သားရွှေအိုးထမ်းတာကို မြင်ချင်တာပါ

သားရွှေအိုးထမ်းတာကို မြင်ချင်တာပါ

ရွာဘေးက - သာအေး

နိုးဗုတ် - ဗုတ်နိုးနဲ့ ပတ်သက်လို့ အတော်များများ ဆွေးနွေးပြီးကြပါပြီ။ လိုမယ်ထင်လို့ နည်းနည်းဖြည့်ချင်ပါတယ်။ ကျနော့်အမြင် နအဖရဲ့ဆန္ဒခံယူပွဲမှာ နိုး-ဗုတ် ဖြစ်စေ၊ ဗုတ်-နိုး ဖြစ်စေ အခြေခံဥပဒေကြမ်းဟာ အလုပ်ဖြစ်မှာ မဟုတ်ဘူးလို့ ယူဆတယ်။ နိုးဗုတ်ဆိုပြီး တညီတည်း မဲရုံမသွားကြရင် (၅၀ရာနှုန်းပြည့်မှာ မဟုတ်လို့) ဆန္ဒခံယူပွဲ အထမမြောက်။ မဲရုံသွားပြီး ဗုတ်နိုးလို့ တညီတည်း ကန့်ကွက်ကြရင် (ကန့်ကွက်မဲ အများနဲ့) အခြေခံဥပဒေ အတည်မဖြစ်။ (အနည်းအပါး ညစ်ခံရလျှင်ပင် ) နှစ်ခုစလုံးဟာ နိုင်ခြေရှိပါတယ်။ သို့သော် ကျနော်တို့တတွေေ၀၀ါးပြီး တယောက်တပေါက်နဲ့ နိုးဗုတ် တချို့၊ ဗုတ်နိုး တဖုံ၊ (ပယ်မဲ တနည်း)ဆိုရင် မဲတွေပြားပြီးတော့ ဗုတ်-ရက်စ်က သေချာပေါက်နိုင်သွားမယ်၊ ဒါကို စိုးရိမ်စရာရှိတယ်။ ဒါကြောင့် တခုတည်းကိုပဲ တညီတညွတ်တည်း ၀ိုင်းအောဖို့လိုမယ်။ အခုခါ အင်အယ်ဒီက ဗုတ်နိုးကို ရွေးလိုက်တော့ ရှင်းသွားပါပြီ၊ လူထုအားလုံး ဗုတ်နိုးရုံပဲရှိ ပါတော့တယ်။

ဒီစာတင်ပြခြင်တာ ဒီနေရာမှာပါ။ အင်အယ်ဒီက ဗုတ်နိုး ရွေးတာကို ၊ ဒေါက်တာလွဏ်းဆွေ ဘလော့ဂ်မှာ (တိုက်ပွဲဝင်ဖို့ ရှေ့ကဦးမဆောင်ဘဲ ) လူထုကို ဆိတ်အုပ် နွားအုပ် မောင်းသလို ကန့်ကွက်မဲပေးကြလို့ မောင်းနေတယ်ဆိုတဲ့ ထင်မြင်မှုကို တွေ့ရတယ်။ အဲတာမျိုး မဟုတ်ဘူးဆိုတာ အမြင်ရှင်းစေဖို့ပါ။ အားလုံး သိကြတဲ့အတိုင်း အတွေးအခေါ်တွေ ရှုပ်ထွေး၊ နည်းဗျုဟာတွေ ထွေပြားနေတဲ့အချိန်မှာ၊ ရှင်းရှင်းလင်းလင်း လမ်းပြဖို့ လူထုက တောင်းဆိုတဲ့အတွက် အင်အယ်ဒီက ပြတ်ပြတ်သားသား လမ်းညွှန်လိုက်တယ်။ အရေးကြုံတဲ့အခါ လက်မရှောင်ဘဲ ဦးဆောင်လိုက်တာ ဖြစ်ပါတယ်။ တိုက်ပွဲသဏ္ဍန်ချင်း မတူညီပေမယ့် ဒါဟာ တိုက်ပွဲတခု မဟုတ်ပါလား။

တကယ်တော့လည်း ဒီတိုက်ပွဲမှာ ခေါင်းဆောင်တွေတာဝန်ဆိုပြီး လွှဲရမယ့် အခြေအနေ မဟုတ်ပါဖူး။ သခင်ဗသောင်း ပြောခဲ့သလို လူတိုင်း လူတိုင်းဟာ ခေါင်းဆောင်တွေ ဖြစ်ပါတယ်။ လူတိုင်းဟာ သူ့နေရာနဲ့သူ ခေါင်းဆောင်ချည်းပဲ။ လူတိုင်းခေါင်းဆောင်ရမယ့် တိုက်ပွဲဖြစ်တယ်။ လူတိုင်းဟာ ငါသည် ခေါင်းဆောင်ဆိုတဲ့ ပိုင်းဖြတ်ချက်ကို ခံယူရပါမယ်၊ ဒါမှ အောင်မြင်မယ်။ သူတို့က ခေါင်းဆောင်ပဲ၊ ၀န်ကြီးဖြစ်ရင် သူတို့ပဲဖြစ်မှာဆိုတဲ့ အတွေးအခေါ် (ပယောဂ) ၀င်လာရင်တော့ မတိုက်ရခင် ပျက်မှာသေချာတယ်။

နောက်တခု၊ ဆရာတို့ ဆုပ်ကိုင်ထားတဲ့ နိုးဗုတ်လုပ်ရမယ်ဆိုတာနဲ့ ပတ်သက်လို့ နည်းနာကိစ္စ ဆွေးနွေး ချင်ပါတယ်။ နိုးဗုတ်ကို တင်နေတာဟာလည်း တိုင်းပြည်အကျိုး လူထုအကျိုး ဒီမိုကရေစီချစ်စိတ်ကို ရှေ့ရှုတယ်ဆိုတာ ယုံကြည်ပါတယ်။ ဒီနည်းလည်း အောင်မြင်နိုင်တယ်လို့ ကျနော့်ယူအဆ တင်ပြခဲ့တယ်။ မြန်မာပြည်လူထုရဲ့ လက်ရှိ ဆွေးနွေးချက်တွေ ခြုံကြည့်ပြီး တိတိကျကျ ဆွဲထုတ်ရင်၊ နအဖရဲ့ လမ်းပြမြေပုံ အဆင့်(လေး)ဖြစ်တဲ့ ဒီဆန္ဒခံယူပွဲကိုတိုက်ဖို့ ထိရောက်သော နည်းနာ(၃)မျိုးကို တွေ့ရပါမယ်။

နည်းနာ(၁) - လူထုလုပ်ရှားမှုနဲ့ ဆန္ဒခံယူပွဲ မဖြစ်မြောက်အောင် ဆန္ဒပြပွဲများ ဖော်ထုတ်။ နိုး-ရက်ဖယ်ရန်ဒမ်။ (ဒါဆို ဆန္ဒခံယူပွဲ ပျက်ပြယ်)
နည်းနာ(၂) - မဲပေးပွဲ ရောက်လာတဲ့အခါ၊ မဲရုံမသွား။ နိုး-ဗုတ်။ (ဆန္ဒခံယူပွဲ အထမမြောက်)
နည်းနာ(၃) - မဲရုံသွား ကန့်ကွက်မဲပေး။ ဗုတ်-နိုး (အခြေခံဥပဒေကြမ်း အတည်မဖြစ်)

နည်းနာ(၁)ကို မြေအောက်အဖွဲ့အစည်းတွေပဲ လုပ်လို့ရမယ်။ မြေပေါ်ပါတီတွေ လုပ်မရ၊ လုပ်လိုလျှင် မြေအောက်ဆင်း လုပ်ကြရမယ်။ ဒါကြောင့် အင်အယ်ဒီက လုပ်လျှင်လည်း တရားဝင် ကြေညာမရ၊ ကြေညာမည်လည်း မဟုတ်။

နည်းနာ(၂)ဆိုလျှင် ဆန္ဒခံယူပွဲဥပဒေ ပုဒ်မ(၂၄)(ဇ)နဲ့ ငြိမယ်၊ ထားပါ ငြိရင်ငြိ ထိပ်တိုက်တွေ့၊ အောင်မြင်နိုင်တယ်။ ဆိုပါစို့ နည်းနာ(၂)နဲ့ (၃)ကို ဘယ်တခုဖြစ်ဖြစ် လူထုညီရင် လုပ်လို့ရတယ်။ (၂)နဲ့(၃)ဟာ အတူတူပဲဖြစ်စေ၊ အဲဒီအထဲက နည်း(၃)ကို အင်အယ်ဒီက ရွေးလိုက်ပါတယ်။ (၂)နဲ့(၃)ရဲ့ အားကောင်းချက် အားနည်းချက်တွေကို အသီးသီး ဆွေးနွေးခဲ့ကြလို့ မဖေါ်ပြလိုတော့ပါ ။ အရေးကြီးတာက တညီတညွှတ်ထည်း တခုထည်းကို ပုံအောဖို့ မဟုတ်ပါလား ။ အဲတာကြောင့် အခြေခံဥပဒေ အတည်မဖြစ်ဖို့ (ဗုတ်-နိုး ) မဲရုံသွား ၊ ကန့်ကွက်မဲပေးဖို့ပဲလို့ ယျေဘူယျဆိုချင်ပါတယ်။

ထပ်ဆောင်းတင်ပြလိုတာက ဗုတ်နိုးဆိုရင် သာမန်ပြည်သူတွေတင်မကပဲ အရပ်ဖက် အမှုထမ်းတွေ၊ လက်နက်ကိုင် အမှုထမ်းတွေ၊ ပြည်သူ့ရဲတွေ၊ တပ်မတော်သားတွေ၊ စွမ်းအားရှင် ကြံ့ဖွံ့အမည်ခံတွေကအစ (ပြည်သူဘက်) ပါဝင်ဖို့ လွယ်ကူလာနိုင်တယ်။ နို့မဟုတ်ရင် အခက်အခဲရှိမယ်။ သတ္တိကြောင့် မဟုတ်ဘူး၊ အခြေအနေနဲ့ ဆိုင်ပါတယ်။

ဆရာတို့မှာ စိုးရိမ်ချက်တခု စွဲနေတာကို တွေ့နေရတယ်၊ အဲတာက လူထုက မဲသွားပေးရင် ဆန္ဒခံယူပွဲကို အသိအမှတ်ပြုသလိုများဖြစ်ပြီး ၁၉၉၀ ရလဒ်များ ပျက်ပြယ်လေမလားဆိုတဲ့ သံသယကြီးပဲ။ စိုးရိမ်စရာမရှိပါဗျား၊ ဆန္ဒခံယူပွဲဟာ (အဆင့်လေးမြောက်) ရုဒ်မက်ရဲ့ လိုင်းဖြစ်တယ် ။ အင်အယ်ဒီဟာ အဲဒီရုဒ်မက်လိုင်းရဲ့ အဆင့်တစ် အမျိုးသားညီလာခံကိုပင် တက်ခဲ့ပြီးပြီပဲ၊ မူမမှန်လို့ ဆန့်ကျင်ပြီး ပြန်ဆုတ်ခဲ့တယ်၊ ၁၉၉၀ ပြည့်ရလဒ် မပျက်ခဲ့ပါဘူး။ ခုလည်း အခြေခံဥပဒေကြမ်းကို ထောက်ခံမဲပေးရင်တော့ တမျိုးဖြစ်မယ်၊ ကန့်ကွက်ဖို့ ကြေညာပြီး ၀င်တာမို့ ၁၉၉၀ ရလဒ်ကို ဘယ်လိုမှ ထိခိုက်မည် မထင်ပါ။

နဲနဲတိုးပြီး စဉ်းစားစရာ တခုက နည်းနာ(၁)အရ အောင်မြင်ရင် ဆန္ဒခံယူပွဲ ပျက်ပြယ်မယ် မှန်တယ်။ ဒါပေမယ့် ( တိုက်ပွဲကို ရှေ့ဆက် အဆင့်မမြှင့်နိုင်ရင်) ဆန္ဒခံယူပွဲ ပျက်ရုံပဲရှိမယ်၊ ရုဒ်မက်ရဲ့ အဆင့်(၄) ပျက်ရုံပဲရှိမယ်၊ အခြေခံဥပဒေမူကြမ်းကြီးဟာ ပျက်မသွားသေးဘူး၊ ဒါဆိုရင် ဆန္ဒခံယူပွဲ နောက်တခုပြန်လုပ်လို့ ရသလို ဖြစ်နေတယ်။ ဒီအတိုင်းပဲ နည်းနာ(၂) နိုးဗုတ် အောင်ရင် ဆန္ဒခံယူပွဲ အထမမြောက်တာပဲဖြစ်မယ်၊ ဒီ ဥပဒေအကြမ်းကြီးဟာ ပျက်မသွားသေး၊ ဆန္ဒခံယူပွဲတခု ပြန်လုပ်လို့ရနေတဲ့ သဘောရှိတယ်။ ရုဒ်မက် အဆင့်လေးထဲက မထွက်သေးဖူး၊ အဆင့်လေးထဲမှာပဲ လည်နေသေးတယ်။ နည်းနာ(၃) ဗုတ်နိုးက နိုင်သွားပြီ ဆိုရင်တော့ ဥပဒေအကြမ်းဟာ အတည်မဖြစ်တော့ဖူး၊ ပျက်သွားပြီ။ ဒီမူကြမ်းပျက်ရင် အဆင့်လေးကိုကျော် ဥပဒေအကြမ်းကို စခဲ့တဲ့ (အဆင့်တစ်) အမျိုးသားညီလာခံပါ တဆက်တစပ်ထဲ ထိပြီ။ ဆန္ဒခံယူပွဲ အသစ်လုပ်ချင်ရင် အစကပြန်စ၊ ညီလာခံအသစ်လုပ် မူကြမ်းအသစ် ပြန်ရေးရတော့မယ်။ ရုဒ်မက်ပျက်ပြီပဲ။

ဖွဲ့စည်းပုံအခြေခံဥပဒေကို ကန့်ကွက်ပြီးရင် အင်အယ်ဒီ ဘာလုပ်ဖို့ အစီအစဉ်ရှိသလဲ ( ဒီလိုမေးခွန်းမျိုး ဒီဗွီဘီက ဒေါက်တင်မောင်သန်းလည်း ပြောတယ်)။ ရှိတာပေါ့ဗျာ၊ ရှင်းရှင်းလေးပဲ။ ဖွဲ့စည်းပုံအတည်မဖြစ်ရင် နအဖ အထိနာမယ် ( ဆရာကျော်ဝင်းပြောတဲ့ နအဖကိုယ်တိုင်က ဖွဲ့စည်းပုံကို အတည်ဖြစ်မှာ မလိုလားဖူးဆိုတဲ့ စိတ်ကူးကို ဘေးဖယ်ထား ) သူ့ဘက်က အကြပ်အတည်း တွေ့မယ် ။ စစ်အစိုးရဟာ သဲနဲ့ဆောက်ထားတဲ့ အိမ်လိုမျိုး တနေရာပြိုရင် လျှောကနဲ အားလုံးပြိုသွားစရာရှိတယ်။ အဓိကကတော့ လူထုပါ၊ လူထုလှုပ်ရှားမှုတွေ တဆင့်ပြီးတဆင့် မြှင့်တက်လာရမယ်။ အမြင့်ဆုံး အခြေအနေတခုမှာ ၁၉၉၀ရဲ့ လွှတ်တော်ကိုယ်စားလှယ်တွေ (သို့ ) အင်အယ်ဒီ (သို့) စီအာပီပီ (သို့ ) တစုတပေါင်းတည်း ဦးဆောင်ပြီး လူထုအစိုးရတရပ်ဖွဲ့။ ဒါ လုပ်ငန်းအစီအစဉ်ပါပဲ။ အသေးစိတ်ကတော့ လုပ်ကြပေါ့ဗျာ။ ဒါကို အင်အယ်ဒီက ဖွင့်ပြောနေရဦးမှာလား။ အင်အယ်ဒီမှာ ဒီလိုမျိုး အစီအစဉ်မရှိဘူးထင်ရင် ဒီလိုလုပ်ပါလို့ အားလုံးက ၀ိုင်းဝန်း တိုက်တွန်းကြရမှာပေါ့ဗျာ။ တိုက်တွန်းနေတာတွေလည်း ရှိပါတယ်။

အင်အယ်ဒီမှာ အားနည်းချက်တွေ ရှိကောင်းရှိပါလိမ့်မယ်။ ဖိနှိပ်သူနဲ့ ဖိနှိပ်ခံဘ၀မှာ ကြုံရစမြဲပါ၊ ဂျပန်ခေတ် တုန်းကလည်း တော်လှန်ရေး ခေါင်းဆောင်တွေပေါ် အားမလို အားမရ ဖြစ်ခဲ့ကြတာပါပဲ။ ခုလည်း အင်အယ်ဒီ ခေါင်းဆောင်တွေကို ဆရာတို့လိုပဲ အားမလို အားမရ ဖြစ်နေကြတာတွေ အနည်းနဲ့အများ ရှိပါတယ်။ သို့သော် ဒီအားမရမှုဟာ လွန်ကျွံရင် ရန်သူ့အကြိုက် ဖြစ်သွားပြီး အသုံးချသွားနိုင်တယ်။ အချင်းချင်း အကြည်ညို ပျက်နိုင်တယ်၊ ညီညွတ်ရေး ပျက်နိုင်တယ်။ ညီညွတ်ရေးပျက်ရင် ကျားဆွဲတာ ခံရပါလိမ့်မယ်။

ချုပ်ရရင် ဒီတပွဲမှာ၊ သားလုပ်စာ အဖေ့လုပ်စာ ကိစ္စတွေ အငြင်းမပွားကြသေးဘဲ သားရွှေအိုးထမ်းတာ မြင်ရလေအောင် မိမိနဲ့နည်းနာချင်း မတူတာရှိရင် ထိန်းသိမ်းထား၊ မဲမပြားစေဖို့ တမျိုးတည်းသော နည်းနာသုံးပြီး မဲရုံသွား ကန့်ကွက်မဲ ပုံအောဖို့သာ လုပ်ကြပါစို့လို့ အခိုင်အမာ တိုက်တွန်းချင်ပါတယ်။

ရွာဘေးက - သာအေး

(ဒေါက်တာလွဏ်းဆွေ ဘလော့ဂ်မှ ယူပါသည်။)