေးရဖို့အတွက်လည်း ပြည်သူလူထုနဲ့ တပ်မတော်သား များ အားလုံးလက်တွဲပြီးတော့ ကြိုးပမ်းခဲ့လို့ ရခဲ့တာ ဖြစ်ပါတယ်။ အခုအချိန်မှာ ဒီမိုကရေစီရရှိရေးအတွက် ပြည်သူလူထုနဲ့ တပ်မတော်လက်တွဲပြီး လုပ်ဖို့သာလိုပါတယ်။ ဒီမိုကရေစီနိုင်ငံတွေမှာ တပ်မတော်ရဲ့ ဂုဏ်သိက္ခာကြီးထွားပုံကို ကမ္ဘာက သိကြပါတယ်။ ဒီမိုကရေစီနိုင်ငံဆိုတာဟာ ပြည်သူလူထုက နေပြီးတော့ တင်မြှောက်တဲ့ အစိုးရကနေ အုပ်ချုပ်တဲ့နိုင်ငံဖြစ်ပါတယ်။ တပ်မတော်သားများဟာလဲ ပြည်သူလူထု ကြားထဲ ကနေ ပေါက်ဖွားလာတဲ့သူများ မို့လို့ ပြည်သူလူထု ရွေးကောက်ပွဲတင်မြှောက်ထားတဲ့ အစိုးရများဟာ တပ်မတော်သားများကို ထိုက်ထိုက်တန်တန် ဂုဏ်ရှိရှိ သိက္ခာရှိရှိ ထားမယ်ဆိုတာ ယုံမှားသံသယရှိစရာ လုံးဝမလိုပါဘူး။ အခုအချိန်မှာ ဆိုလို့ရှိရင် တချို့လူတွေဟာ ကျွန်မတို့ အမျိုးသားဒီမိုကရေစီအဖွဲ့ချုပ်နဲ့ တပ်မတော်ကြားထဲမှာ စိတ်ဝမ်းကွဲအောင်လို့ အမျိုးမျိုး ပြောကြပါတယ်။ အမျိုးသားဒီမိုကရေစီအဖွဲ့ချုပ်ဟာ မြန်မာနိုင်ငံရဲ့ အကျိုးစီးပွားအတွက် မလိုလားသယောင်ယောင်၊ တပ်မတော်ရဲ့ အကျိုးစီးပွားကိုပဲ မလိုလား သယောင်ယောင် ပြောကြပါတယ်။ ဒါပေမဲ့ ကျွန်မတို့ဟာ အစဉ်တစိုက် မြန်မာနိုင်ငံနဲ့ မြန်မာ့တပ်မတော်ကို ဂုဏ်သိက္ခာရှိရှိနဲ့ ရပ်တည်စေချင်တဲ့အဖွဲ့ ဖြစ်ပါတယ်။

ကျွန်မတို့တပ်မတော်ဟာ စကတည်းက ပြည်သူလူထုရဲ့ နွေးထွေးမှုကို ခံယူနိုင်မှသာလျှင်၊ ဒီတပ်မတော် ထူထောင်ခဲ့ရတာဟာ အကျိုးရှိမှာ ဖြစ်ပါတယ်။ ဒါကြောင့်မို့လို့ ကျွန်မတို့ တပ်မတော်အနေနဲ့ ဒီမိုကရေစီ ရရှိရေးအတွက် ပြည်သူလူထုရဲ့ အကျိုးကို မျှော်ကိုးပြီးတော့ ကြိုးပမ်းသင့်တယ်လို့ ကျွန်မတို့ ထင်ပါတယ်။ နိုင်ငံတနိုင်ငံအတွင်းမှာ ပြည်သူလူထုနဲ့ တပ်မတော်၊ တပ်မတော်နဲ့ ပြည်သူလူထု တသားတည်းရှိမှသာလျှင် ငြိမ်းချမ်းမှုလည်း ရှိနိုင်မယ်။ တိုးတက်မှုလည်းရှိနိုင်မှာ ဖြစ်ပါတယ်။ တကယ်တော့လည်း တပ်မတော်ဆိုတာ တခြားနိုင်ငံက အဖွဲ့အစည်းမဟုတ်ဘဲ ဒီနိုင်ငံထဲက အဖွဲ့အစည်း၊ တခါတလေ တပ်မတော်နဲ့ ပြည်သူကို ခွဲခြားပြီး ပြောတာကို ကျွန်မတို့ နားမလည်ပါဘူး။ တပ်မတော်သားများဆိုတာဟာ ပြည်သူလူထုက ပေါက်ဖွား လာတာ ဖြစ်ပါတယ်။ ပြည်သူလူထုနဲ့ တပ်မတော်ကို ခွဲခြားချင်တဲ့ စိတ်ဓာတ်ဟာ အင်မတန်မှ ဆိုးဝါးတဲ့ စိတ်ဓာတ်ဖြစ်ပါတယ်။ တပ်မတော်နဲ့ နိုင်ငံရေးသမားများ ကြားထဲမှာလည်း စိတ်ဝမ်းကွဲအောင် လုပ်တယ် ဆိုတာဟာ မလိုလားအပ်တဲ့ကိစ္စ ဖြစ်ပါတယ်။

နိုင်ငံတနိုင်ငံမှာ နိုင်ငံရေးသမားများ ရှိမှသာလျှင် နိုင်ငံရေးဘက်ကနေပြီး ပီပီပြင်ပြင် လုပ်နိုင်မှာပါ။ ဒါကြောင့် မို့လို့ နိုင်ငံရေးသမားများနဲ့ နိုင်ငံရဲ့ အစိုးရကို ပီပီပြင်ပြင်ဖြစ်အောင် လုပ်မယ်၊ နိုင်ငံရေးသမားများရဲ့  လုံခြုံရေးကို တာဝန်ယူရတဲ့ တပ်မတော်ကြားထဲမှာဆိုရင် နားလည်မှု အများကြီးရှိဖို့ လိုပါတယ်။ ဒီလို နားလည်မှုရှိဖို့ ကျွန်မတို့ အစဉ်တစိုက် ကြိုးစားနေပါတယ်။ ကျွန်မတို့ အမျိုးသားဒီမိုကရေစီ အဖွဲ့ချုပ်မှာဆိုလို့ရှိရင် မြန်မာ့တပ်မတော်ထဲမှာ အဆင့်မြင့် အမှုထမ်းခဲ့တဲ့ အရာရှိများ များစွာရှိပါတယ်။ ဒါကြောင့်မို့လို့ ကျွန်မတို့ အမျိုးသား ဒီမိုကရေစီအဖွဲ့ချုပ်ဟာ တပ်မတော်ရဲ့ လိုအပ်ချက်များကို ကောင်းမွန်စွာ နားလည်ပါတယ်။

ဒေါ်အောင်ဆန်းစုကြည်
၁၉၉၉ခုနှစ် သြဂုတ်လ (၇)ရက်

အပြည့်အစုံသို့ >>>

<<<အကျဉ်းချုပ်သို့ 

Poem from Generation Wave

ရာစုသစ်ရဲ့ သူရဲကောင်းတွေ

သွေးကြောင်ပြီး ဘေးမရှောင်ဘူး
ခွေးဟောင်လို့လည်း ထွက်ပြေးမယ်မထင်နဲ့
ဆက်ရေးတယ် … ငါတို့သမိုင်းကို … ဆက်ရေးမယ်
အကွေးမခံဘူး အဆွေးမခံဘူး…
အာဏာရှင်ရဲ့ နားရွက် တံတွေးတက်ဆွတ်ဖို့မတွန့်ခဲ့ဘူး ဒီလိုငါတို့ရူးသွပ်ပစ်ခဲ့
ငါတို့နေတဲ့ ငါတို့မြေအတွက်
ရူးသွပ်ခဲ့ ရူးသွပ်ပစ်ခဲ့…
လူ့ဘ၀စဉ်စစ်တွေအတွက်
အသက်ရှင်ခြင်းစစ်စစ်ကို ရူးသွပ်ခဲ့
ရူးသွပ်ခဲ့ ငါတို့ရူးသွပ်ခဲ့…
ငါတို့လွတ်မြောက်ဖို့အတွက်
ရူးရူးမူးမူးကို ရူးသွပ်ခဲ့ကြ
ငါတို့ဘ၀ကို ငါတို့ချစ်ခဲ့ကြပေတယ်
ငါတို့မြေအတွက် ငါတို့ ကြေမွပစေပေါ့
တို့ဘ၀တွေကို ဒီလိုရင်းပစ်လိုက်တယ်
လာကြစမ်း…..လာထားကြစမ်း…..
အကြောက်တရားကို ချောက်ကမ်းပါးထဲ ကန် ချ
ငါတို့သွေးကနီပါတယ်ကွ…
ကျည်ဆန်တွေလား ဟားဟား…ကျည်ဆန်တွေတဲ့လားကွာ
ရီသံနဲ့တင် အနိုင်ပိုင်းပြဖို့
ဒီမှာ ဒုန်းစိုင်းလို့ချီ လာကြပြီလေ…
မျိုးဆက်လှိုင်းတွေ…မျိုးဆက်လှိုင်းတံပိုးတွေ
အိပ်မက်ရိုင်းကို ရင်နဲ့ထမ်းပိုး
မိစ္ဆာတံတိုင်းကို ဖျက်ချိုးပစ်တော့မယ်…….

မိုဃ်းသွေး
Generation Wave

" စက်တင်ဘာလ၃ရက်၊ ၂၀၀၈မှာ အဖမ်းခံလိုက်ရတဲ့ ကျွန်တော်တို့ရဲ့အကိုကြီးကိုကျော်ဦးအတွက်အမှတ်တရ"

အပြည့်အစုံသို့ >>>

<<<အကျဉ်းချုပ်သို့ 

တောင်ကိုရီးယားက ပို့ တဲ့ကဗျာ

စက်တင်ဘာ

တခါတရံတုန်းက စက်တင်ဘာပေါ့
အဆင်ခြင်မဲ့ပြု လူတစ်စုကြောင့်
အလှတရားတစ်ခု
ထက်ပိုင်းကျိုးကျ
သွားရပြန်ရော.........
ပြီးခဲ့တဲ့ စက်တင်ဘာပေါ့
အသိဉာဏ်ခေါင်းပါး လူငနွားတွေ
ပစ်ခတ်ရမ်းကား
ပြုမူများကြောင့်

အပြစ်မဲ့လူများ သွေးသံကြားမှာ
စုရုံးညီညာ အသက်ပေးကြရရော
အဲဒီ......စက်တင်ဘာကြောင့်
မျိုးဆက်သစ်များ အားဖြစ်စေတော့
ရက်စွဲအသစ် စွဲမယ်ကြုံရင်း
စက်တင်ဘာမိုးရွားဖြိုးတော့တယ်
အခု စက်တင်ဘာက......
ပြောနေပြန်ပြီ
ကဲ
ခင်များတို့နှစ်ပဲ
ကြယ်ကောင်းတစ်ပွင့်ဖြစ်စေဖို.ရာ
ဒီ.......စက်တင်ဘာကိုချစ်လိုက်ပါတဲ့။ ။

သျှင်ခ

အပြည့်အစုံသို့ >>>

<<<အကျဉ်းချုပ်သို့ 

အပြည့်အစုံသို့ >>>

<<<အကျဉ်းချုပ်သို့ 

ကျော်ကိုကို ထောင်ထဲက ပို့ တဲ့ကဗျာ

သူငယ်ချင်းများသို့

အခုပို့ပေးလိုက်တဲ့ ကဗျာကို ငါတို့ရဲ့ကျောင်းသားခေါင်းဆောင်တယောက်က ၂၀၀၇ ခုနှစ် သြဂုတ် လ ၂၈ ရက်နေ့မှာ ဖွဲ့စည်းခဲ့တဲ့ ဗကသများအဖွဲ့ချုပ် ဖွဲ့စည်းမှု (တစ်နှစ်ပြည့် အမှတ်တရ) ရေးသားတာပါ။ ထောင်တွင်းမှာ ငါတို့ ကျောင်းသားတွေကို နအဖ အစိုးရက ဘယ်လောက်ထိ လူမဆန်စွာ ညှင်းပန်းနှိပ်စက်တယ်ဆိုတာ သူ့ကဗျာအရေးအသားကို ဖတ် ကြည့်ရင် သိနိုင်ပါတယ်။ ဒီလောက်ထိ သေလုမျောပါးနှိပ်စက်ခံရတာကိုတောင် သူတို့တွေရဲ့ဇွဲသတ္တိတွေ လျော့မသွားသေးဘဲ ပြည် သူအားလုံး သူတို့လို မခံစားရအောင် ခိုင်ခိုင်မာမာ ကြိုးစားနေကြတုန်းပဲ။ အဲဒီလို နှိပ်စက်ညှင်းပန်းမှုတွေရဲ့အပြင်မှာ ငါတို့တွေ နေ ထိုင်နေကြပြီး ဘာလို့ သူတို့လို ခိုင်မာတဲ့စိတ်ဓာတ်၊ တိုင်းပြည်ချစ်တဲ့စိတ်ဓာတ်တွေ မမွေးနိုင်ရမှာလဲ။ ငါတို့မှာ ငါတို့ရဲ့ ကိုယ်ပိုင် လွတ်လပ်ခွင့်တွေ ရှိသင့်တာပဲ။ ဒီလိုကဗျာမျိုးကို ငါတို့တွေလဲ ရေးနိုင်ရမှာပဲ။ သူတို့လို သမိုင်းကြောင်းကို ငါတို့တွေလည်း လျှောက် လှမ်းနိုင်ရမှာပဲ။ ငါတို့ပြည်သူတွေ ဒီထက်ပိုပြီး ဆင်းရဲတွင်းမနက်ရအောင် ငါတို့ဖန်တီးနိုင်ရမှာပဲ။ သူများလုပ်တဲ့အချိန်မှာ ငါတို့တွေ က ကိုယ်နဲ့မဆိုင်သလို လက်ပိုက်ကြည့်နေမယ့်အစား လက်တွဲကူညီလိုက်ရင် တနေ့နေ့မှာတော့ အောင်မြင်နိုင်ရမှာပဲ။ ငါတို့ ကျောင်းသားတွေ ဘာတွေကိုတွေဝေပြီး စောင့်နေကြသလဲ။ ဒီလိုဦးဏှောက်မရှိတဲ့ နအဖ အစိုးရရဲ့ ပညာရေးဟာ ငါတို့အတွက် ဘာတွေများမက်မောစရာကောင်းနေလို့လဲ။ ကျောင်းသားလူငယ်ပီပီ မခံချင်စိတ်တွေ မွေးကြပါတော့။ မဝေးတော့တဲ့ ပန်းတိုင်အ တွက် ခွပ်ဒေါင်းစိတ်ဓာတ်တွေ နိုးကြားကြပါတော့။ ငါတို့ နောင်အနာဂတ်မျိုးဆက်တွေအတွက် နအဖ အစိုးရကို တော်လှန်နိုင် အောင် ကြိုးစားကြပါတော့။ အချိန်ဆွဲနေလို့ မဖြစ်တော့ဘူး။ တိုင်းပြည်ရဲ့အနာဂတ်ကို တန်ဖိုးရှိအောင် ငါတို့ ကျောင်းသားတွေ ပြောင်းလဲပစ်နိုင်တယ်ဆိုတာကို ယုံကြည်ကြပါတော့။ ၂၀၁၀ မတိုင်ခင် အချိန်ခဏလေးအတွင်းမှာ ငါတို့တိုင်းပြည်ကို စစ်ကျွန်ဘဝ က ကယ်တင်နိုင်အောင် ငါတို့ကျောင်းသားတွေ စည်းလုံးကြပါတော့။

Fighting Peacoca

------------------------------------------
သွေးချွေး မျက်ရည် တော်လှန်ရေး

အကျပ်ကိုင်ခံရလွန်းလို့
ဇောချွေးစီးကြောင်း
ဆူပွက်ပွက်ထဲ
ဒီတစ္ဆေခရီးကို
ဘယ်သူမျှဆက် သည်းမခံနိုင်တော့ဘူး။

လက်ဖျံရိုး နှစ်ချောင်းနဲ့
အရိုးခေါင်း အလံနက်ကို
မီးတိုက်
အဆိပ်ကုန်သည်သင်္ဘောကြီး
လောင်မြိုက်ပေါက်ကွဲရေး
ကြာပွတ်ဖျားမှ သွေးစက်တိုင်း
သတိပေးနေတယ်။

ဝတ်ကျေတန်းကျေ ရာသီဥတုထဲ
စိန်ပန်းတွေမရှိ
ခုံတန်းပြာမရှိ
တိုက်ရာပါပညာရေးသာ
နင်းမိုင်းကြွမိုင်းတွေကြား
တလမ်းသွားပြေးဆွဲနေရဲ့။

ကံ့ကော်အိုဟာ
မျက်ရည်စိုဖျန်းရုံနဲ့
မလန်းဆန်းတော့တာမို့
တချိမ့်ချိမ့် မိုးကြီးရဲ့ အောက်
ဒေါင်းတသင်းရောင်းရင်းဖွဲ့ဖို့
ကျောင်းဝင်းထဲရောက်ခဲ့ပြီ။

ကျော်ကိုကို (ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ်)

(၂၀၀၇ ခု သြဂုတ်လ ၂၈ ရက် ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ် ဖွဲ့စည်းမှုနှစ်ပတ်လည် အမှတ်တရ)

အပြည့်အစုံသို့ >>>

<<<အကျဉ်းချုပ်သို့ 

ရန်ကုန်ကဗျာစု (၂)

တော်လှန်ရေး

ဆူးစူး၍လျှင်
အပ်နှင့်ထွင်မည်
အသင်ဘာပြောချင်သနည်း။ ။

မောင်သာရ

အပြည့်အစုံသို့ >>>

<<<အကျဉ်းချုပ်သို့ 

ရန်ကုန်ကဗျာစု (၁)

တော်လှန်ရေး

ရိုးပြတ်ငုတ်စို့ 
မီးတိုက်ရို့ လော့
ငါတို့ ပျိုးသစ်ကြဲရအောင်။ ။

မီးဒုတ်

အပြည့်အစုံသို့ >>>

<<<အကျဉ်းချုပ်သို့ 

၈.၈.၈၈ အနှစ် ၂၀ ပြည့်အမှတ်တရ

၈.၈.၈၈ ကိုမေ့လို့ မရ
(စစ်နိုင်မင်း)

၈.၈.၈၈ ကို မေ့လို့ မရတဲ့
အမျိုးသားနိုင်ငံရေးထဲက
ပေါက်ဖွားလာတဲ့ကျွန်တော်
ကျွန်တော့်အသက် ကလေးအရွယ်
ဆိုးရွားတဲ့နိုင်ငံရေးထဲမှာမွေးဖွား
တစ်နေ့လုပ်မှ တစ်နေ့စားရတဲ့
ငယ်စဉ်က ကျွန်တော်တို့ရဲ့ အိပ်မက်ဆိုးဘဝ။

၈၈မှာ ကျခဲ့တဲ့သွေး
ယနေ့အထိမမေ့သေး
၈.၈.၈၈က
ဖြစ်ပွားခဲ့တာ မနေ့တနေ့ကလိုပါပဲ။

၈၈မှာ
သေဆုံးလို့  ကျခဲ့တဲ့သွေး
ကျန်ခဲ့လို့  ကျခဲ့တဲ့မျက်ရည်
ယနေ့အထိမမေ့သေး။

လမ်းတိုင်းပေါ်က သွေးစီးကြောင်းတွေ
မြင်ရသူတွေ သွေးပျက်မတတ်
မသမာသူတွေ
သေနတ်ကိုင်လို့ 
တွေ့ ရာလူကို ပစ်တဲ့ခေတ်။

ယခု (၈)လေးလုံး အနှစ် ၂၀ ပြည့်တဲ့ခေတ်
ပြည်သူတွေကို
သွေး မြေမှာမကျစေချင်
လွတ်လပ်ရေးကိုရစေချင်။

ဒို့ ခေါင်းဆောင်ဟာ
လွတ်လပ်ရေးကို လိုလား
ငြိမ်းချမ်းရေးကို မြတ်နိုး
မတရားတာကို လက်ပိုက်မကြည့်တတ်ဘူး။

၈.၈.၈၈ဟာ
ကျောင်းသား၊ ရဟန်း၊ ပြည်သူအများ
သွေးမြေမှာကျခဲ့တဲ့နှစ်
ကျွန်တော့် မျက်စိထဲက မထွက်သေးတဲ့အဖြစ်။

ကျွန်တော်တို့ ရဲ့ အသက်တွေကိုစတေး
နောင်လာ နောင်သား
မျိုးဆက်သစ်များ
အနာဂတ်တွေလှပဖို့ ။

၈.၈.၈၈ အနှစ် ၂၀ ပြည့်
အထိမ်းအမှတ်အဖြစ်
နိုင်ငံတကာမှာ ရောက်နေတဲ့
မြန်မာနိုင်ငံသားတိုင်းရဲ့
မေ့လို့ မရတဲ့နေ့အဖြစ်။

မြန်မာနိုင်ငံကြီး
အမြန်ဆုံး လွတ်လပ်ရေးရအောင်
ဆုတောင်း မေတ္တာပို့ ကြစို့ ။ ။

အပြည့်အစုံသို့ >>>

<<<အကျဉ်းချုပ်သို့ 

DON'T FORGET 8888.

88888888888888888888888888888888888888888888
88888888888888888888888888888888888888888888
88888888888888888888888888888888888888888888
88888888888888888888888888888888888888888888
88888888888888888888888888888888888888888888
88888888888888888888888888888888888888888888
88888888888888888888888888888888888888888888
88888888888888888888888888888888888888888888

အပြည့်အစုံသို့ >>>

<<<အကျဉ်းချုပ်သို့ 

နှစ် ( ၂၀) မြောက်..၈၈၈၈ ၏ ပုံရ်ိပ်များ။

"ဥဒေါင်း၏ ဝိညာဉ်"

ပြာပုံက ပြန်နိုး ထပျံတော့မဲ့ မီးဌက်....
အားအင်တွေ စုပြီး
တဖန် ...ခွပ်ကြစို့ လား ဒို့ ဥဒေါင်းဌက်

အမိမြေအတွက်ဆို..
အသက်ဘဲသေသေ
တိုက်ကြပါစို့ 
နိုးကြားစို့ 

မသဒ္ဓါ (၈။၇။၂၂၀၀၈)
နှစ် (၂၀) က ကျဆုံးခဲ့သော ရဲဘော်အပေါင်းအား အလေးပြုအမျှဝေပါသည်။

စဉ်ထာဝရ မေ့ မရ..တဲ့ ၈၈၈၈ ၏ ပုံရ်ိပ်များ။ အပိုင်း (၁)

စဉ်ထာဝရ မေ့ မရ..တဲ့ ၈၈၈၈ ၏ ပုံရ်ိပ်များ။ အပိုင်း (၂)

စဉ်ထာဝရ မေ့ မရ..တဲ့ ၈၈၈၈ ၏ ပုံရ်ိပ်များ။ အပိုင်း (၃)
Rest of your post
စဉ်ထာဝရ မေ့ မရ..တဲ့ ၈၈၈၈ ၏ ပုံရ်ိပ်များ။ အပိုင်း (၄)

စဉ်ထာဝရ မေ့ မရ..တဲ့ ၈၈၈၈ ၏ ပုံရ်ိပ်များ။ အပိုင်း (၅)

စဉ်ထာဝရ မေ့ မရ..တဲ့ ၈၈၈၈ ၏ ပုံရ်ိပ်များ။ အပိုင်း (၆)

အပြည့်အစုံသို့ >>>

<<<အကျဉ်းချုပ်သို့ 

8888 20th aniversary

Burma Credentials Challenge at the United Nations

Action Announcement – 1 August 2008

Beginning August 4th at 9 AM and continuing everyday through September, Burmese and non-Burmese activists will rally at the United Nations Headquarters in New York to call for the international community to recognize that the military junta in Burma is illegitimate and not the representative government of the people of Burma.

The legitimate government of the people of Burma was elected in 1990 during a free and fair General Election. The military junta in Burma, the State Peace and Development Council (SPDC), illegally and ruthlessly disregarded the will of the people and the results of this 1990 General Election. The SPDC maintains its power through a reign of terror and brute force; the SPDC is not and has never been the legal or legitimate state government of Burma.

As a result, many leading organizations of Burma's peaceful democracy movement have united to launch a challenge of the SPDC's credentials at the United Nations. Together, these leading non-violent democracy organizations call for international support of their "Credentials Challenge at the United Nations" campaign.

The world witnessed many recent atrocities in Burma associated with the "Saffron Revolution" in September 2007, when the junta killed monks peacefully protesting in the streets, and with Cyclone Nargis in May 2008, when the junta refused to provide immediate humanitarian assistance dying and suffering victims. The SPDC's crimes against humanity and brutality against the people in Burma must not be tolerated.

Today, on behalf of the people in Burma who are tortured and murdered for freedom, we ask every one of you to support this critical action against one of the world's most oppressive juntas.

Success of this campaign depends on your participation. Come to these vital rallies and show your support for a peaceful democratic transition in Burma. Please join us and help us challenge the SPDC's credentials at the United Nations.

As Daw Aung San Suu Kyi requested, it is time for us to stand together and use our liberty to promote liberty for the people in Burma.

**************************

ကုလသမဂ္ဂတွင် တရားဝင် စိန်ခေါ်ခြင်း လှုပ်ရှားမှု ကြေညာချက်

၂၀၀၈ သြဂုတ် ၁


လက်ရှိမြန်မာနိုင်ငံတွင် အုပ်ချုပ်နေသော နအဖသည် တရားဝင် အစိုးရမဟုတ်ကြောင်းနှင့် ပြည်သူလူထု၏ ကိုယ်စားလှယ်လည်း မဟုတ်ကြောင်း နိုင်ငံတကာကသတ်မှတ်လာစေရန် လှုံ့ ဆော်မည့် လှုပ်ရှားမှု တရပ်ကို လာမည့် သြဂုတ် ၄ ရက်နေ့  နံနက် ၉ နာရီမှ စတင်၍ စက်တင်ဘာလထိတိုင် မြန်မာနိုင်ငံသားများနှင့် မြန်မာ့အရေး ထောက်ခံသူ အမေရိကန် နိုင်ငံသားတို့  ပူးပေါင်း၍ နယူးယောက် မြို့ ရှိ ကုလသမဂ္ဂရုံးချုပ်ရှေ့ တွင် ဆန္ဒပြကြမည် ဖြစ်သည်။

မြန်မာနိုင်ငံ၏ တရားဝင်အစိုးရကို ၄င်းပြည်သူများက ၁၉၉၀ ရွေးကောက်ပွဲတွင် ရွေးကောက်တင်မြောက်ခဲ့သည်။ ပြည်သူလူထု၏ ဆန္ဒနှင့် ၄င်းတို့ ဆုံးဖြတ်ပေးလိုက်သည့် ၁၉၉၀ ရွေးကောက်ပွဲရလာဒ်ကို ယနေ့ ထိတိုင် န၀တ (၀ါ) နအဖက တရားမ၀င် ရက်စက်စွာ လစ်လျူရှုထားပြီး အာဏာကို အဓမ္မသိမ်းပိုက်ထားသည်။ နအဖသည် အသည်းနာ ကမ္ဘာမကြေဖြစ်ရထိတိုင် ပြည်သူများအား နည်းပေါင်းစုံဖြင့် ကြောက်လန့် အောင် ငြိမ်းခြောက်အုပ်ချုပ်နေခြင်းသာဖြစ်ပြီး တရားဝင် ပြည်သူ့ အစိုရ လုံးဝမဟုတ်ချေ။

ထို့ ကြောင့် မိမိတို့ ဒီမိုကရေစီလိုလားသူ အဖွဲ့ အစည်းများ ညီညွတ်စွာ ပူးပေါင်း၍ နအဖ၏ တရားမ၀င်မှုနှင့် ပြည်သူကိုယ်စားမပြုမှုကို ကုလသမဂ္ဂတွင် စိန်ခေါ်မည်ဖြစ်သည်။ မြန်မာနိုင်ငံ ဒီမိုကရေစီလိုလားသူအဖွဲ့ အစည်းများ လူပုဂ္ဂိုလ်များ ပူးပေါင်း၍ လုပ်ဆောင်မည့် ထိုလှုပ်ရှားမှုအပေါ် နိုင်ငံတကာရှိ ပြည်သူပြည်သားအားလုံး ၀ိုင်းဝန်း ပါဝင် ထောက်ခံကြရန် ဆော်သြသည်။

နအဖ၏ တိုင်းသူပြည်သားများအပေါ် ရက်စက်မှုကြောင့် မိမိတို့ မြန်မာနိုင်ငံသားများတင်မကဘဲ ကမ္ဘာ့ ပြည်သူများကလဲ နအဖကို စက်ဆုပ်ရွံရှာနေပြီဖြစ်သည်။ ၂၀၀၇ စက်တင်ဘာ သံဃာ့လှုပ်ရှားမှုတွင် နအဖ၏ ရက်စက်စွာဖြိုခွင်းခဲ့ခြင်းနှင့် မကြာသေးမီက ဖြစ်ပွားသော နာဂစ် မုန်တိုင်းဒဏ်သင့် ပြည်သူများအတွက် အရေးပေါ် ကယ်ဆယ်ရေး လုပ်ငန်းများ ချက်ချင်း လုပ်ကိုင်ခြင်းမရှိဘဲ လစ်လျူရှုထားခြင်း တို့ ကို ကမ္ဘာ့  ပြည်သူများက မျက်ဝါးထင်ထင်မြင်တွေ့ ထားပြီးဖြစ်သည်။ ကိုယ့်တိုင်းသူပြည်သား အချင်းချင်း ရက်ရက်စက်စက် သတ်ဖြတ်နေခြင်းအပေါ် သည်းခံခြင်းဖြင့် ခွင့်လွှတ်၍မရပါ။
ယနေ့  လွတ်မြောက်ရေးအတွက်နှင့် အသက်များ ဘ၀များ စတေးခံနေရသော မြန်မာပြည်သူများ အားလုံးကိုယ်စား ယခုအရေးတကြီး လုပ်ဆောင်မည့် လှုပ်ရှားမှုတွင် တဦးမကျန် အားလုံးပါဝင် ကြပါရန် ကျွန်ုပ်တို့ က လေးနက်စွာ တောင်းဆိုလိုက်သည်။

ကမ္ဘာ့ အဆုံးရွားဆုံးသော စစ်အုပ်စုအား စိန်ခေါ်ဆန့် ကျင်မည့် ကျွန်ုပ်တို့ ၏ ရှင်းလင်းပြီး ပြတ်သားသော ထိုလှုပ်ရှားမှုတွင် ရဟန်းရှင်လူ မိဘပြည်သူအားလုံး ပါဝင်ပူးပေါင်းမှုဖြင့်သာ နအဖကို ကုလသမဂ္ဂမှ တရားဝင် ဖယ်ရှားနိုင်မည်ဖြစ်သည်။ တစ်လကျော်ကြာ ပြုလုပ်မည့် ၄င်းလှုပ်ရှားမှုတွင် အားလုံးပူးပေါင်းမှုဖြင့် နအဖကို ကုလသမဂ္ဂမှ ဖယ်ရှားနိုင်ပြီး မြန်မာပြည်သူများအတွက် အောင်ပွဲခံမည်။

ဒေါ်အောင်ဆန်းစုကြည်၏ တောင်းဆိုချက်အတိုင်း မိမိတို့ ၏ လွတ်လပ်မှုကို အသုံးချ၍ မြန်မာပြည်တွင်း ဒုက္ခခံနေရသူများ လွတ်မြောက်ရေးအတွက် လုပ်ဆောင်ပေးပါရန် ရဟန်းရှင်လူမိဘပြည်သူအပေါင်းတို့ အား အထူးမေတ္တာရပ်ခံအပ်ပါသည်။

ဆက်သွယ်ရန်

မောင်မောင်စိုး - 260-426-4121
ကိုကိုလေး - 415-203-0541
ကျော်သက် - 260-460-7136
အောင်မြင့်ထွန်း - 260-443-5150
သန်းနိုင် - 260-804-1448

အပြည့်အစုံသို့ >>>

<<<အကျဉ်းချုပ်သို့ 

8888

LINES TO OUR TWENTY YEARS

Red, red, Oh' August
We have nothing to lose but our chains.

Red, red, Oh' August
We have promises to keep, and miles to go before we sleep.

Red, red, Oh' August
We all are Spartacus.

Red, red, Oh' August
Let's hope for the best, prepare for the worst.

Red, red, Oh' August
Without revolutionary theory there can be no revolutoinary movement.

Red, red, Oh' August
The form of the struggle is not chosen by the ruled but by the ruler.

Red, red, Oh' August
We never give up, we must be united.

Red, red, Oh' August
Aung San Suu Kyi is still with us.

Red, red, Oh' August
Do believe, one day we must win.

Red, red, Oh' August
Democracy is the best revenge.

Red, red, Oh' August
Weeping may remain for a night, but rejoincing comes in the morning.

Red, red, Oh' August
8888 is always 8888.

Red, red, Oh' August
long live Saffron Revolution.

Red, red, Oh' August
R...E...D.

Aung Way
(Poet of Burma)

အနှစ် နှစ်ဆယ်အတွက် ပါဒများ

နီဟေ့နီဟေ့၊ ဩဂုတ်ရေ့ 
ငါတို့ မှာ နှောင်ကြိုးကလွဲလို့  တခြားဆုံးရှံးစရာမရှိ။

နီဟေ့နီဟေ့၊ ဩဂုတ်ရေ့ 
ငါတို့ မှာ တည်ရမယ့် ကတိတွေနဲ့၊ မအိပ်ခင်သွားရဦးမယ့်ခရီးတွေနဲ့။

နီဟေ့နီဟေ့၊ ဩဂုတ်ရေ့ 
ငါတို့ အားလုံး စပါးတားကတ်(စ်) တွေချည်းပဲ။

နီဟေ့နီဟေ့၊ ဩဂုတ်ရေ့ 
အကောင်းဆုံးကိုမျှော့်လင့်၊ အဆိုးဆုံးအတွက်အသင့်ပြင်ထား။

နီဟေ့နီဟေ့၊ ဩဂုတ်ရေ့ 
တော်လှန်တဲ့ အတွေးအခေါ်တစ်ရပ်မရှိဘဲ တော်လှန်တဲ့အရေးတော်ပုံတစ်ရပ်မရှိနိုင်ဘူး။

နီဟေ့နီဟေ့၊ ဩဂုတ်ရေ့ 
တိုက်ပွဲပုံသဏ္ဌာန်ဆိုတာ အဖိနိပ်ခံတွေက ရွေးချယ်ရတာမဟုတ်၊ ဖိနိပ်သူက ရွေးချယ်တာ။

နီဟေ့နီဟေ့၊ ဩဂုတ်ရေ့ 
ငါတို့ ဘယ်တော့မှ လက်နက်မချ၊ ငါတို့ ညီညွတ်ကြ။

နီဟေ့နီဟေ့၊ ဩဂုတ်ရေ့ 
ငါတို့ နဲ့အတူ (ဒေါ်)အောင်ဆန်းစုကြည်ရှိတယ်။

နီဟေ့နီဟေ့၊ ဩဂုတ်ရေ့ 
ယုံကြည်လိုက်စမ်း၊ ငါတို့ တစ်နေ့ အနိုင်ရရမယ်။

နီဟေ့နီဟေ့၊ ဩဂုတ်ရေ့ 
ဒီမိုကရေစီရအောင်လုပ်တာဟာ ရန်သူကိုအကောင်းဆုံးလက်စားချေတာပါပဲ။

နီဟေ့နီဟေ့၊ ဩဂုတ်ရေ့ 
ညဦးယံမှာ ငိုကြွေးခြင်းက လာတည်းခိုတယ်၊ နံနက်ယံမှာ သီချင်းဆိုရဖို့ အခွင့်ရှိတယ်။

နီဟေ့နီဟေ့၊ ဩဂုတ်ရေ့ 
ရှစ်လေးလုံးဟာ အမြဲတမ်း ရှစ်လေးလုံးဖြစ်တယ်။

နီဟေ့နီဟေ့၊ ဩဂုတ်ရေ့ 
ရွှေဝါရောင်တော်လှန်ရေး အဓွန့် ရှည်ပါစေ။

နီဟေ့နီဟေ့၊ ဩဂုတ်ရေ့ 
နီ...ဟေ့...။ ။

အောင်ဝေး
(မြန်မာနိုင်ငံကဗျာဆရာ)

အပြည့်အစုံသို့ >>>

<<<အကျဉ်းချုပ်သို့ 

ဆရာမင်းသိင်္ခကွယ်လွန်

အပြည့်အစုံသို့ >>>

<<<အကျဉ်းချုပ်သို့ 

Naypyidaw-pile of bones

WHISPERING HOUSE TO HOUSE IN BURMA

"Mandalay"-for a Yatanarbon fire - "Pile of Ashes".

"Yangon"-for city trees fell by the cyclone Nargis-"Pile of Logs".

"Naypyidaw"-generals' new capital-"Pile of bones".

Aung Way

အပြည့်အစုံသို့ >>>

<<<အကျဉ်းချုပ်သို့ 

မုန်တိုင်းမှနိုးထခြင်း (Nargis ကာတွန်းပြပွဲ-ရန်ကုန်)

အပြည့်အစုံသို့ >>>

<<<အကျဉ်းချုပ်သို့ 

မွေးနေ့ ၅၄

မွေးနေ့ လက်ဆောင်
(အောင်ဝေး)

ဒီဇူလိုင်လ(၂၃)ရက်နေ့ မှာ၊ သိဟ်ရာသီဖွား၊ (၅၄)ခုသားဟာ
အသက် (၅၄) နှစ်ပြည့်ပါတယ်။

မွေးနေ့မှာ
မိတ်ဆွေ (၅၄)ယောက်ကို ကဗျာ (၅၄) ပုဒ်ဝေမယ်။

မွေးနေ့မှာ
ရန်သူ (၅၄) ယောက်ကို ကျည်ဆန် (၅၄) တောင့်ခြွေမယ်။

မွေးနေ့မှာ
အမေရိကန် မဲဆောက်လို့ခေါ်တဲ့ ဖို့ဝိန်းမြို့ ကိုသွားမယ်။

မွေးနေ့မှာ
ကိုယ်စိုက်ထားတဲ့ ငရုတ်ပင် (၇) ပင်ကို ပေါင်းသင်မြေဆွမယ်။

မွေးနေ့မှာ
လွတ်လပ်တဲ့ အာရှအသံအတွက် ဆောင်းပါးတစ်ပုဒ်ရေးမယ်။

မွေးနေ့မှာ
ဒုတိယနိုင်ငံက ရဲဘော်တွေဆီ ဖုန်းဆက်မယ်။

မွေးနေ့မှာ
ကမ္ဘာကြီးငြိမ်းချမ်းဖို့ ချိုးဖြူငှက်တွေလွတ်မယ်။

မွေးနေ့မှာ
ဒေါ်အောင်ဆန်းစုကြည်လွတ်မြောက်ရေးအတွက် ဆုတောင်းမယ်။

မွေးနေ့မှာ
ဒုက္ခသည်အချင်းချင်းအတွက် ကောင်းမှုတစ်ခုလုပ်မယ်။

မွေးနေ့မှာ
တမလွန်က ထူးအိမ်သင်ဆီ အီးမေးလ်ပို့ မယ်။

မွေးနေ့မှာ
ရွှေဝါရောင်တော်လှန်ရေးရဲ့ ငါးရောင်ခြယ်အလံကို အလေးပြုမယ်။

မွေးနေ့မှာ
တတိယနိုင်ငံကလူတွေကို ကိုယ့်နိုင်ငံအကြောင်းပြောပြမယ်။

မွေးနေ့မှာ
နအဖစစ်အာဏာရှင်စနစ် ကျဆုံးပါစေလို့ ကြွေးကြော်မယ်။

မွေးနေ့မှာ
အေဝမ်းဆရာညှာရဲ့ ပြည်တော်ဝင်သီချင်းဆိုမယ်။

မွေးနေ့မှာ
ရန်ကုန်က လေထန်ကုန်းကိုလည်းလွမ်းမယ်၊ မဲဆောက်ကဒေါင်းရင်ပြင်ကိုလည်းလွမ်းမယ်။

မွေးနေ့မှာ
ချစ်သူအတွက် အိပ်မက်လှလှကလေးတစ်ခုမက်မယ်။

မွေးနေ့မှာ
သားတွေကို သတိရစိတ်နဲ့ ရှဥ့်ညိုလေးတွေ ထိုင်ကြည့်မယ်။

မွေးနေ့မှာ
မြန်မာလိုပြောမယ်၊ မြန်မာလိုနေမယ်၊ မြန်မာစာဖတ်မယ်။

မွေးနေ့မှာ
မွေးနေ့ဖြစ်တဲ့အတွက် သေနေ့အကြောင်းမစဉ်းစားတော့ပါဘူး။

ဒါပါပဲ၊ မစ်ရှီဂန်ရောက် ကဗျာဆရာတစ်ယောက်ဟာ၊ မိစ္ဆာကိုရင်ဆိုင်ဖို့ 
(၅၄)ခုမြောက် ရဲတိုက်ကို (၅၄)နှစ်ပြည့်မွေးနေ့မှာတည်ဆောက်လိုက်ပါတယ်။

နတ်လူသာဓုခေါ်စေသော်။ ။

(ဇူလိုင်၂၂-၂၀၀၈)

အပြည့်အစုံသို့ >>>

<<<အကျဉ်းချုပ်သို့ 

1990 ရွေးကောက်ပွဲအတည်ပြုရေး တို့ အရေး

အပြည့်အစုံသို့ >>>

<<<အကျဉ်းချုပ်သို့ 

မစ်ရှီဂန်က ကဗျာတစ်ပုဒ်

မမခင်ဦးစံပယ်သို့ တမ်းချင်း
(အောင်ဝေး)

မမခင်ဦးစံပယ်ရေ
ဒီအချိန်ဟာဆမ္မားပေါ့။
ဒီမှာ
ပေါင်ဖြူဖြူ ပေါင်ညိုညို ပေါင်မည်းမည်း
ရှော့ပင်တိုတွေ
လမ်းသလားတဲ့ ရာသီ
လာပြီ။
ခေတ်ကြီးက ရှေ့ ကိုတဟုန်ထိုးတို(တို)တက်နေတာပါ
စကတ်တွေလည်းပေါင်ရင်းကပ်ကုန်ပြီ။
ဒါဆမ္မားလေ
အမေရိကားမှာတော့
ဒွန်နာဆမ္မားလည်းခေတ်မကုန်သေးဘူး။
ကျွန်တော်တို့ ရဲ့ဒေါ်မာမာအေး
ခေတ်မကုန်သလိုပေါ့။
ကျွန်တော်ဒွန်နာဆမ္မားကြိုက်တယ်
ဆိုဖိယာလောရင့်ကြိုက်တယ်
ခင်သန်းနုကြိုက်တယ်
စိုင်းထီးဆိုင်နဲ့ ခိုင်ထူးကြိုက်တယ်။

အနုပဋိလောမကြိုက်တယ်
ယင်အန်းမိန့် ခွန်းကြိုက်တယ်။
ကျွန်တော်က အဟောင်းကြိုက်သူ
ဂန္ထဝင်တွေကို ကြိုက်တယ်လေ။
ဒါပေမဲ့ မမခင်ဦးစံပယ်ရယ်
ကျွန်တော်ခေတ်နောက်ပြန်ဆွဲသူမဟုတ်ပါဘူး။
အစိုးရဟောင်းကို ကျွန်တော်မကြိုက်ဘူး
အစိုးရသစ်လိုချင်တယ်။
စစ်အာဏာရှင်စနစ်ကို ကျွန်တော်မကြိုက်ဘူး
ဒီမိုကရေစီနဲ့ လူ့အခွင့်အရေးလိုချင်တယ်။
စစ်အာဏရှင်စနစ်က
ဟောင်းနေတာကြာပြီ။
ဒီမိုကရေစီနဲ့လူ့အခွင့်အရေးက
အသစ်ပေါ့။
ကျွန်တော်အဟောင်းကြိုက်ပေမဲ့
အသစ်တွေကိုကြိုဆိုပါတယ်။
ကျော်ကိုကိုတို့ မျိုးဆက်သစ်ကို
ကျွန်တော်ကြိုဆိုတယ်။
ခြွင်းချက်တော့ရှိမယ် မမခင်ဦးစံပယ်
အသစ်ဆိုပေမဲ့
အာဏာရှင်အသစ်ကို မကြိုက်ဘူး။
နအဖဖွဲ့ စည်းပုံအသစ်ကိုမကြိုက်သလို
ခွန်ဥက္ကာဖက်ဒရယ်ဖွဲ့ စည်းပုံအသစ်ကိုလည်းမကြိုက်ဘူး။
မမခင်ဦးစံပယ်ရယ်
စစ်အာဏာရှင်စနစ်ဖြုတ်ချရေးဆိုတာ
၄၆နှစ်တိုင်ခဲ့ပေမဲ့
မဟောင်းသေးတဲ့ ဂန္ထဝင်တိုက်ပွဲ
တိုးတက်နေဆဲ သစ်လွင်နေဆဲ။
ကျွန်တော် ၇၆ ကျောင်းသားခေါင်းဆောင်ဟောင်း
ကျွန်တော် ကဗျာဆရာဟောင်း။
ဒါပေမဲ့ ကျွန်တော်
ပြည်သူ့ အာဏာသစ်ကို မျှော်နေတယ်။
အသစ်ကိုမျှော်ရတာ
ရင်တော့ပူလှပါတယ်။
ဒီခေတ်မှာ
ဒီလိုဖြစ်မယ်ဆိုတာ ကျွန်တော်သိပြီးသား။
အို မမခင်ဦးစံပယ်ရဲ့
မစ်ရှီဂန်နွေကပူလို့ မဟုတ်
ကျွန်တော့်ရင်ထဲ
နာဂစ်အလွန်ပေါက်ကွဲမယ့်
မီးတောင်အသစ်တစ်လုံး
မြုံနေတုန်းပဲလေ။ ။

(၁ ဇူလိုင် ၂၀၀၈)

အပြည့်အစုံသို့ >>>

<<<အကျဉ်းချုပ်သို့ 

ကျွန်တော့်ကဗျာ

စဉ်းစားရင်း ခေါင်းစားမိတယ်
(စစ်နိုင်မင်း)

တစ်နေ့ တစ်နေ့ 
အချိန်တွေကုန်
စဉ်းစားရင်း ထမင်းစားရင်း
ဒီနေ့ နဲ့  မနက်ဖြန်အတွက်
စဉ်းစားခြင်း ခေါင်းစားရင်းနဲ့ 
ဒီတစ်ပတ်နဲ့  နောက်တစ်ပတ်
စဉ်းစားခြင်း ခေါင်းစားရင်းနဲ့ 
ဒီလနဲ့  နောက်လ
စဉ်းစားခြင်း ခေါင်းစားရင်းနဲ့ 
ဒီနှစ်နဲ့  နောင်နှစ်
စဉ်းစားခြင်း ခေါင်းစားရင်းနဲ့ 
အတိတ်၊ ပစ္စုပ္ပန်နဲ့  အနာဂတ်အတွက်
စဉ်းစားခြင်း ခေါင်းစားရင်းနဲ့ 
အတွေးတွေခြောက်တယ်
အရှပ်ထုပ်တွေကို မစဉ်းစားချင်
အတွေးထဲကို ရောက်လာတဲ့
ယောင်ချာချာအတွေး
စဉ်းစားရင်း ခေါင်းစားမိတယ်
အချိန်တိုင်း အချိန်တွေအတွက်
စဉ်းစားရင်း ခေါင်းစားမိတယ်
အတွေးလေးတစ်ခု စဉ်းစားလို့ မရ
ဒီနေ့ လား မနေ့ ကလားဆိုတာ
စဉ်းစားရင်း ခေါင်းစားမိတယ်
ငယ်စဉ် ယခုအချိန်ခါမှာ
ပညာတွေသင်ပြီး
ဆန်းသစ်တဲ့ အတွေးခေါ်သစ်တွေနဲ့ 
တီထွင်နိင်ဖို့ လိုအပ်နေ
ခေါင်းစားမယ့် အတွေးတွေကို
မတွေးတောဘဲ
နေတာကောင်းမယ်။ ။

အပြည့်အစုံသို့ >>>

<<<အကျဉ်းချုပ်သို့ 

ကျောင်းသားခေါင်ဆောင်ကိုကိုကြီး

မြန်မာ့ဒီမိုကရေစီတိုက်ပွဲအတွက် အားဆေးတစ်ခွက်

(သို့မဟုတ်)

၈၈မျိုးဆက်ကျောင်းသားခေါင်းဆောင် ကိုကိုကြီး ဒုတိယအကြိမ် အဖမ်းမခံရမီ ၂၆ စက်တင်ဘာ ၂၀၀၆တွင်ပြောကြားခဲ့သော စကားများ


“ကျွန်တော်တို့ သက်ရှိထင်ရှား မရှိတော့ရင်တောင်မှ ကျွန်တော်တို့ ယုံကြည်မှုတွေနဲ့ ကျွန်တော်တို့ရဲ့ စိတ်စေတနာတွေဟာ ဧရာဝတီ မြစ်ရိုးတစ်လျှောက်၊ ရိုးမကြီး တစ်လျှောက်လုံးမှာ ပြန့်နှံ့ပြီးတော့ သက်ဝင်နေလိမ့်မယ်၊ တည်ရှိနေလိမ့်မယ်လို့ ကျွန်တော်တို့ ယုံကြည်ထားပြီးသား …”


ကိုကိုကြီးတို့ကို စက်တင်ဘာ ၂၇ ရက်နေ့က ဖမ်းသွားပြီးတော့ နှစ်ပတ်လောက် အကြာမှာ သူငယ်ချင်း တစ်ယောက်က ကိုကိုကြီးနဲ့ ပြောထားတာတွေကို အီးမေးလ်နဲ့ ပို့ပေးလိုက်ပါတယ်။ ကျွန်တော်ဖတ်ဖို့ ပို့လိုက်တာ ဖြစ်ပေမယ့် အားလုံးအတွက် ဖော်ပြချင်တဲ့အတွက် ဖော်ပြခွင့် တောင်းလိုက်ပါတယ်။ တကယ်တော့ ဒီအင်တာဗျူးဟာ ဘယ်သူက ဘယ်နေရာမှာ ပြုလုပ်တယ်ဆိုတာကို မသိရသလို ကျွန်တော့် သူငယ်ချင်းဆီကို ဘယ်လိုရောက်လာသလဲ ဆိုတာလည်း မသိပါဘူး။ ဒါ့ကြောင့် တစ်စုံတစ်ရာ မှားယွင်းမှုရှိရင် ဘားမားတူဒေးမှာသာ အပြစ်ရှိပါကြောင်းနဲ့ ဒီသတင်းဟာ စိတ်ချရတဲ့ သတင်းရပ်ကွက်က ရရှိတယ်လို့ပဲ ပြောပါရစေခင်ဗျာ။ ကိုကိုကြီး ဘာတွေပြောထားခဲ့သလဲ ဖတ်ကြည့်ရအောင်ပါ။

အခုတလောမှာပေါ့လေ။ ကိုကိုကြီးတို့ ၈၈ မျိုးဆက် ကျောင်းသားအဖွဲ့နဲ့ ပတ်သက်ပြီးတော့ သတင်းစာထဲမှာ ဆက်တိုက်ဆိုသလို စွပ်စွဲတာတွေ၊ တိုက်ခိုက်တာတွေ တောက်လျှောက် တွေ့နေရပါတယ်။ အဲဒီတော့ တချို့ကလည်း စိုးရိမ်တာတွေ ရှိတယ်ပေါ့လေ။ ကိုကိုကြီးတို့ကို မကြာခင်မှာ ဖမ်းဆီးတာတွေ၊ အရေးယူတာတွေများ ဖြစ်လာမလား ဆိုပြီးတော့ စိုးရိမ်ကြတာတွေ ရှိပါတယ်။ အဲ့ဒါတွေနဲ့ ပတ်သက်ပြီးတော့ ကိုကိုကြီးရဲ့ အမြင်လေး သိပါရစေ။

ကျွန်တော်တို့အနေနဲ့ ဖမ်းဆီးတာတွေ၊ အရေးယူတာတွေ ဆိုတာက အထူးအဆန်းတော့ မဟုတ်ပါဘူး၊ ကျွန်တော်တို့ ကိုယ်တိုင်လည်း ထောင်ထဲမှာ ၁၄ ၊ ၅ နှစ် နေခဲ့ရပြီးပြီ။ ထောင်ထဲမှာ ဘယ်လိုနေရထိုင်ရမယ် ဆိုတာလည်း ကျွန်တော်တို့ အကျွမ်းတ၀င် ဖြစ်ပြီးသားပါ။ တစ်ခုပဲ၊ ကျွန်တော်တို့က အဖမ်းခံရမှာ မကြောက်ဖူး၊ အလုပ်မလုပ်နိုင်မှာပဲ စိုးတယ်။ ဘာ့ကြောင့်လဲဆိုတော့ ကျွန်တော်တို့က အကျဉ်းကျနေတဲ့ဘ၀၊ လွတ်လပ်မှု ဆိတ်သုဉ်းနေတဲ့ ဘ၀မှာ လူငယ်ဘ၀တစ်ခုလုံး ပေးဆပ်ခဲ့ရတဲ့ အခါကျတော့ လွတ်လပ်မှုရဲ့ တန်ဖိုးကို တခြားသူတွေထက် ပိုပြီးတော့လည်း သိတယ်၊ ပိုပြီးတော့လည်း ခံစားနိုင်တယ်။ ကျွန်တော်တို့ဟာ လွတ်လပ်မှုကို မြတ်နိုးပါလျက်နဲ့ ဘာ့ကြောင့် ကျွန်တော်တို့ဟာ ဒီလိုမျိုး အဖမ်းဆီးခံရမယ့် အချုပ်နှောင်ခံရမယ့် အလုပ်မျိုးကို လုပ်နေသလဲဆိုတော့ သန်း ၅၀ကျော် ပြည်သူတွေ ကြောက်ကြောက်ရွံ့ရွံ့နဲ့ ထိတ်ထိတ်လန့်လန့်နဲ့ နေနေရနေတဲ့ ဘ၀တွေကနေ လွတ်မြောက်ဖို့အတွက်၊ လွတ်လပ်တဲ့ ငြိမ်းချမ်းတဲ့ ဘ၀တွေ ခံစားနိုင်ဖို့အတွက် ကျွန်တော်တို့ တစ်ဦးချင်းရဲ့ လွတ်လပ်မှုတွေကို ပေးဆပ်ပစ်မယ်၊ စတေးပစ်မယ်လို့ ကိုယ့်ကိုယ်ကို ပိုင်းဖြတ်ပြီးသား ဖြစ်ပါတယ်။

ဒါပေမယ့် လုပ်ကတည်းက ကမူးရှူးထိုးနဲ့ ဖမ်းသွားပလေ့စေ၊ ဖမ်းရင် ဖမ်းသွားပလေ့စေ ဆိုပြီးတော့ မျက်ကန်းတောတိုး လုပ်နေတာ မဟုတ်ပါဘူး။ ကျွန်တော်တို့ ၁၄၊ ၅ နှစ် ထောင်ထဲမှာ အကျဉ်းကျနေတဲ့ ကာလတွေ အတွင်းမှာလည်းပဲ ကျွန်တော်တို့ အလေးအနက် စဉ်းစားပါတယ်။ ကျွန်တော်တို့ နိုင်ငံကို ငြိမ်းငြိမ်းချမ်းချမ်းနဲ့ ဖြစ်ပေါ်ပြောင်းလဲသွားအောင် ကျွန်တော်တို့ ဘယ်လိုကြိုးပမ်းကြမလဲ၊ ဘယ်လို ချဉ်းကပ်ကြမလဲလို့ ကျွန်တော်တို့ ထောင်ထဲမှာကတည်းက၊ အကျဉ်းကျနေတဲ့ ဘ၀မှာကတည်းက ကျွန်တော်တို့ အလေးအနက် စဉ်းစားပါတယ်။

ဒါ့ကြောင့်လည်းပဲ ကျွန်တော်တို့ ပြန်ထွက်လာတဲ့ အချိန်ကစပြီးတော့ အမျိုးသားပြန်လည်သင့်မြတ်ရေးကို အရေးတကြီး ဆောင်ရွက်ကြဖို့၊ ဒါဟာ ကျွန်တော်တို့နိုင်ငံမှာ ဖြစ်နေတဲ့ လူမှုရေး၊ စီးပွားရေး၊ ပညာရေး၊ ကျန်းမာရေး အကျပ်အတည်းအားလုံး၊ ဒုက္ခသုက္ခအားလုံးရဲ့ အခြေခံဇစ်မြစ်ဟာ အမျိုးသားပြန်လည်သင့်မြတ်ရေးပဲလို့ လေးလေးနက်နက်ကို ခံယူတဲ့အတွက်ကြောင့် လွတ်လာကတည်းက ကျွန်တော်အပါအ၀င် ၈၈ မျိုးဆက်ကျောင်းသား ခေါင်းဆောင်တွေ အကုန်လုံးက တိုင်ပင်ထားသလိုပဲ တညီတညွတ်တည်း ဒါကို ရေငတ်သလို တစာစာ တောင်းလာခဲ့တာပါ။ တိုက်တွန်းလာခဲ့တာပါ။ အခုအချိန်ထိပါပဲ။

အဲ့ဒီတော့ ကျွန်တော်တို့ရဲ့ စေတနာ ကျွန်တော်တို့ နိုင်ငံသားတွေ ငြိမ်းငြိမ်းချမ်းချမ်းနဲ့ ဖြစ်ထွန်းတိုးတက် စေချင်တဲ့ စေတနာ အဲ့ဒီအထဲမှာ နိုင်ငံသားဆိုလို့ ကိုယ့်ကို ထောက်ခံတဲ့သူတွေ ကိုယ့်ကို အားပေးတဲ့သူတွေ သက်သက်ကိုပဲ ပြောနေတာ မဟုတ်ဘူး။ တပ်မတော်သားတွေ၊ တပ်မတော်သား မိသားစုတွေ၊ အရာထမ်း အမှုထမ်းတွေ၊ နောက်ဆုံး ကျွန်တော်တို့ကို ဖမ်းဆီးထောင်ချပစ်လိုက်တဲ့ ပုဂ္ဂိုလ်တွေအားလုံး အကျုံးဝင်တယ်။ ကျွန်တော်တို့ ခံစားစေချင်တဲ့ လွတ်လပ်ခြင်း၊ ငြိမ်းချမ်းခြင်း အရသာကို ခံစားစေချင်တဲ့ သူတွေထဲမှာ သူ့လူ ကိုယ့်လူမခွဲဘူး၊ အားလုံး အသီးသီး ညီတူမျှတူ ခံစားစေချင်တယ်။ ဒါ ကျွန်တော်တို့ စေတနာပဲ။

အဲ့ဒီအတွက် ကျွန်တော်တို့ ကြိုးပမ်းဆောင်ရွက်ရင်းနဲ့ ကျွန်တော်တို့ အဖမ်းခံသွားရလည်း ကျွန်တော်တို့ ပျော်ပျော်ကြီးပဲ အဖမ်းခံပစ်လိုက်မှာပဲ။ အဲ့ဒီတော့ လူကို ဖမ်းလို့ရတယ်။ ကျွန်တော်တို့ရဲ့စိတ်ဝိညာဉ်တွေ၊ ကျွန်တော်တို့ရဲ့ ယုံကြည်မှုတွေကိုတော့ ချုပ်နှောင်ထားလို့ မရဘူး၊ သတ်ဖြတ်ပစ်လို့ မရဘူး။ ကျွန်တော်တို့ သက်ရှိထင်ရှား မရှိတော့ရင်တောင်မှ ကျွန်တော်တို့ ယုံကြည်မှုတွေနဲ့ ကျွန်တော်တို့ရဲ့ စိတ်စေတနာတွေဟာ ဧရာဝတီ မြစ်ရိုးတစ်လျှောက်၊ ရိုးမကြီး တစ်လျှောက်လုံးမှာ ပြန့်နှံ့ပြီးတော့ သက်ဝင်နေလိမ့်မယ်၊ တည်ရှိနေလိမ့်မယ်လို့ ကျွန်တော်တို့ ယုံကြည်ထားပြီးသား …

အဲ့ဒီတော့ … တကယ်လို့ အဖမ်းခံရရင်လည်း ကျွန်တော်တို့ တည်တည်ငြိမ်ငြိမ်နဲ့ ရင်ဆိုင်သွားမှာပါ။ အဲ့သလို ကြုံလာရတဲ့ အခါမျိုးမှာလည်း ကျွန်တော်တို့ကို တရားခံတယောက်လို စစ်မေးတာမျိုးကိုလည်း ကျွန်တော်တို့ လက်ခံမှာ မဟုတ်ဘူး၊ ကျွန်တော်တို့ကိုယ် ကျွန်တော်တို့ ကျွန်တော်တို့ရဲ့ အခန်းကဏ္ဍကို ရှင်းရှင်းပဲ ကျွန်တော်တို့ ပြောမယ်။ ကျွန်တော်တို့ဟာ အကျိုးဆောင်တွေ တနည်းအားဖြင့် ရှေ့နေတွေ၊

ပြည်သူတွေရဲ့ ခံစားနေရတဲ့ ဝေဒနာတွေကို၊ ခံစားနေရတဲ့ အခက်အခဲတွေကို သူတို့ကိုယ်စား ကျွန်တော်တို့က အကျိုးဆောင်ပေးနေတဲ့ ပုဂ္ဂိုလ်တွေ၊ အဲ့ဒီတော့ ရှေ့နေကို တရားခံလို စစ်မေးတာမျိုးကို ကျွန်တော်တို့ လက်ခံမှာ မဟုတ်ဘူး။

ကျွန်တော်တို့ကို ကျွန်တော်တို့ စိတ်ကူး၊ စိတ်သန်းတွေ တိုင်းပြည်ကို ကျွန်တော်တို့ ဖြစ်စေချင်တဲ့ စေတနာတွေနဲ့ ပတ်သတ်လို့ ဆွေးနွေးခွင့်ရခဲ့ရင် ကျွန်တော်တို့ ဆွေးနွေးမယ်။ အဲ့သလိုမှ မဟုတ်ဘဲနဲ့ ကျွန်တော်တို့ကို စာရွက်တစ်ရွက်နဲ့ ဘောလ်ပင်တစ်ချောင်း ဘယ်ကရသလဲ၊ ဘယ်လိုလုပ်သလဲ ဆိုတာမျိုးကို ကလေးကလား ကိစ္စမျိုးကို ကျွန်တော်တို့က တရားခံပုံစံမျိုးနဲ့ ကျွန်တော်တို့ အစစ်မေးခံမှာ မဟုတ်ဘူး။ အဲ့ဒါတွေကို ကျွန်တော်တို့ ဖြေကြားနေမှာလည်း မဟုတ်ဘူး။ ကျွန်တော်တို့ဟာ အင်မတန် ကြီးကျယ်မြင့်မြတ်တဲ့ တစ်မျိုးသားလုံး ပြန်လည်သင့်မြတ်ရေးကို ကျွန်တော်တို့ ကြိုးပမ်းနေတာ ဆောင်ရွက်နေတာ၊ အဲ့ဒီအတွက် နိုင်ငံရေးအရ အရေးပါတဲ့ သူတွေ၊ အဖွဲ့အစည်းတွေအားလုံး ဒီအမျိုးသားပြန်လည်သင့်မြတ်ရေး ဖြစ်စဉ်မှာ ပါဝင်လာနိုင်ဖို့အတွက် ကျွန်တော်တို့ ကြိုးစားမှာပဲ။ စိတ်ရှည်လက်ရှည်နဲ့ ကျွန်တော်တို့ ကြိုးစားမှာပဲ။

ကျွန်တော်တို့တင် မဟုတ်ဘူး၊ ဘက်အသီသီးက ပုဂ္ဂိုလ်အားလုံးလည်း စိတ်ရှည်ရှည်နဲ့ သဘောထားကြီးကြီးနဲ့ အားလုံးကို ထိတွေ့ ဆွေးနွေးနိုင်အောင် ကြိုးစားဖို့ကိုလည်း ကျွန်တော်တို့ ထပ်ခါတလဲလဲ တိုက်တွန်းနေတယ်။ တစ်ခုပဲရှိတယ်။ ကျွန်တော်တို့ နိုင်ငံရေးယုံကြည်ချက်က ကျွန်တော်တို့နိုင်ငံ ငြိမ်းချမ်းစွာ ဖြစ်ပေါ်တိုးတက်ရေးအတွက် အကြမ်းမဖက်၊ အနုနည်းနဲ့ ငြိမ်းချမ်းတဲ့နည်းနဲ့ နိုင်ငံရေးပြဿနာကို ဖြေရှင်းမယ်ဆိုတာ ကျွန်တော်တို့ရဲ့ အဓိဋ္ဌာန်ပဲ။ သန္နိဋ္ဌာန်ပဲ။ အဲ့ဒီတော့ ကျွန်တော်တို့ဟာ လက်နက်ကိုင် အဖွဲ့အစည်းတွေ၊ လက်နက်ကိုင်လမ်းစဉ်နဲ့ ပတ်သက်တဲ့ ဟာတွေကိုတော့ ကျွန်တော်တို့အနေနဲ့ ဘယ်တော့မှလည်း လုပ်မှာမဟုတ်ဘူး၊ ကျွန်တော်တို့မှာ ငြိမ်းချမ်းတဲ့နည်းနဲ့ ဆောင်ရွက်နိုင်တဲ့ အခွင့်အလမ်း မှန်သမျှကိုတော့ ကျွန်တော်တို့ အသုံးချသွားမှာ ဖြစ်တယ်။

အဲ့တော့ ဒီနေရာမှာ ကျွန်တော်တို့ ပြည်သူတွေနဲ့ ပတ်သက်တဲ့ အပိုင်းလည်းရှိတယ်။ ပြည်သူတွေအနေနဲ့ နိုင်ငံရေး ပြဿနာဟာ နိုင်ငံရေးသမားတွေနဲ့ပဲ ဆိုင်တယ်။ နိုင်ငံရေးပါတီတွေနဲ့ပဲ ဆိုင်တယ်ဆိုတဲ့ အယူအဆမျိုးနဲ့ ကျွန်တော်တို့ လူ့အဖွဲ့အစည်းကို ပြောင်းလဲဖို့ မဖြစ်နိုင်ပါဘူး။ တစ်ဦးချင်းက ကိုယ့်ကိုယ်ကိုယ် ငါ့မှာလည်း တာဝန်ရှိတယ်။ ငါတတ်နိုင်တဲ့ အပိုင်းကနေ ငါဆောင်ရွက်ပြမယ်ဆိုတဲ့ စိတ်နှလုံးမျိုး မွေးမြူနိုင်မှ၊ ဒီလိုစိတ်အခံမျိုး ထားနိုင်မှ ကျွန်တော်တို့ လူ့အဖွဲ့အစည်း တစ်ခုလုံး လျင်လျင်မြန်မြန်နဲ့ ဖြစ်ပေါ်ပြောင်းလဲနိုင်မယ်လို့ ကျွန်တော်ပြောချင်တယ်။

ဒီနေရာမှာ ကိုကိုကြီးက ပြည်သူတွေပါဝင်ဖို့ အပိုင်းကို ပြောတယ်။ ပြည်သူတွေအနေနဲ့က စားဝတ်နေရေး အကျပ်အတည်းတွေက တစ်မျိုး၊ နေ့စဉ်ရုန်းကန်ရ လှုပ်ရှားရတာတွေနဲ့ အဲ … တစ်ဖက်ကလည်းပဲ ဟိုလူကြောက်ရ၊ ဒီလူကြောက်ရနဲ့ အထိတ်ထိတ် အလန့်လန့်နဲ့ နေနေရတဲ့ ဘ၀မျိုးတွေမှာ ပြည်သူတွေ ပါဝင်ဖို့ဆိုတာ၊ ဘယ်လို ပါဝင်ဆောင်ရွက်ရမလဲ၊ အဲ့ဒါလေးတော့ တိတိကျကျ ပြည်သူတွေလည်း သိသွားအောင်ပေါ့လေ ပြောပြနိုင်လို့ရှိရင် ကိုကိုကြီးအနေနဲ့ ပြောပြပေးပါ။

ကျွန်တော့်အမြင်မှာတော့ ပြည်သူဆိုတာ ပြည်သူပဲ။ နိုင်ငံရေးသမား မဟုတ်ဘူး၊ နိုင်ငံရေးသမားတွေလိုမျိုး အယူဝါဒဆိုင်ရာတွေ၊ သီအိုရီတွေ အဲ့ဒါတွေသိမှ နိုင်ငံရေးလုပ်လို့ရတယ် ဆိုတာလည်း မဟုတ်ဘူး၊ နိုင်ငံရေးသမားတွေလို တခါတည်း တစ်သက်လုံးပဲ ထောင်ထဲနေရနေရ၊ အငတ်ငတ် အပြတ်ပြတ်နဲ့ သူ့ဘ၀တစ်ခုလုံး နိုင်ငံရေးထဲမှာပဲ မြုပ်နှံထားတယ် ဆိုတာလည်း ပြည်သူတွေအနေနဲ့ လိုက်မလုပ်နိုင်ဘူး၊ ဒါ သဘာဝပဲ။

ပြည်သူဆိုတာက သူ့တစ်ဦးချင်းရဲ့ ထမ်းဆောင်နိုင်တဲ့ အကန့်အသတ် ရှိတယ်။ သူ့မှာ မိသားစုနဲ့ ပတ်သက်တဲ့ တာဝန်ရှိတယ်။ သူ့ရပ်ကွက်၊ ရပ်ရွာနဲ့ ပတ်သက်တဲ့ တာဝန်ရှိတယ်။ အဲ့ဒီတော့ နိုင်ငံရေးသမားနဲ့ ထပ်တူတော့ ပြည်သူက လိုက်မလုပ်နိုင်ဘူး၊ နိုင်ငံရေးသမားတွေ တွေးသလိုလည်း ရှုပ်ရှုပ်ထွေးထွေးတွေ မတွေးနိုင်ဘူး။ ပြည်သူတွေအနေနဲ့ တွေးနိုင်တဲ့အပိုင်း လုပ်နိုင်တဲ့ အပိုင်းကတော့ ရိုးစင်းပါတယ်။ အဓိကက ပြည်သူတစ်ယောက်ရဲ့ အဓိက သူနေ့စဉ် ဖြေရှင်းနေရတဲ့ စားဝတ်နေရေး ပြဿနာ။ အဲ့ဒီတော့ စားဝတ်နေရေးပြဿနာ ဖြေရှင်းရေးနဲ့ မလွဲမရှောင်သာ ဒီအာဏာပိုင် အဖွဲ့အစည်းတွေနဲ့ ထိစပ်နိုင်ရမယ်၊ ပတ်သက်နိုင်ရမယ်။ အဲ့ဒီအခါကျတော့မှ ဘာကိစ္စပဲ လုပ်လုပ်၊ စီပွားရေးလုပ်ငန်းတစ်ခုခု လုပ်ပြီဆိုရင် သက်ဆိုင်ရာ အဖွဲ့အစည်းတွေကို ပေးရ၊ ကမ်းရ၊ ဟိုကနေပြီးတော့ ဖြတ်ပိုင်းလာလည်း ဖြတ်ရ၊ မလှူချင်လည်း လှူရ၊ စသဖြင့် ရင်ဆိုင်နေရတာတွေ ရှိတယ်။ ဆိုတော့ အဲ့ဒါတွေကို မကျေနပ်ဘဲနဲ့လည်း အောင့်သီးအောင့်သက် ပေးနေရတယ်။ အဲ့ဒါ ဘာလဲဆိုတော့ အဓိက ကြောက်လို့ပဲ။

အဲ့ဒီကြောက်တာနဲ့ ပတ်သက်ပြီးတော့ သေချာပြန်ပြီး လေ့လာဖို့လိုမယ်။ ပြန်ပြီး ဆန်းစစ်ဖို့လိုမယ်။ နိုင်ငံရေးသမားတွေ လုပ်နေတာကို ဂဃနဏ မသိရင်တောင်မှ ဒီလူတွေ အနစ်နာခံပြီး လုပ်နေတယ်။ သူတို့ မလုပ်ရဲတာတွေ လုပ်နေတယ် ဆိုပြီးတော့ တိုးတိုးတိတ်တိတ် ကျွန်တော်တို့ကို ထောက်ခံကြတာတွေ ရှိတယ်။ တချို့လည်း တဆင့်စကားနဲ့ လှမ်းပြီးတော့ ချီးကျူးကြတာ၊ အားပေးကြတာတွေရှိတယ်။ သို့သော် သူတို့ကတော့ မလုပ်ရဲဘူး၊ နောက်တခါ နိုင်ငံရေးသမားနဲ့ သွားစကားပြောရင် သူနဲ့ ရင်းရင်းနှီးနှီး ဆက်ဆံလို့ရှိရင် အန္တရာယ်ရှိတယ် ဆိုတဲ့အသိ၊ အဲ့ဒါကြီးကလည်း ကျွန်တော်တို့ ပြည်သူတွေကြားထဲမှာ ခြိမ်းခြောက်နေတယ်။ အဲ့ဒီတော့ နိုင်ငံရေးကိုတော့ ထောက်ခံတယ်။ နိုင်ငံရေးသမားတော့ မဆက်ဆံရဲဘူး၊ ဆိုတော့ ဒါလည်း မဟုတ်သေးဘူး။

နိုင်ငံရေးသမားဆိုတာက ပြည်သူတွေနဲ့ မထိစပ်လို့ မရဘူး၊ ပြည်သူတွေရဲ့ ထောက်ခံမှု မရဘူးဆိုရင် ဘာမှလုပ်လို့မရဘူး။ အဲ့ဒီတော့ ပြည်သူတွေ လုပ်နိုင်တဲ့အပိုင်း၊ အနိမ့်ဆုံး လုပ်နိုင်တဲ့ အပိုင်းကတော့ ဆက်ဆံပါ။ နိုင်ငံရေးသမားကို ရဲရဲတင်းတင်း ဆက်ဆံပါ။ ထောက်ခံပါ။ ဆူပူမှု လုပ်နေတာ မဟုတ်ဘူး၊ အကြမ်းဖက်မှု လုပ်နေတာ မဟုတ်ဘူး။

နိုင်ငံရေးမှာ ပြည်သူတွေ ပါဝင်ဖို့ လိုတယ်။ ပြည်သူတွေမှာလည်း တာဝန်ရှိတယ်လို့ ပြောတာတွေ ကျွန်တော်တို့ ကြားရပါတယ်။ အဲ့ဒီတော့ ပြည်သူတွေအနေနဲ့က ဘာတွေ လုပ်ပေးရမလဲ၊ ဘယ်လို ပါဝင်ရမလဲ၊ အဲ့ဒါတော့ နည်းနည်း ရှင်းရှင်းလေး ပြောပြပေးစေချင်ပါတယ်။

ကျွန်တော်တို့ ပြောပြောနေတာက ပြည်သူတွေရဲ့ အခန်းကဏ္ဍ အရေးကြီးတယ်ဆိုတာ ဒါ ကျွန်တော်တို့ ထပ်ခါတလဲလဲလည်း ပြောပါတယ်။ ဘာ့ကြောင့်လဲဆိုတော့ ၅၄ သန်းရဲ့ လူနေမှုဘ၀တွေ ဒီလူ့အဖွဲ့အစည်းကြီး တစ်ခုလုံး ပြောင်းလဲပစ်ဖို့ဆိုတာ နိုင်ငံရေးသမား ထောင်ဂဏန်းနဲ့ နိုင်ငံရေးပါတီ အစုအဖွဲ့တွေ ဆိုတာလောက်နဲ့ ဘယ်လိုမှ မလုပ်နိုင်ပါဘူး၊ အဲ့ဒီတော့ နိုင်ငံရေးသမား၊ နိုင်ငံရေးပါတီ အဖွဲ့အစည်း ဆိုတာကလည်း ပြည်သူတွေနဲ့ နိုင်ငံရေးပါတီ၊ နိုင်ငံရေးသမားဆိုတာ ရေနဲ့ ကြာလိုပါပဲ။ ရေမရှိဘဲနဲ့ ကြာလည်း မရှိနိုင်ဘူး၊

အဲ့ဒီတော့ နိုင်ငံရေးသမားနဲ့ ပြည်သူနဲ့ကို နောက်တစ်နည်း ဥပမာပေးရမယ်ဆိုရင် အမှုသည်နဲ့ ရှေ့နေနဲ့ တူပါတယ်။ အမှုသည်က ဥပဒေ နားမလည်ဘူး၊ သူ ဘယ်လိုခံရတယ်။ မတရားသဖြင့် သူ ဘယ်လိုခံရတယ်။ သူ ဘာတွေ နစ်နာတယ်ဆိုတာကို သူ မကျေနပ်တာလောက်ပဲ ရှိတယ်။ အဲ့ဒါကို ဥပဒေကြောင်းအရ တရားခွင်မှာ ထိထိရောက်ရောက် လျှောက်လဲနိုင်ဖို့အတွက် စွဲဆိုနိုင်ဖို့အတွက် ရှေ့နေ ငှားရမယ်။ အဲ့ဒါ ရှေ့နေတော့ ငှားလိုက်ပါရဲ့၊ အမှုသည်က ရှေ့နေနဲ့ ပူးပေါင်းမှု မရှိဘဲနဲ့ ဖာသိဖာသာ သူနဲ့မဆိုင်သလိုမျိုး နေမယ်ဆိုရင် အဲ့ဒီရှေ့နေက ဘာမှလုပ်လို့မရဘူး၊ အဲ့တော့ အမှုသည်က ဖြစ်ကြောင်းရယ်ကုန်စင် ရှေ့နေကို ပြောပြဖို့လိုတယ်။ ရှေ့နေနဲ့ ထိတွေ့ဆက်ဆံဖို့ လိုတယ်။ အဲ့ဒီလို အခြေအနေမျိုး မရှိဘူးဆိုရင် ရှေ့နေချည်းသက်သက်နဲ့ ဘာမှ လုပ်လို့မရဘူး၊ အဲ့ဒါကြောင့်မို့လို့ နိုင်ငံရေးသမားတွေနဲ့ ပြည်သူတွေနဲ့ ဆိုတာကလည်း အမြဲတမ်း ဆက်စပ်ဖို့ လိုတယ်။

အဲ့တော့ ဒီနေရာမှာ ပြည်သူတွေကို နိုင်ငံရေးသမားတွေ၊ နိုင်ငံရေးအဖွဲ့အစည်းတွေနဲ့ မဆက်ဆံရဲအောင် ဖိအားပေးတာတွေ၊ ခြိမ်းခြောက်တာတွေ၊ နေရာအနှံ့မှာ ပုံသဏ္ဍာန်မျိုးစုံနဲ့ ရှိနေတယ်။ အဲ့ဒါကြောင့်လည်း ပြည်သူတွေအနေနဲ့ နိုင်ငံရေးလုပ်တဲ့ သူတွေကို မခေါ်ရဲ၊ မပြောရဲ၊ မဆက်ဆံရဲ ဖြစ်နေကြတာလည်း ရှိတယ်။ အဲ့ဒီတော့ ပြည်သူတွေအနေနဲ့ လုပ်နိုင်တဲ့အပိုင်းက ဘာလဲဆိုတော့ ကိုယ့်ရှေ့နေကိုတော့ ကိုယ့်အကျိုးဆောင်ကိုတော့ ကိုယ်ရဲရဲတင်းတင်း ဆက်ဆံရဲဖို့ လိုတယ်။ နိုင်ငံရေးသမားတွေလိုမျိုး သိပ်ပြီးတော့ အန္တရာယ်ရှိတဲ့ ကိစ္စမျိုး နှစ်ရှည်လများ အဖမ်းဆီးခံ ထောင်ချခံရမယ့် ကိစ္စမျိုး မလုပ်ရဲဘူး ဆိုရင်တောင်မှ နိုင်ငံရေးသမားတွေနဲ့ ရင်းရင်းနှီးနှီး ဆက်ဆံပြီးတော့ ကိုယ့်အခက်အခဲတွေ၊ ကိုယ်ကြုံတွေ့ရတဲ့ ပြဿနာတွေ အဲ့ဒါတွေကို ရင်ဖွင့်ဖို့ တိုင်ပင်ဖို့လိုတယ်။

အဲ့တော့ နိုင်ငံရေးသမားနဲ့ ဆက်ဆံလို့ လာပြီး မေးတာမြန်းတာတွေ ရှိတယ်။ ဒီလူနဲ့ ဘယ်လိုသိသလဲ၊ ဘယ်တုန်းက သိတာလဲ၊ အခု ဘာတွေပြောသလဲ၊ သူက ဘာတွေပြောသလဲ၊ ဒါမျိုးတွေ လာပြီး မေးတာတွေရှိတယ်။ အဲ့ဒီတော့ ကျွန်တော် အကြံပေးချင်တာ၊ တိုက်တွန်းချင်တာက အဲ့ဒီတော့ ခင်ဗျားက အဲ့ဒီလိုမျိုး လာအမေးခံရရင် ကြောက်တယ်။ တကယ့်တကယ်တော့ သေသေချာချာ စဉ်းစားကြည့်၊ ခင်ဗျားကို လာမေးတဲ့လူ ကိုယ်နှိုက်ကလည်း ကြောက်နေတာပဲ။ အဲ့ဒါကို ကျွန်တော်တို့က သတိမထားမိဘူး။ လာမေးတဲ့သူက သူက သာမာန်ဝန်ထမ်းပဲ၊ ထောက်လှမ်းရေး အဖွဲ့အစည်း တစ်ခုခုက ၀န်ထမ်းပဲ။ အဲ့တော့ သူ့မှာရှိတဲ့ အကြောက်တရားက သူ့အထက် အဆင့်ဆင့်ကို သူက အစီရင်ခံစာ မတင်သွင်းနိုင်မှာ သတင်းမပို့နိုင်မှာ အဲ့ဒါကြောက်တယ်။ တကယ်လို့ သူက ဘာမှ သတင်းမပို့နိုင်ဘူးဆိုရင် သူ့ကို အရေးယူမှာ အပြစ်ပေးမှာ အဲ့ဒါကို သူက ကြောက်တယ်။ ပြီးတော့ ခင်ဗျားတို့ကို လာမေးပြီ ဆိုကတည်းက သူကိုယ်နှိုက်က ခင်ဗျားတို့ကို ကြောက်လို့ လာမေးတာ၊ အဲ့ဒါကို ခင်ဗျားတို့ကလည်း ဘာမှ မစူးစမ်း မဆင်ခြင်တော့ဘဲနဲ့ တန်းပြီ်းတော့ ကြောက်ပစ်လိုက်ကြတာပဲ။

အဲ့တော့ မကြောက်ခင်မှာ ခဏလေး ရပ်ပြီးတော့ စဉ်းစားကြည့်စမ်းပါ။ အော် … ငါကသာ ကြောက်နေတာ၊ သူကလည်း ကြောက်ကြောက်နဲ့ လာမေးတာပါလားဆိုရင် ကြောက်တဲ့ လူအချင်းချင်းမှာ ခင်ဗျားက ပိုပြီးတော့ ကြောက်စရာ အကြောင်းမရှိတော့ဘူး၊ အဲ့ဒီတော့ တည်တည်ငြိမ်ငြိမ်ပဲ ပြန်ပြီးတော့ ရင်ဆိုင်ပါ။ ကျွန်တော်တို့ နင်ပဲငဆ ပြောစရာ မလိုပါဘူး။ ကျွန်တော်တို့ နိုင်ငံသားအချင်းချင်း သူလည်း သူ့စားဝတ်နေရေးအတွက် ဒီအလုပ်ကို လုပ်နေရတာ။ ကြောက်လို့ ခင်ဗျားကို လာမေးနေတာ။

အဲ … တစ်ခုတော့ရှိတယ်။ အကြောက်လွန်တဲ့အခါမှာ ခြိမ်းခြောက်တာမျိုး ဖြစ်တတ်တယ်။ ခြိမ်းခြောက်တာ အကြောက်လွန်လို့ ခြိမ်းခြောက်တာ။ အဲ့ဒီတော့ ဘာတွေ ဖြစ်လာတတ်လဲဆ်ိုတော့ လာမေးတဲ့သူက တာဝန်ရှိတဲ့အဆင့် တစ်ယောက်ယောက်က ခင်ဗျား အဲ့ဒီလူနဲ့ မဆက်ဆံဖို့၊ ခင်ဗျား အဲ့ဒီအိမ်မသွားပါနဲ့၊ အဲ့ဒီတော့ သွားရင်၊ ဆက်ဆံရင်တော့ ခင်ဗျား ဒုက္ခရောက်လိမ့်မယ် သို့မဟုတ် ခင်ဗျား အရေးယူခံရလိမ့်မယ်။ အဲ … ကျွန်တော်တို့ ကလေးတွေအတွက် နောက်စရာ၊ ရယ်စရာစကားလုံးတွေနဲ့ ကျွန်တော်တို့ ပြောနေရတာပေါ့။ ဘယ်လောက် အဆင့်ရှိတဲ့ သူမှန်းတော့ မသိဘူး။ အဲ့ဒီမှာ စပီကာနဲ့၊ အသံချဲ့စက်နဲ့ လျှောက်လျှောက်ပြီး အော်နေတယ် ။ တည်ဆဲဥပဒေအရ အရေးယူခြင်းခံရမည် ဆိုတာကို၊ တည်ဆဲဥပဒေဆိုတာက ဘာဥပဒေလဲမသိ၊ ဘယ်လို အရေးယူရမယ်မှန်းလဲ မသိ။ အဲဒါကို ခံတွင်းတွေ့ပြီးတော့ မိုင်ကရိုဖုန်းကိုင်တဲ့ ပုဂ္ဂိုလ်တိုင်းက ရွာရိုးကိုးပေါက် လှည့်ပြီးတော့ တည်ဆဲဥပဒေအရ အရေးယူခြင်းခံရမည် ဆိုပြီးတော့ အော်နေတာ။ ကျွန်တော်တို့နိုင်ငံမှာ နေ့စဉ်ကြုံနေရတဲ့ ပြဿနာပါ။

အဲ့ဒီတော့ ကျွန်တော်တို့ ကြောက်တာလည်း တစ္ဆေ၊ သရဲ ကြောက်သလိုပေါ့၊ ဘာမှန်း ညာမှန်းမသိ၊

ဟာ … တည်ဆဲဥပဒေအရ အရေးယူခြင်းခံရမည်ဆိုပြီး စဉ်းစားမနေတော့ဘဲ တန်းပြီး ကြောက်ပစ်လိုက်ကြတာ၊ ကြောက်ပစ်လိုက်တာပဲ အန္တရာယ်ကင်းတယ်ဆိုတဲ့ အတွေးအခေါ်တွေ၊ တွေးပုံခေါ်ပုံတွေက ခေါက်ရိုးကျိုးနေပြီ။ အဲ့ဒီတော့ တကယ့်တကယ် ကြောက်တော့ ကြောက်ပါ။ ကြောက်အောင် လုပ်ရင်တော့ ကြောက်ပါတယ်။ သူသူကိုယ်ကိုယ် ကြောက်အောင်လုပ်ရင်တော့ ကြောက်ပါတယ်။ သို့သော် မကြောက်ခင်မှာ ခဏလေး ရပ်ပြီးတော့ စဉ်းစားကြည့်ကြပါ။ အဲ့ဒီသက်ဆိုင်ရာ တာဝန်ရှိ်တဲ့ ပုဂ္ဂိုလ်တွေကို နည်နည်းလေးတော့ ပြန်မေးဖို့လိုတယ်။ ဘာ့ကြောင့်လဲဆိုတော့ သူကိုယ်တိုင် ကြောက်နေတာကို လူတိုင်းက သိပါတယ်။ ကြောက်ကြောက်နဲ့ လျှောက်လုပ်နေတာ။

အဲ့ဒီတော့ ယဉ်ယဉ်ကျေးကျေး ကျေးဇူးပြုပြီးတော့ ကျွန်တော် တဆိတ်မေးပါရစေ။ ခင်ဗျားသိချင်တာလည်း ကျွန်တော်ပြောမယ်။ ခင်ဗျားရဲ့ နာမည်၊ ဘယ်အဖွဲ့အစည်းကလဲ၊ ဘာရာထူးအဆင့်လဲ၊ ခင်ဗျားရဲ့ တာဝန်အဆင့်အတန်းက ဘာလဲသိပါရစေ။ အဲ့ဒီလိုမှ မဟုတ်ဘူးဆိုရင် ကျွန်တော်တို့ ပြည်သူတွေ ကြုံနေရတာက ဘယ်သူလဲမသိ၊ ဘာဝါမှန်း မသိ၊ ယူနီဖောင်းလည်း မပါ၊ အရပ်ဝတ်ဆိုရင်ကို သူတို့ ကြောက်နေကြတယ်၊၊ အဲ့ဒီတော့ ကျွန်တော်တို့ဟာ ဘယ်သူကလာပြီး ခြိမ်းခြောက်မှန်းမသိ ဖြစ်နေတယ်။ အဲ့ဒီတော့ တကယ်လို့ တာဝန်ရှိတဲ့ အဖွဲ့အစည်းက တာဝန်ရှိတဲ့ပုဂ္ဂိုလ် တစ်ယောက်ယောက်က ကျွန်တော်တို့ကို လာမေးတာဆိုရင် တိတိကျကျ သိပါရစေ။ အဲ့ဒီလောက်တော့ မေးခွင့်ရှိတယ်၊ ဒါဟာ သူ့ကို ကျွန်တော်တို့က ရိုင်းရိုင်းစိုင်းစိုင်း ဆက်ဆံတာလည်း မဟုတ်၊ ဒါက ပထမအဆင့်ပေါ့။

သူက ကောင်းကောင်းမွန်မွန်၊ သူ ဘယ်အဖွဲ့စည်းကပါ။ တာဝန်အရ မေးရတာ ဖြစ်ပါတယ်။ ဟုတ်ပြီ ဖြေလိုက်ပါတယ် ဒီလူနဲ့ ကျွန်တော်က ခင်တယ် ငယ်ငယ်တည်းက သူငယ်ချင်း သို့မဟုတ် ဘယ်တုန်းက သိတယ်။ သူဖိတ်လို့ ကျွန်တော်သွားတာ လမ်းမှာတွေ့တော့ စကားပြောတာ ကျွန်တော်တို့ ဘာမှလည်း ဖုံးကွယ်ထားစရာ မလိုဘူး။ နိုင်ငံရေးလုပ်တဲ့ အလုပ်ကို ခိုးကြောင်းခိုးဝှက် လုပ်ရမယ့် အလုပ်လည်း မဟုတ်ဘူး။ တနိုင်ငံလုံးအရေးအတွက် လုပ်နေတာ၊ အဲ့ဒီတော့ မေးရင် ဖြေရုံပဲပေါ့၊၊

နောက်တစ်ခု၊ နောက်တစ်ဆင့် တက်ပြီးတော့ ဘာလာလုပ်တာလဲ၊ ဘယ်မသွားနဲ့။ တကယ်လို့ ခင်ဗျား မလိုက်နာဘူးဆိုရင် ခင်ဗျား ဒုက္ခရောက်သွားလိမ့်မယ်၊ အရေးယူ ခံရလိမ့်မယ်လို့ သူက ပြောလာပြီဆိုရင် ယဉ်ယဉ်ကျေးကျေး သိမ်သိမ်မွေ့မွေ့ပဲ ပြန်တော့ပြောပါ၊ ဟုတ်ကဲ့ ဥပဒေအရ တားမြစ်တာ၊ ကန့်သတ်တာ ဆိုရင်တော့ ကျေးဇူးပြုပြီး ခင်ဗျားရဲ့ ရာထူးအဆင့်အတန်း ဘယ်သူဘယ်ဝါကနေ ဒီလူနဲ့ မဆက်ဆံပါနဲ့၊ ဒီနေရာကို မသွားပါနဲ့လို့ တားမြစ်တယ်၊ ချိုးဖောက်ရင် အရေးယူမယ်လို့ အသိပေးတယ် ဆိုတာကို စာနဲ့ပေနဲ့ ဥပဒေအရ ဘောင်ဝင်အောင် ကျွန်တော့်ကို လုပ်ပေးပါ။ ကျွန်တော် တရားဥပဒေ စိုးမိုးရေးကို လေးစားပါတယ်။ ကျွန်တော် ကိုယ်တိုင်ကလည်း လိုက်နာပါတယ်။ ဥပဒေအရ မဟုတ်တဲ့ ဥပဒေမဲ့ ခြိမ်းခြောက်တာမျိုးဆိုရင် ကျွန်တော် လက်မခံနိုင်ဘူး။

အဲ့ဒီလောက်တော့ ကျွန်တော်တို့ ပြည်သူတစ်ဦးချင်းက နေပြီးတော့ အဲ့ဒီလောက် လုပ်ရဲတယ်ဆိုရင် ဒါဟာ သက်ဆိုင်ရာ တာဝန်ရှိတဲ့ သူတွေကို ကျွန်တော်တို့က ရန်လိုနေတာလည်း မဟုတ် သူတို့နဲ့ ကျွန်တော်တို့ ထိပ်တိုက် ရင်ဆိုင်နေတာလည်း မဟုတ်၊ ကျွန်တော်တို့ ကိုယ်တိုင်က ဥပဒေစိုးမိုးရေးကို စောင့်ရှောက်နေတာ ဖြည့်ဆည်း ပံ့ပိုးပေးနေတယ် ဆိုတဲ့အသိနဲ့ ဒီလောက် ပြည်သူတို့ဖက်ကနေ တုန့်ပြန်ရဲတယ်ဆိုရင် ကျွန်တော်တို့ နိုင်ငံအပြောင်းအလဲ ဖြစ်ဖို့အတွက် ဒီမိုကရေစီ ပေါ်ထွန်းဖို့အတွက် အင်မတန် နီးကပ်လာပြီလို့ ကျွန်တော်တို့ ပြောလို့ရပါတယ်။ ဒါကြောင့်မို့ ကျွန်တော် လေးလေးနက်နက်နဲ့ အကြံပေးချင်တာက ဘုမသိ၊ ဘမသိ ကြောက်မပစ်လိုက်ပါနဲ့။ မကြောက်ခင်မှာ ခဏလေး ရပ်လိုက်ပါ၊ စောင့်လိုက်ပါ။ ပြီးတော့ ကိုယ်မေးသင့်တာ ပြန်မေးပါ။

ခုနကလိုပေါ့။ ယဉ်ယဉ်ကျေးကျေးနဲ့ အဲ့ဒီလောက်တော့ ပြန်ပြောပေါ့၊ တချို့ကြတော့လည်း လက်လွတ်စပယ် လုပ်ပိုင်ခွင့်ကို အလွန်အကျွံသုံးတဲ့ ပြဿနာမျိုးတွေ ရှိခဲ့လို့ရှိရင် သူ့ဖာသာသူ ပြန်ထိန်းသိမ်းသွားပါလိမ့်မယ်။ ပြန်ဆုတ်သွားပါလိမ့်မယ်။ တကယ့်တကယ် နှုတ်ပိတ်တဲ့ အနေနဲ့ လက်လွတ်စပယ် ခြိမ်းခြောက်တာမျိုးဟာ စာနဲ့ပေနဲ့ ရေးပြီးတော့ ခင်ဗျားတာဝန်ယူပြီး ခြိမ်းခြောက်တယ် ဆိုတာကို ခင်ဗျားတာဝန်ယူပြီး လက်မှက်ထိုးပါဆိုရင် ဘယ်သူမှ မထိုးရဲဘူး။ ဘာဖြစ်လို့လဲဆိုတော့ တစ်ခုခု ပြဿနာဖြစ်ပြီဆိုရင် အပေါ်က ဘယ်သူကမှ အကာအကွယ် မပေးဘူး၊ ရုပ်ပျက်ဆင်းပျက် တရားလက်လွန် ဖြစ်ပြီဆိုရင် သူတိုခံရမှာ၊ အဲ့ဒီတော့ သူတို့ကိုယ်၌ကလည်း ကြောက်ကြောက်နဲ့ ခင်ဗျားတို့ကို လာပြောနေတာ။ အကြောက်လွန်ပြီးတော့ ခင်ဗျားတို့ကို လက်လွတ်စပယ် ခြိမ်းခြောက်နေတာပါ ဆိုတာကိုတော့ ခင်ဗျားတို့ သိထားဖို့လိုတယ်။ အဲ့ဒီတော့ ကျွန်တော်တို့ ဒီလိုတုန့်ပြန်တာဟာ ပုဂ္ဂိုလ်ရေး အာဃာတ မပါဘူး။ ဘယ်သူရယ် ဘယ်ဝါရယ် ဆိုပြီးတော့ ကျွန်တော်တို့ ရန်လိုမုန်းတီးတဲ့ စိတ်နဲ့ ပြောနေတာ မဟုတ်ပါဘူး။ ကျွန်တော်တို့ အခွင့်အရေး လုပ်သင့်လုပ်ထိုက်တာကို တုန့်ပြန်တဲ့သဘော ကိုယ့်အခွင့်အရေးကို ကိုယ်ကာကွယ်တဲ့သဘော၊ ကျင့်သုံးတဲ့ သဘောသာ ဖြစ်တယ်။ အဲ့ဒီလောက်တော့ လုပ်ဖို့လိုတယ်။

အဲ နောက်တစ်ဆင့်ကတော့ ကျွန်တော်တို့ နယ်ပယ်အသီးသီး၊ ဒေသအသီးသီး၊ ဥပဒေမဲ့ ပြုကျင့်တာတွေ၊ ပြုကျင့်ခံနေရတာတွေ၊ အဂတိလိုက်စား နေတာတွေ၊ အာဏာအလွဲသုံးစား လုပ်နေတာတွေ အဲ့ဒါမျိုးတွေနဲ့ ပတ်သက်လို့ ကိုယ်တိုင်ခံစားရတဲ့ သူတွေအနေနဲ့ မိမိ ဒီလိုပြုကျင့်ခံရတယ် ဆိုတာကို သက်ဆိုင်ရာ တရားရုံးတွေမှာ ဦးတိုက်ပြီးတော့ လျှောက်ပါ။ အဲဒါဟာ ကျွန်တော်တို့ ဆူပူလှုံ့ဆော်ဖို့ အုံကြွဖို့ လုပ်နေတာ မဟုတ်ပါဘူး။ ဥပဒေဘောင်အတွင်းကနေ နိုင်ငံသားတစ်ယောက်ရဲ့ ရပိုင်ခွင့်ကို ကျင့်သုံးတာ ဖြစ်ပါတယ်။ တရားဥပဒေ စိုးမိုးရေးကို ၀ိုင်းဝန်းပြီးတော့ ထိန်းသိမ်းကာကွယ်နေတာ ဖြစ်တယ်။ ဒါကြောင့်မို့ ဥပဒေဘောင်အတွင်းက ရင်ဆိုင်ရဲတဲ့ ရင်ဆိုင်တတ်တဲ့ အလေ့အကျင့်တွေကိုလည်း ပျိုးထောင်ဖို့လိုပါတယ်။

ဒီနေရာမှာ ဥပဒေပညာရှင်တွေ၊ ရှေ့နေတွေရဲ့ အခန်းကဏ္ဍတွေက အရေးကြီးပါတယ်။ သူတို့အတွက် တရားဥပဒေ ဘက်တော်သားတွေပါ။ တရားဥပဒေကို စောင့်ရှောက်ရမယ့် ကာကွယ်ရမယ့် တာဝန်ဟာ သူတို့ရဲ့ အဓိက တာဝန်ပါ။ ဒါ့ကြောင့်မို့လို့ တချို့ရှေ့နေတွေက မတတ်နိုင်ဘူး၊ မတရားတာကြီးကို ပေးကမ်းနေရတဲ့ အဖြစ်ပျက်မျိုးတွေဟာ ဒေသအသီးသီး၊ နယ်ပယ်အသီးသီးမှာ ရှိပါတယ်။ အဲ့တာတွေနဲ့ ပတ်သက်ပြီးတော့ တရားဥပဒေစိုးမိုးရေး ရှုဒေါင့်ကနေပြီး ကူညီပေးကြဖို့ ဥပဒေပညာရှင်တွေ၊ ရှေ့နေအသီးသီးတွေကိုလည်းပဲ ကျွန်တော်တို့အနေနဲ့ မေတ္တာရပ်ခံချင်ပါတယ်။

နိုင်ငံတစ်နိုင်ငံမှာ ပါတီစုံဒီမိုကရေစီ ရှင်သန်ဖို့၊ ဖွံ့ဖြိးဖို့ဆိုတာက တရားဥပဒေ စိုးမိုးရေးဟာ အဓ်ိအကျဆုံးပါပဲ။ အဲ့ဒီတော့ ဒီတရားဥပဒေ စိုးမိုးရေးကို အုတ်မြစ်ချဖို့၊ ကာကွယ်စောင့်ရှောက်ဖို့ဆိုတာ တရားဥပဒေ ဘက်တော်သားတွေ၊ ရှေ့နေတွေ၊ တရားသူကြီးတွေ အခန်းကဏ္ဍ အင်မတန် အရေးကြီးပါတယ်။ အဲ့ဒီတော့ ပြည်သူတွေ အနေနဲ့ကလည်းပဲ မိမိကို အဓမ္မပြုကျင့်တယ်၊ ဥပဒေမဲ့ ပြုကျင့်ခံရတယ် ဆိုတာတွေနဲ့ ပတ်သက်ပြီးတော့ တရားခွင်နယ်မှာ ဦးတိုက်ပြီးတော့ လျှောက်ထားရဲတဲ့၊ တင်ပြရဲတဲ့ သတ္တိမျိုးကို မွေးမြူကြဖို့ လိုပါတယ်။

အဲ့ဒီနေရာမှာတော့ ပြောစရာ ရှိတာပေါ့နော်။ တရားစွဲလည်း မထူးပါဘူး သူတို့က သူတို့ဘာသာ ဆုံးဖြတ်ချင်သလို ဆုံးဖြတ်နေတာပဲ၊ ဒါက ကျွန်တော်တို့ အရပ်စကား ပြောတာပေါ့နော်။ တကယ့်တကယ်မှာကျတော့ ကျွန်တော်တို့မှာ (၈၈)နဲ့ မတူတဲ့ အချက်ကတော့ သတင်းမီဒီယာတွေ ပွင့်လင်းတာတာ။ အဲဒီတော့ ဥပဒေမဲ့ ပြုကျင့်ခံရတယ်၊ အဲဒါကို ရုံးတက် တရားစွဲတဲ့အခါ တရားရုံးက မတရား စီရင်ချက်ချတယ် ဆိုရင်လည်း တိုးတိုးတိတ်တိတ်နဲ့တော့ ပြီးမသွားပါဘူး။ ကျွန်တော်တို့ ဒီခေတ်မှာ သတင်းပြန်ကြားရေးစနစ်ဟာ အင်မတန်မှ လျင်မြန်ပါတယ်။ အဲ့ဒီတော့ ဒီတရားရေးအဖွဲ့က နေပြီးတော့မှ မလျော်သြဇာ သုံးမယ် မတရား စီရင်ချက်ချမယ်၊ မမှန်မကန် ဆုံးဖြတ်တယ် ဆိုရင်လည်းပဲ ဒါဟာ ကျွန်တော်တို့ နိုင်ငံမှာရှိတဲ့ တည်ဆဲတရားဥပဒေ စိုးမိုးရေးအခြေအနေ ဘယ်လောက်ရှိသလဲဆိုတာကို စမ်းသပ်နေတဲ့ ဖော်ထုတ်နေတဲ့ အခြေအနေတစ်ရပ်တော့ ဖြစ်သွားမှာပါ။

အဲဒါဟာ လူပုဂ္ဂိုလ်၊ အဖွဲ့အစည်း ဦးတည်ပြီးတော့ ကျွန်တော်တို့ တိုက်ခိုက်နေတာ၊ ရန်လိုမုန်းတီးတဲ့ စိတ်နဲ့ လုပ်နေတာလည်း မပါပါဘူး။ ကျွန်တော်တို့ သွားနေတာက တရားမှုနဲ့ မတရားမှုနဲ့ကြားမှာ တရားတဲ့ဖက်၊ အမှန်တရားဖက်ကနေ ရပ်ခံသွားဖို့ ရပ်တည်သွားဖို့ တိုက်တွန်းခြင်း ဖြစ်ပါတယ်။ အဲ့တာကလည်း နိုင်ငံရဲ့ တည်ဆဲတရားဥပဒေ စိုးမိုးရေးဘောင်ထဲက ကြိုးပမ်းတာ ဖြစ်တဲ့အတွက်ကြောင့်၊ အဲ့ဒီအတွက် လက်လွတ်စပယ် အရေးယူလို့ အပြစ်ပေးလို့ မရပါဘူး။ ပြည်သူတွေအနေနဲ့ မိမိနေ့စဉ် ကြုံတွေ့နေရတဲ့ ပြဿနာတွေထဲမှာ ဥပဒေကြောင်းအရ ရင်ဆိုင်လို့ရတဲ့ ကိစ္စတွေကိုလည်း ရဲရဲတင်းတင်း ရင်ဆိုင်စေချင်ပါတယ်။ အဲ့ဒီလို အမှုအခင်းတွေ ရုံးထုတ်တဲ့ အမှုချိန်းစွဲဆိုတဲ့နေ့တွေ ဆိုလည်းပဲ အခြားစိတ်ဝင်စားတဲ့ ပြည်သူတွေ၊ ဘ၀တူပြည်သူတွေ အနေနဲ့ တရားခွင်မှာ သွားရောက် နားထောင်ခြင်းအားဖြင့် တရားခွင် ဗဟုသုတတွေ ရရှိစေသလို ကိုယ်တိုင်ကြုံတွေ့တဲ့အခါမှာလည်း ဘယ်လိုမျိုး တရားခွင်ကို ချဉ်းကပ်ရသလဲ။ တရားခွင်မှာ ဘယ်လိုလျှောက်လဲရသလဲဆိုတာ အလေ့အကျင့် ဗဟုသုတတွေကို ဆင့်ပွားရရှိစေမှာ ဖြစ်ပါတယ်။

အဲဒါကြောင့်မို့လို့ ကျွန်တော်တို့နိုင်ငံမှာ တရားမျတတဲ့ ဖွံ့ဖြိုးတိုးတက်တဲ့ နိုင်ငံဖြစ်ဖို့အတွက် ပြည်သူတစ်ဦးချင်းက လုပ်နိုင်တဲ့ အပိုင်းတွေကို ကမူးရှူးတိုးနဲ့ သွေးပူပြီး လုပ်ဆောင်တဲ့အပိုင်း မဟုတ်ဘဲနဲ့ တည်တည်ငြိမ်ငြိမ်နဲ့ စနစ်တကျ ဆောင်ရွက်နိုင်တဲ့ အခွှင့်အလမ်းတွေ အများကြီး ရှိပါတယ်။ အဲ့ဒီလို အခွင့်အလမ်းတွေကို အသုံးချပြီးတော့ ပြည်သူတစ်ဦးချင်း အနေနဲ့ပါ နိုင်ငံရဲ့တရားဥပဒေ စိုးမိုးရေးနဲ့ အမှန်တရား ပေါ်ထွန်းရေးအတွက် ဆောင်ရွက်နိုင်တဲ့ အခန်းကဏ္ဍတွေကို ထိထိရောက်ရောက် ဆောင်ရွက်ကြဖို့အတွက် ကျွန်တော် တိုက်တွန်းချင်ပါတယ်။ အကြံပေးချင်ပါတယ်။

ကျွန်တော်တို့ နိုင်ငံရေးသမားတွေဟာ နိုင်ငံရေး တာဝန်ယူနေတဲ့ ပုဂ္ဂိုလ်များ အနေနဲ့ကလည်းပဲ ပြည်သူတွေရဲ့ နေ့စဉ်ဒုက္ခတွေကို ကျွန်တော်တို့က ကိုယ်စားပြုပြီးတော့ ဖော်ထုတ်နေရမှာ ဖြစ်သလို နိုင်ငံရေး အမျိုးသားပြန်လည်သင့်မြတ်ရေးအတွက် ဖြစ်နိုင်တဲ့ နည်းလမ်းပေါင်းစုံကိုလည်း ကိုယ်စွမ်းဥာဏ်စွမ်း ရှိသလောက် ကျွန်တော်တို့က ရှာဖွေဖော်ထုတ်နေရမှာ၊ ချဉ်းကပ်နေရမှာ ဖြစ်ပါတယ်။ ဒါ့ကြောင့် ပြည်သူတွေ လုပ်ရမယ့်အပိုင်း၊ လုပ်နိုင်တဲ့အပိုင်းကို ပြည်သူတွေဖက်က တာဝန်ကျေဖို့ လိုသလို နိုင်ငံရေးသမားတွေ နိုင်ငံရေး ဦးဆောင်နေတဲ့ သူအနေကလည်း ကျွန်တော်တို့က မူဝါဒပိုင်းဆိုင်ရာ ညှိနှိုင်းဆောင်ရွက်မှုတွေ နည်းလမ်းရှားဖွေမှုတွေ ပြည်သူတွေနဲ့ ထိစပ်ပြီးတော့ ပြည်သူတွေရဲ့ဘ၀၊ ပြည်သူတွေရဲ့ အခက်အခဲတွေ ထင်ဟပ်ဖော်ထုတ်နိုင်ရန် အတွက်လည်း ကျွန်တော်တို့က ကြိုးပမ်းသွားရမှာ ဖြစ်ပါတယ်။

အဲ့ဒီလိုသာ တက်ညီလက်ညီနဲ့၊ ဟန်ချက်ညီညီနဲ့ ကျွန်တော်တို့ ကြိုးပမ်းဆောင်ရွက် သွားမယ်ဆိုရင် လက်ရှိ တပ်မတော် အကြီးအကဲ အနေနဲ့ကလည်းပဲ ဒါဟာ လွယ်လွယ်ကူကူ လက်ညှိုးထိုးပြီးတော့ အဖျက်အမှောက် ဆူပူမှုတွေလို့ စွပ်စွဲလိုက်ရုံနဲ့ ပြဿနာက ပြေလည်သွားမှာ မဟုတ်ဘူး။ ဒီလူဒီလူတွေဟာ စနစ်တကျနဲ့ တရားဥပဒေဘောင် အတွင်းကနေ ကြိုးပမ်းနေတယ်။ ချဉ်းကပ်နေတယ်၊ အမျိုးသားပြန်လည်သင့်မြတ်ရေးကိုလည်း တကယ် လိုလိုလားလားနဲ့ ဆောင်ရွက်နေတာကို အသိအမှတ်ပြုဖို့ လိုပါတယ်။ အဲ့ဒီလို ဘက်အသီးသီးမှ နေပြီးတော့ ကျွန်တော်တို့ ဆောင်ရွက်သွားကြမယ်ဆိုရင် ဆုံမှတ်တစ်ခုမှာ အားလုံး လိုလားတောင့်တနေတဲ့ ဖြစ်စေချင်နေတဲ့ ကျွန်တော်တို့နိုင်ငံ ငြိမ်းချမ်းရေးနဲ့ ဖွံ့ဖြိးတိုးတက်ရေး လမ်းကြောင်းပေါ်ကို မလွဲမသွေ ရောက်ရှိလာမှာ ဖြစ်ပါတယ်လို့ ကျွန်တော် ပြောကြားလိုပါတယ်။

(ဘာမားတူးဒေး ၀က်ဘ်ဆိုက်မှ ကူးယူဖော်ပြပါသည်)

အပြည့်အစုံသို့ >>>

<<<အကျဉ်းချုပ်သို့ 

အိတ်ဖွင့်ပေးစာ

အပြည့်အစုံသို့ >>>

<<<အကျဉ်းချုပ်သို့ 

မဲဆောက်က ပို့ တဲ့စာ

လက်ရှိဦးဆောင်မှုပေးနေသည့် အမျိုးသားဒီမိုကရေစီအဖွဲ့ချုပ် ဗဟိုကော်မတီဝင်များနှင့် ပြည်တွင်းပြည်ပ အတိုက်အခံခေါင်းဆောင်များသို့ အိတ်ဖွင့်အကြံပြုစာ (၈-ဇူလိုင်-၂၀၀၈)

ဒေါက်တာလွဏ်းဆွေ

မြန်မာ့ဒီမိုကရေစီရေးအတွက် တိုက်ပွဲဝင်လျက်ရှိသည့် ခေါင်းဆောင်များခင်ဗျား …

၁၉၉၀ ပြည့်နှစ် ပါတီစုံဒီမိုကရေစီ အထွေထွေရွေးကောက်ပွဲတွင် ဆန္ဒမဲပေးခဲ့သည့် မဲဆန္ဒရှင်တစ်ဦးအနေနှင့် လည်းကောင်း၊ ဒီမိုကရေစီရေးတိုက်ပွဲဝင် မြန်မာပြည်သားတစ်ဦးအနေနှင့်လည်းကောင်း ဒီမိုကရေစီတိုက်ပွဲအား လူကြီးမင်းတို့ ဦးဆောင်ဦးရွက် ပြုပေးနေမှုများအပေါ် မထောက်မညှာ ဝေဖန်အကြံပြုစကား ပြောကြားလိုက်ရပါသည်။ တိုက်ပွဲအနေအထား ကျဉ်းထဲကျပ်ထဲတွင် ရောက်ရှိနေပြီး အဆုံးစွန်သော ဒုက္ခများနှင့် ရင်ဆိုင်ကြုံတွေ့နေရသည့် မြန်မာပြည်သူလူထုအတွက် မျှော်လင့်ချက် တစ်စုံတစ်ရာ ပေါ်လာလို ပေါ်လာငြား ဤသို့မထောက်မညှာ အမုန်းခံ ပြောကြားရခြင်း ဖြစ်ပါသည်။

နအဖစစ်အုပ်စု အုပ်ချုပ်နေသည့် လက်ရှိတိုင်းပြည်အခြေအနေသည် နူရာဝဲစွဲ လဲရာသူခိုးထောင်းအဆင့် မကတော့ဘဲ ယင်တလောင်းလောင်း လင်းတ(လဒ)တ၀ဲဝဲ အခြေအနေသို့ပင် ဆိုက်ရောက်နေသည်ကို လူကြီးမင်းတို့အသိ ဖြစ်ပါသည်။ ထိုသို့ အဆိုးဆုံး အခြေအနေကို ဆိုက်ရောက်ရခြင်းတွင် ဒီမိုကရေစီတိုက်ပွဲ မရှည်ကြာသင့်ဘဲ ရှည်ကြာခဲ့ရသည့် အကြောင်းတရားသည် အဓိက ဖြစ်ပါသည်။

ထိုသို့တိုက်ပွဲရှည်ကြာခြင်းသည် ပြည်သူလူထု ပါဝင်မှုအနေအထား အားနည်းသည့်အတွက်ကြောင့် လုံးဝမဟုတ်ပါ။ မြန်မာ့ဒီမိုကရေစီတိုက်ပွဲတစ်လျှောက် ၁၉၈၈ခုနှစ် ရှစ်လေးလုံး အရေးတော်ပုံမှ ယနေ့အထိ တာဝန်အကျေဆုံးနှင့် သတ္တိအရှိဆုံးသည် ရဟန်းရှင်လူ ကျောင်းသား ပြည်သူများပင် ဖြစ်ပါသည်။ ရှစ်လေးလုံး အရေးတော်ပုံ၊ ၁၉၉၀ ရွေးကောက်ပွဲရလဒ်နှင့် ရွှေဝါရောင် တော်လှန်ရေးကို ကြည့်လျှင် ပြည်သူလူထု၏ တာဝန်ကျေခဲ့မှုအပိုင်းကို အထင်းသား မြင်နိုင်ပါသည်။

တိုက်ပွဲရှည်ကြာရခြင်းသည် အဓိကအကြောင်းတရား နှစ်ချက်ကြောင့် ဖြစ်ပါသည်။

(၁) စစ်တပ်အာဏာ တည်မြဲရေးအတွက် န၀တ/နအဖစစ်အုပ်စုမှ နည်းမျိုးစုံ ဖိနှိပ်လုပ်ဆောင်နေမှု

(၂) အတိုက်အခံခေါင်းဆောင်များ (အဓိက ပြည်သူလူထုထံမှ Mandate ရထားသည့် အဲန်အယ်လ်ဒီ ဗဟိုကော်မတီဝင်များ) ၏ ဦးဆောင်ဦးရွက်ပြုမှုအပိုင်း ချွတ်ယွင်း အားနည်းမှု … စသည်တို့ကြောင့် ဖြစ်ပါသည်။

နအဖစစ်အုပ်စု၏ ဖိနှိပ်ရက်စက်မှုနှင့် ပတ်သက်၍ ပြောရလျှင် စစ်ခေါင်းဆောင်များသည် အာဏာလက်လွှတ်ချင်သူများ မဟုတ်သည့်အတွက် သူတို့အား တွေ့ဆုံဆွေးနွေးရေးနည်းလမ်းနှင့် စည်းရုံးဖျောင်းဖျ၍ ရမည့်အနေအထားမျိုး ယခင်ကလည်း မရှိခဲ့၊ နောင်လည်း ရှိမည်မဟုတ်ပါ။ တစ်လျှောက်လုံး သူတို့၏ မျက်နှာပြောင်တိုက် ဖိနှိပ်ရက်စက်ခဲ့မှုများကို ကြည့်လျှင် သူတို့အား ကုတ်နှင့် ကလော်ထုတ်မှသာ ရာဇာပလ္လင်ပေါ်မှ ဆင်းမည်ဆိုသည်ကို ရှင်းရှင်းလင်းလင်း သိမြင်သင့်ပြီ ထင်ပါသည်။ ဖိနှိပ်ရကောင်းလားဟု သူတို့အား သွားအပြစ်ဖို့နေခြင်းထက် မဖိနှိပ်အောင် မည်သို့တွန်းလှန်မည်လဲ ဆိုသည်ကိုသာ စဉ်းစားကြဖို့ရှိသည်ဟု မြင်ပါသည်။ ထိုသို့တွန်းလှန်ဖို့ မကြိုးစားခဲ့ဘဲ တွေ့ဆုံဆွေးနွေးရေး နည်းလမ်းနှင့် အဖြေရှာဖို့ (မစွန့်ချင်တာနှင့် သူရဲဘောကြောင်တာလည်း ရာခိုင်နှုန်း အတော်များများပါမည်) ကြိုးစားနေခဲ့၍သာ တိုက်ပွဲ အနှစ်နှစ်ဆယ်နီးပါး ကြာခဲ့ပြီး ပြည်သူလူထု အဆုံးအစွန်ထိ ဒုက္ခရောက်ခဲ့ကြရခြင်း ဖြစ်ပါသည်။

အနှစ်နှစ်ဆယ် တိုက်ပွဲကာလအတွင်း အတိုက်အခံအများစု (အဓိက ဦးအောင်ရွှေ၊ ဦးလွင် ဦးဆောင်သည့် အဲန်အယ်လ်ဒီ ဗဟိုကော်မတီ) အနေနှင့် သူတောင်းစားဝါဒ (Beggarism) နှင့် တိုက်ပွဲဝင်ခဲ့ကြခြင်းသည် အဓိက မဟာအမှားဟု သုံးသပ်မိပါသည်။ သူတောင်းစားဝါဒဆိုသည်မှာ ပြည်တွင်းပြည်ပ၌ အဲန်အယ်လ်ဒီ ဗဟိုကော်မတီ အပါအ၀င် အတိုက်အခံ အဖွဲ့အစည်း အတော်များများ တစ်ချိန်လုံး Statement ထုတ်ပြီး တောင်းဆိုနေခြင်းနှင့် ပြည်ပတွင် အတိုက်အခံ အများစုမှာ ဒုက္ခသည်အရေး၊ အလုပ်သမားအရေး၊ အမျိုးသမီးအရေး၊ လူ့အခွင့်အရေး၊ နိုင်ငံရေးအကျဉ်းသား စောင့်ရှောက်ရေး၊ ဗုတ်နိုး၊ ဒေါ်အောင်ဆန်းစုကြည် လွတ်မြောက်ရေး၊ နာဂစ်ဒုက္ခသည်များ ကူညီရေး … စသည့် အရေးကိစ္စမှန်သမျှအတွက် ပရိုပိုဇယ်တင်တောင်ပြီး လှုပ်ရှားဆောင်ရွက် နေရခြင်းများကို ဆိုလိုပါသည်။

ထိုသို့ သူတောင်းစားဝါဒနှင့် ချီတက်နေကြသည့်အတွက် ဘောလုံးစကားနှင့် ပြောရလျှင် ဂိုးသွင်းခွင့် ရခဲ့သည့် အခွင့်အရေးများကို အမိအရ အသုံးမချနိုင်ဘဲ ဘန်ကေး (ဘေးကန်) ခဲ့သည့် ဖြစ်ရပ်များ ကြိမ်ဖန်များစွာ ကြုံခဲ့ရသည်ကို ပြန်လည်ဆန်းစစ်ကြည့်လျှင် တွေ့နိုင်ပါသည်။ တစ်ချပ်မှောက် ဖဲစကားနှင့် ပြောရလျှင်မူ နအဖ ဟောက်စားလုပ်သည်ကို အဲန်အယ်လ်ဒီ တာဝန်ရှိပုဂ္ဂိုလ်များ တစ်လျှောက်လုံး ငြိမ်ခံလာသည့်အတွက် ယခုအချိန်အထိလည်း နအဖက ဟောက်စားလုပ်ပြီး ၂၀၁၀သို့ ချီတက်ရန် စိတ်ကူးယဉ်နေနိုင်ခြင်းဟု သုံးသပ်မိပါသည်။ နောက်ဆုံးတွင် တောင်းလွန်းမက တောင်းနေသည့် အဲန်အယ်လ်ဒီကို “အခုအထိ တောင်းတုန်းပဲလား”ဟု အပြစ်မြင်လာကြပြီး တခါမှ မပေးခဲ့သည့် နအဖကို အပြစ်မပြောတော့သည့် အနေအထားနှင့် ရယ်သွမ်းသွေးဖွယ် ကြုံလာရပါသည်။

အတိုက်အခံအများစု ထိုသို့တောင်းစားရသည့် အခြေအနေများ ဖြစ်ကုန်ကြရုံမက တော်တော်များများလည်း တတိယနိုင်ငံများတွင် သွားရောက်ကျွန်ခံရသည့် အနေအထားတွေ ဖြစ်ကုန်ကြပါသည်။ ကြိုက်သည်ဖြစ်စေ မကြိုက်သည်ဖြစ်စေ၊ လက်ခံသည်ဖြစ်စေ လက်မခံသည်ဖြစ်စေ ဤအခြေအနေသည် ပကတိ ဆိုက်ရောက်နေသည့် အခြေအနေမှန်ပင် ဖြစ်ပါသည်။ ထိုပရိုပိုဇယ် guideline များ၊ resettlement programme များကြောင့် အင်အားစုများ ညီညွတ်မလာဘဲ ပို၍စိတ်ဝမ်းကွဲပြီး အပြိုပြို အလဲလဲ ဖြစ်ကုန်ပါသည်။ နအဖစစ်အုပ်စုကတော့ ထိုသို့ အင်အားများ ဖြိုခွဲပေးနေသည့် နိုင်ငံတကာမှ ကျေးဇူးရှင်များကို ဦးကုန်းချနေမည်မှာ အသေအချာပင် ဖြစ်ပါသည်။ တကယ်တော့ ပရိုပိုဇယ်ပေးသည့် သူများသည် ကျနော်တို့ မြန်မာပြည်သူပြည်သားများ ခံစားနေရသည့် ပကတိအခြေအနေနှင့် တိုက်ပွဲအနေအထားအကြောင်းကို ဂဃနဏ သိကြသူများ မဟုတ်ပါ။ သိချင်သူများလည်း မဟုတ်ပါ။ သိပြီး ပွဲပြီးအောင် ကူညီမည့်သူများလည်း မဟုတ်ကြပါ။ လုပ်စားကိုင်စား အဆင့်တွင်သာ အားပေးအားမြှောက် ပြုနေကြမည့်သူများ ဖြစ်ပါသည်။ သို့သော် ယူထားသည့် ပရိုပိုဇယ်မျက်နှာကြောင့် သူတို့က အကြမ်းမဖက်နှင့်ဆိုတိုင်း အကြမ်းမဖက်ကြဖို့ ကျွန်တော်တို့လူတွေ လိုက်အော်နေကြရသည်ကို ကြည့်ရသည်မှာ အတော့်ကို ကြေကွဲစရာ ကောင်းလှပါသည်။

ကျွန်တော်တို့၏ လက်ရှိတိုက်ပွဲအနေအထားကို ဖိနှိပ်ရက်စက်မှုမျိုးစုံ ခံနေရသည့် ကျွန်တော်တို့ မြန်မာပြည်သူ ပြည်သားများသာ အသိဆုံး ဖြစ်ပါသည်။ ကမ်းကုန်အောင် ရက်စက်ကြမ်းကြုတ်နေသည့် စစ်အာဏာရှင်အုပ်စုကို အကြမ်းမဖက်သည့် နည်းလမ်းတစ်ခုတည်းနှင့် တိုက်ပွဲဝင်ဖို့ မလုံလောက်တော့ကြောင်း ရွှေဝါရောင်တော်လှန်ရေးက ပြဋ္ဌာန်းပေးပြီး ဖြစ်သည်ကိုလည်း ကျွန်တော်တို့အားလုံး သိရှိကြပြီး ဖြစ်ပါသည်။

ထို့ကြောင့် အဲန်အယ်လ်ဒီ ဗဟိုကော်မတီ အပါအ၀င် အတိုက်အခံ အင်အားစုများအနေနှင့် အချိန်မနှောင်းမီ လက်ရှိကျင့်သုံးနေသည့် သူတောင်းစားဝါဒကို စွန့်လွှတ်ပြီး နအဖစစ်အုပ်စုကို ရင်ဆိုင်တိုက်ပွဲဝင်မည့် နည်းလမ်းများ အမြန်ဆုံး ရှာကြံကျင့်သုံးကြဖို့နှင့် ၉၀ ရွေးကောက်ပွဲရလဒ်ကို အလျင်အမြန် အကောင်အထည်ဖော်နိုင်အောင် အစွမ်းကုန် အားထုတ်ကြိုးပမ်းကြဖို့ အကြံပြု ပြောကြားလိုက်ရပါသည်။ သို့မဟုတ်ပါက အီးရောအီးရော၊ ယောင်တောင်ပေါင်တောင်၊ ဖင်လှည့်ခေါင်းလှည့်နှင့် ၂၀၁၀ သို့ ရောက်ရှိသွားပြီး တတိုင်းပြည်လုံး စစ်ကျွန်အဖြစ် နွံနစ်ဖို့သာရှိတော့မည့်အကြောင်း တပ်လှန့်သတိပေးလိုက်ရပါသည်။

တိုက်ပွဲသစ္စာဖြင့် …

ဒေါက်တာလွဏ်းဆွေ

(၁၉၉၀ပြည့် ရွေးကောက်ပွဲ မဲဆန္ဒရှင်တစ်ဦး)

အပြည့်အစုံသို့ >>>

<<<အကျဉ်းချုပ်သို့ 

Letter from Sanfransisco

မိတ်ဆွေများခင်ဗျား

မောင်ရစ် ရိုသေစွာ စာရေးလိုက်ပါတယ်။ မိတ်ဆွေတို့ကို အကူအညီတောင်းပါတယ်။ ၈၈ နှစ် ၂၀ ကို အမှတ်တရ စာမျက်နှာတွေ လုပ်ချင်တယ်။ အဖြစ်အပျက်တွေ၊ အကြောင်းအရာတွေထက် လူတွေ၊ ဘ၀တွေကနေ ၈၈ အနှစ် ၂၀ ကို ပြောပြချင်တယ်။

၈၈ ဖြစ်ပြီး နှစ် ၂၀ ကြာပြီ။ ဘာလဲ ဘယ်လဲပေါ့ဗျာ။ ကျနော်တို့တွေ ၅ နှစ်ပိုင်းဆီ ပိုင်းခြားပြီး ကြည့်ချင်တယ်။ ဘာဖြစ်ခဲ့လဲ။ ဘာတွေနဲ့ ဆက်သွားသလဲပေါ့။ တိုတိုပါပဲ။ အများကြီး မပြောချင်ပါဘူး။ အဲဒီထဲက အဓိကအကြောင်းကို ပြောချင်တာပါ။

ဒေါ်စု - ၈၈ နှစ် ၂၀ ဆိုရင် - ဥပမာပေါ့

၁၉၈၈ - ၁၉၉၃ - ဒီမိုကရေစီအဖွဲ့ချုပ် အတွင်းရေးမှူး၊ အကျယ်ချုပ်ခံရ၊ နိုဘယ်ဆုရ

၁၉၉၃ - ၁၉၉၈ - စီးပွားရေး ပိတ်ဆို့မှုကို ကိုင်စွဲ၊ ခေတ္တ အကျယ်ချုပ်မှ လွတ်၊ ဆုတွေရ

၁၉၉၈ - ၂၀၀၃ - တွေ့ဆုံဆွေးနွေးရေးကို ကိုင်စွဲ၊ ဒီပဲယင်းတွင် လုပ်ကြံခံရ၊ အကျယ်ချုပ်၊ ဆုတွေရ

၂၀၀၃ - ၂၀၀၈ - သံဃာအရေးအခင်းအပြီး ခေတ္တ သဘောထားထုတ်ဖော်ခွင့်ရ၊ အစိုးရ အခြေခံဥပဒေကို ကန့်ကွက်ကြောင်း ပါတီက တဆင့်ထုတ်ဖော်။ ခင်ပွန်းဆုံးခဲ့တာတို့၊ တခြား ကိစ္စတွေလည်း ထည့်နိုင်ပါတယ်။

ဦးတင်ဦး နဲ့ ဦးဝင်းတင် ဆိုရင်လည်း အဲသည်လိုမျိုး အတိုလေးတွေ၊ အမှတ်တရတွေကို ထုတ်ဖော်ရေးချင်ပါတယ်။

ပြီးရင်တော့ ၈၈ မျိုးဆက် ကျောင်းသားများကို အဲသလို ပြောပြချင်ပါတယ်။ သတင်းတွေနဲ့ တိုက်ဆိုင်ပြီး ရေးရမှာပေါ့ဗျာ။ တယောက်တည်းလည်း မရေးချင်ပါဘူး။ ခင်ဗျားတို့နဲ့ တိုင်ပင်ပြီး ညှိနှိုင်းပြီး ရေးချင်ပါတယ်။ ဖြည့်စွက်ချင်ပါတယ်။

မင်းကိုနိုင်ဆိုရင် သူရေးတဲ့ ကဗျာတွေ သီချင်းတွေ ရှိမယ်။ အဲဒါမျိုး။ ကိုကိုကြီးအကြောင်းဆိုရင်တော့ ခင်ဗျားတို့ ၀ိုင်းဖြည့်ပါ။ ကျနော်နဲ့က ၁၉၉၃ အထိပဲ တွေ့ခဲ့ရတာ။ နောက်ပိုင်းက ကျနော့်အိမ်ကို ပြန်မေးခိုင်းရမလို ဖြစ်နေတယ်။ မင်းဇေယျာ။ သူတို့ အနှစ် ၂၀ ကို ပြောပြချင်ပါတယ်။ သတင်းစာတွေကနေကော အချင်းချင်း အမှတ်ရမိတာတွေကောကနေပေါ့။

ဘကျော်ကြီးက ဆုံးပြီလို့ဆိုတယ်။ ငွေထွန်းက ဥရောပမှာလို့ ပြောတယ်။ အောင်ထွန်းတို့၊ ညိုထွန်းတို့ကောပေါ့။ ၀ိုင်းရေးကြည့်ချင်ပါတယ်။ သက်ရှိကော ဆုံးခဲ့တဲ့ ရာဇ၀င်ကော။ ကိုသက်ထွန်းအောင်၊ ပြီးတော့ သီဟတို့ နေလင်းတို့ အကသတွေ။ ဦးကြည်မောင်ကြီးကို အနှစ် ၂၀ ထဲမှာ ထည့်ထားချင်တယ်။ ဦးသော်ကလိုမျိုးတွေ၊ အနှစ် ၂၀ မှာ ၅ နှစ်နဲ့ ပြတ်သွားတဲ့လူတွေ၊ ၁၀ နှစ်နဲ့ ကျဆုံးခဲ့ကြသူတွေ။

၈၈ အနှစ် ၂၀ - လူတွေ တယောက်ပြီး တယောက် အကြောင်း။ အမှတ်တရ ကဗျာတွေ စာတွေ အဖြစ်တွေ တခုပြီး တခု ပေါ်လာတာတွေ။

၈၈ အနှစ် ၂၀ မှာ မိုးသီးဇွန်အကြောင်း၊ အောင်နိုင်အကြောင်း၊ နိုင်အောင်အကြောင်း သတင်းစာတွေ၊ အီးမေးတွေက တဆင့် မှတ်မိသလောက် ပြန်ရေးလို့လဲ ရပါတယ်နော်။ ကိုယ်တိုင်လည်း မေးမယ်လေ။ ဘယ်လိုလဲဗျာ။

အကြီးအကျယ်ကြီး လုပ်ပြတာမျိုး မဖြစ်ချင်ပါဘူး။ ကျနော်တို့ ရောက်နေတဲ့၊ ရှိနေတဲ့ နေရာက၊ အနေအထားကနေ ၈၈ အရေးတော်ပုံက ဖြတ်သန်းလာတဲ့လူတွေကို မျက်စိရှေ့မှာ တွေ့ရ မြင်ရသလောက်ကို အလေးဂရုပြုချင်တာပါ။ ကျနော်တို့တွေမှ ပြန်မကြည့်ကြရင် ကျနော်တို့တွေ ပြန်ဆုံတွေ့ကြဖို့ မလွယ်တော့ဘူးလေ။ ကိုယ်ထင်ရာ ကိုယ်လမ်းလျောက်နေကြတာ အနှစ် ၂၀ ဆိုတော့ ခုချိန်မှာ တယောက်နဲ့ တယောက် မြင်နိုင်တွေ့နိုင် ပြောနိုင်သေးတယ် ထင်ပါတယ်။

မောင်ရစ်ကတော့ ဘာကောင်မှ မဟုတ်ပါ။

မောင်ရစ်

အပြည့်အစုံသို့ >>>

<<<အကျဉ်းချုပ်သို့ 