ယနေ့ နေကြတ်မှု အပေါ် ရခိုင် ဝေဒနှင့် သမိုင်းသုတေသီ တဦး ဟောပြောချက်

1/15/2010

မောင်အေး(နိရဉ္စရာ) ယနေ့တွင် ဖြစ်ပေါ်ခဲ့သည့် နေကြတ်မှုနှင့် ပတ်သက်ပြီး ဘင်္ဂလာဒေ့ခ်ျနိုင်ငံ မဟားဇိုးမြို့ သံသီးရွာ ရခိုင်အမျိုးသား ကျောင်းတိုက်တွင် သီတင်းသုံး နေထိုင်မူသည့် ဝေဒနှင့် သမိုင်း သုတေသီ ပညာရှင် အရှင် ဣန္ဒာစက္ကကို နေရဉ္စရာမှ ဆက်သွယ်မေးမြန်းရာ အရှင်ဘုရားက အောက်ပါ အတိုင်း ဖြေဆိုထားပါသည်။

(၁) ဒီနေ့ နေကြတ်တဲ့ အပေါ် ဝေဒပညာအရ ဘယ်လိုမြင်ပါသလဲ အရှင်ဘုရား။

ခုလို ကောင်းကင်မှာ နေ၊ လ၊ နက္ခတ်၊ ဂြိုဟ်တာရာ၊ ဥက္ကာပျံခြင်း၊ တံခွန်ကျခြင်း နဲ့ နေကြတ်ခြင်း ဆိုတာတွေဟာ အတိတ်နိမိတ်အားဖြင့် ကောက်ရင် မကောင်းတဲ့ လက္ခဏာ ဖြစ်တယ်လို့ ပြောဆို ရမှာ ဖြစ်ပါတယ်။ ဒီဘင်္ဂလာဒေ့ခ်ျ နိုင်ငံမှာ နေထိုင်တဲ့ ဟိန္ဒီဘာသာဝင် တွေဆိုရင် နေမကြတ်မှီ ကတည်းက သူတို့ ထမင်းကို အပြီးစားထားကြတာကို တွေ့ရတယ်။ နေကြတ်ရင် သူတို့ ထမင်း မစားကြဘူး။ ဘာဖြစ်လို့ ဆိုတော့ မကောင်းတဲ့ သဘော ဖြစ်တယ်။ ဥပမာ အားဖြင့် ပြောရရင်လည်း မင်္ဂလာဆောင်တာတို့၊ အိမ်ဆောက်တာတို့ စတဲ့ မင်္ဂလာ အလုပ်တွေ ဆိုရင်လည်း နေကြတ်တဲ့နေ့ စပြီး ၇ ရက်ထိ နောက်ဆုတ်ပစ် ရတယ်လို့ ဆိုတယ်။ အတိတ်နိမိတ် မကောင်းလို့ ဆိုပါတယ်။ တဘက်မှာလည်း များသောအားဖြင့် တိုင်းပြည်မှာ မင်းအမတ် စစ်သူကြီးတွေ ပျက်တဲ့အခါ (သို့မဟုတ်) မင်းလောင်းတွေကို မွေးဖွားတဲ့ အခါမှာလည်း အခုလို နေကြတ်တာ လကြတ်တာတွေ ဖြစ်တတ်တယ်လို့ အဓိပ္ပါယ် ကောက်လို့ရပါတယ်။

(၂) ဒီကနေ့ နေကြတ်တာကို မြန်မာနိုင်ငံ အပါအ၀င် တချို့နိုင်ငံတွေကလည်း မြင်ရတဲ့အတွက် မြန်မာပြည်သူတွေ အတွက်ကကော ဘယ်လို သက်ရောက်မှုတွေ ရှိနိုင်ပါသလဲ အရှင်ဘုရား။

အခုနေကြတ်တာက စစ်တွေကနေ တရုတ်နယ်စပ်အထိ မြင်နေရတဲ့အတွက် မြန်မာပြည် သူ တွေကတော့ အစားအသောက်ရှားပါးမှု၊ ငတ်မွတ် ခေါင်းပါးမှုစတဲ့ အန္တရာယ်တွေနဲ့ ကြုံတွေ့ ရနိုင်တယ်။ နောက်ပြီး ကျန်းမာရေး အရလည်း အများနဲ့ သက်ဆိုင်တဲ့ ရောဂါဆိုးတွေကြောင့် ပြည်သူတွေကို ထိခိုက်မှုတွေ ရှိနိုင်တယ်။ အနာ ရောဂါ စတဲ့ ဘေးဆိုးတွေ ထူပြောမယ်လို့ ပြောမယ်ဆိုရင် ပြောလို့ ရနိုင်ပါတယ်။

(၃) ဒီကနေ့ နေကြတ်မှုနဲ့ ပတ်သတ်လို့ မြန်မာနိုင်ငံမှာ ပြောင်းအလဲတွေ ဖြစ်လာနိုင်တဲ့ အနေအထားတွေကို ရှိပါသလား အရှင်ဘုရား။

ဒီနေကြတ်တဲ့နေ့က စပြီး နောက် သုံးလေးလ အတွင်းမှာ ပြောင်းလဲမှုတွေ ဖြစ်နိုင်တယ်လို့ ယူဆပါတယ်။ တိုင်းပြည်မှာရှိတဲ့ မင်းတွေ ကုသိုလ်ကံ ကုန်လာတဲ့ အခါ၊ ကံဇာတာ ညံ့လာ တဲ့အခါ အခုလို နေကြတ်တာတို့ မြေငလျင် လူပ်တာတို့ ဖြစ်လေ့ ဖြစ်ထရှိပါတယ်။ အခု မြန်မာ နိုင်ငံမှာ ဆိုရင် နတ်တော်လတုန်းကလည်း မြေငလျင် လှုပ်ခဲ့တယ်။ အခု နေကြတ်တယ်။ နောက်ပြီး ဒီနှစ်က တန်ခူးလမှာ သင်္ကြန်မကျဘဲ ကဆုန်လမှာ လာပြီး သင်္ကြန်ကျတဲ့ အတွက် မြန်မာနိုင်ငံ အတွက် အပြောင်းအလဲ ရှိမယ်လို့ယူဆရပါတယ်။ ဂျပန် ဖက်ဆစ်တွေ မြန်မာနိုင်ငံက ထွက်သွားတဲ့ ၁၉၄၅ ခုနှစ်မှာလည်း သင်္ကြန်ဟာ တန်ခူးလမှာ မကျဘဲ ကဆုန်မှာ ကျပါတယ်။ ၁၉၄၈ ခုနှစ် ဗြိတိသျှတွေ မြန်မာနိုင်ငံက ထွက်သွားတဲ့ နှစ်မှာလည်း သင်္ကြန်ဟာ ကဆုန်လမှာ ကျပါတယ်။ ရှေ့က ဖြစ်ပျက်ခဲ့တဲ့ ဥပမာ တွေလည်း ရှိနေတယ်။ သီပေါမင်း ပါတော်မမူမှီ အချိန် ၁၈၈၅ ခု ဒီဇင်္ဘာ လ ၃၁ ရက်နေ့ နတ်တော် လဆန်း ၇ ရက်နေ့ မြေငလျင် လှုပ်တယ်။ မြေငလျင် လှုပ်ပြီး သိပ်မကြာခင် မှာဘဲ သီပေါမင်း ပါတော်မူတယ်လို့ စာပေ အထောက်အထားတွေ အရ တွေ့တယ်။ ဒါကြောင့် တိုင်းပြည်မှာ အုပ်ချုပ်သူတွေ အတိတ် နမိတ်မကောင်း ပျက်စီးနိင်တယ်လို့ ဟောနိုင်ပါတယ်။ ပြည်သူတွေ လွတ်လပ်မယ့် နှစ်လည်း ဖြစ်နိုင်ပါတယ်။

(၄) ဒီနေ့ နေကြတ်တာက ဘယ်ဘက်ကစပြီး ကြတ်တယ်လို့မြင်ရပါသလဲ။ ဒီလို အရှေ့ အနောက် ဘယ်ညာ ကြတ်တာတွေနဲ့ ပတ်သက်လို့ ဝေဒပညာမှာ ဘယ်လိုအယူ အဆတွေ ရှိပါလဲ အရှင်ဘုရား။

ဒီနေ့ နေကြတ်တာကို ဦးဇင်း ထွက်ကြည့် လိုက်တဲ့ အခါ ဒီနေ့ နေကြတ်တာကို နေအလတ် ကြတ်တယ်လို့ ခေါ်ပါတယ်။ အပြည့်ကြတ်တာ မဟုတ်ပါဘူး။ နေအ၀ိုင်းထဲမှာ အမဲကွက် တကွက် ပေါ်လာပြီး အဲဒီ အမဲကွက်ဟာ တဖြည်းဖြည်း ပျောက်ကွယ်သွားတယ်။ ဒါကြောင့် နေအလတ်ကြတ် တယ်လို့ဆိုပါတယ်။ နေအပြည့် ကြတ်တယ်ဆိုရင် အမှောင်ကျသွားမယ်။ ဒီလို ဖြစ်တဲ့အတွက် တိုင်းသူ ပြည်သားတွေဟာ ခုနက ပြောခဲ့သလို အနည်းအများ ဆင်းရဲဒုက္ခတွေ ကြုံတွေ့ရနိုင်တယ်။ အဓိကတော့ တိုင်းပြည်မှာ အုပ်ချုပ် မင်းလုပ် နေသူတွေကတော့ ဥပါဒ် ရောက်မဲ့ သဘောရှိပါတယ်။ နောက်ပြီး နေကြတ် တာကို မြန်မာပြည်က အဓိက မြင်ရတဲ့ အတွက် မြန်မာနိုင်ငံကို အုပ်ချုပ်နေတဲ့ စစ်အစိုးရ အတွက် အဓိက ထိခိုက်နိုင်တယ်လို့ မြင်ပါတယ်။

(၅) နေကြတ်တာနဲ့ ပတ်သက်လို့ မြန်မာ့ အတိုက်ခံတွေ ဘက်မှာရော ဘယ်လို ထိခိုက်မှုတွေ ရှိနိုင်ပါသလဲ ဘုရား ။

အတိုက်ခံတွေနဲ့ ပတ်သက်လို့တော့ ဒီနယ်စပ် ဒေသတွေမှာ ရှိတဲ့ လက်နက်ကိုင် အဖွဲ့တွေနဲ့ နအဖ စစ်တပ်တွေ အကြား တိုက်ခိုက်မှုတွေနဲ့ အတူ သွေးထွက် သံယိုမှုတွေ ဖြစ်နိုင်တယ်လို့ ပြောရမှာ ဖြစ်ပါတယ်။ နတ်တော်လမှာ မြေငလျင် လုပ်တာလည်း စစ်မက် ဖြစ်မယ်လို့ ပြတယ်။ ဂျပန်တွေကို မတော်လှန်မီကလည်း မြေငလျင် လှုပ်တယ်လို့ စာပေတွေမှာ ပြတယ်။ နောက်ပြီး အင်္ဂလိပ်တွေ မြန်မာနိုင်ငံက ထွက်မဲ့နှစ် ကလည်း မြေငလျင် လှုပ်တာတွေ ရှိတယ်။ အခု နေကြတ်တာနဲ့ ပတ်သတ်လို့ မြန်မာနိုင်ငံမှာ နိုင်ငံရေးအရ အပြောင်းအလဲ ဖြစ်နိုင်ပါတယ်။ အဓိကတော့ စစ်မက်တွေလည်း ဖြစ်လာနိင်တယ်လို့ ပြောနိုင်ပါတယ်။ (ပြီး)

နိရဉ္စရာမှ ကူးယူဖေါ်ပြသည်